San Lucas 15:6 - Zoque Copainalá New Testament

⁶ Maŋba tyʌjcaŋʌ. Yajtu'mʌpya 'yamigota'm y vyecinota'm y ñʌjayajpa: Nʌnʌ'omdamʌ'ʌj, porque mba'twa'mʌs te' ñchowambe tocoyupʌ inʌc.

San Lucas 15:6 ပူးပေါင်းရင်းမြစ်များ

San Lucas 1:58

Y myujšaju te' tyʌjca'ŋoyjtya'mbʌ's y te' tyʌwʌ'sta'm jutz myʌja'ŋdoya'ŋʌyu Diojsis te' Elisabet, y tyumʌnʌ'omyaju ñe'cʌji'ŋ.

San Lucas 15:10

Te'še'ʌsmij ndzamjaytyamba que maŋba ñʌ'omyajque'tu Diojsis 'yangelejsis cuando quipswitu'pa'c tumʌ cowatzʌquipʌ pʌn.

San Lucas 15:24

Porque yʌ' ʌs une ca'tʌ'upa'yʌ' y yʌtij winsa'wʌtzʌjcu, tocoytyʌ'upʌyʌ' y yʌtij quejwʌtzʌjcu. Y sʌ'ŋajcʌ'yaju.

San Lucas 15:5

Y pya'tu'ca, quiotpa pyequicʌsi y ñʌ'omba.

San Lucas 15:7

Ndzamjaytyamba'ʌsmij yʌ'šej: Más maŋba ñʌ'omyaju tzajpojmota'mbʌ's quipswitu'pa'c tumʌ cowatzʌquipʌ pʌn que ja'nde' noventa y nueve justota'mbʌ ja'na pyʌquiapyʌ's wa'y quipswitu'yaju.

San Juan 15:14

Mijta'm ʌsmijyʌ' amigota'm juca ndzʌctambamis tiyʌta'mʌsmij aŋgui'mdamba.

San Juan 3:29

Te' co'tʌjcajupʌ pʌ'nis pyʌjcʌchoŋba te' yomo. Y te' co'tʌc-pʌ'nis ijtu šunbapʌ tyʌwʌ ñe' che'ŋna'oyj tenayupʌ, y quiʌmato'ŋʌpya. Y myatoŋjapya'c chame te' co'tʌc-pʌ'nisñe' jene ñʌ'omba. Te'še'ʌs nʌ'omba ʌs matoŋba'cʌs nʌ quiʌ'maŋyaju Jesús.

Hechos 11:23

Y nu'cu yʌ'wʌ y quienu jutz chi'yaju Diojsis yajya'moquiuy, y ñʌ'omu. Y pyʌmitzi'yaju chamepit mumuta'mbʌ wa'y tyumʌtzocoy quio'ŋjojcʌtʌcjayaju tʌ Ngomi.

Hechos 15:3

Te' Antioquia'ojmopʌ tu'mʌquiu'yis minu myaŋdzaquiatʌju. Y yʌ'ta'mbʌ cʌtʌquiaju Fenicia y Samaria'ojmo, y chamyaju jutz wyʌ'aŋjamyaju Dios te' genti'lista'm. Y te'cotoya jene ñʌ'omyaju mumu atzi'sta'm.

Filipenses 1:4

Y jujche'ŋ naca'ʌs oto'ŋʌpya Dios, tzi'ŋbʌ'pa ʌs ndzocoy wa'yʌj nwa'coyu mijcotoyata'm.

Filipenses 2:17

Mis jeque, nwʌ'aŋjamdamumis Dios y ndzi'oquia'tamumis ne' nwin ñe'cʌcʌsi jujcha' tzi'oquiuy. Y ñempe'ʌj yajca'ya oma'oma'ʌs maŋba ndzi'oquia'u nwin Dioscʌsi, porque te'še'ʌs maŋba nyajcota'nbʌ'u mista'm ndzi'oquiuy. Te'cotoya tzi'ŋbʌ'pa'ʌj y omdzocopyacpa'ʌj miji'ŋda'm.

Filipenses 4:1

Te'cotoya atzita'm, te'šej co'ŋjojcʌtʌctamʌ tʌ Ngomi Jesús. Jene sundamba'ʌsmij y hasta sunba'ʌsmij ŋguendamu atzita'm. Mijpitta'm omdzocopyacpa'ʌj porque quejpa que jaquiomeque'ʌj yosa mi'ojmota'm.

1 Tesalonicenses 2:19

Mijpitta'm njo'cpatʌs tiyʌ'iwʌ y maŋbatʌj omdzocopyajcu, y maŋbatʌs nwʌcotzamu nwin Ngomi Jesucristo's wyi'naŋdʌjqui, minba'ca.

1 Pedro 2:10

Mijta'm, cʌtʌquiajupʌ aŋsʌ'ŋojmo yempejutzpʌ mbyʌnda'm mijyʌ' inʌc, pero yʌtij Diojsisamijyʌ' pyʌnda'm. Y te' cʌtʌquiajupʌ aŋsʌ'ŋojmo ja'nmis inʌc mustame que ñdyo'ya'ŋʌytyamba inʌc Diojsis, pero yʌtij mustamwa'mis que Diojsis wiyuŋšej ñdyo'ya'ŋʌytyamba.

1 Pedro 2:25

Wina tuŋdocoyajupʌ ñchowambešejta'm mij inʌc Diojsis wyi'naŋdʌjqui, pero yʌtij ŋgʌwitu'ʌytyamumis Cristo te' co'aŋgui'moye, ŋguioquendambapʌ'smij Diojsis wyi'naŋdʌjqui.