San Lucas 14:32 - Zoque Copainalá New Testament

³² Juca 'yaŋjamba que ja'n quiote, ya'mya' ijtu'c te' eyapʌ, yajmaŋba quiʌ'wej wa'y maŋu chamsujcʌyu u'ya ñʌquijpu.

San Lucas 14:32 ပူးပေါင်းရင်းမြစ်များ

San Mateo 5:25

Tzamsujcʌ te' maŋbapʌ'smij ñiwa'cʌyu tu'ŋojmomajmij ittamu'cše'ŋoyj ñe'cʌji'ŋ, uytya'mij ñʌca'ŋnu'cu cʌme'tzopyawa'ŋʌ te' sunbapʌ'smij ñiwa'cʌyu. Y te' cʌme'tzopyapʌ's maŋbamij ñchi'oquia'u soldadocʌsi, y te' soldado's maŋbamij šomu.

San Mateo 5:42

Iwʌ'smij ñiwa'cpa, tzi'ʌ. Iwʌ'smij ñinu'cspa, uy nʌje'ŋjay.

San Lucas 12:58

Nʌ'cmij myaŋu wa'coquiu'yojmo te' wa'copyapʌji'ŋ, tzʌcme'tza tu'ŋojmotij wa'mis ndzamsujcʌyu ñe'cʌ uytya'mij ñʌmaŋu cʌme'tzopyawa'ŋʌ. Y te' cʌmetzopyapʌ's maŋbamij ñchi'oquia'u soldadocʌsi, y te' soldado's maŋbamij šomu.

San Lucas 14:31

O juca tumʌ re'yis maŋba ñʌquijpu eyapʌ rey, y te'wʌ's nʌ quiʌ'minu ips-mil pʌnji'ŋ, ¿ja'nsʌ'ŋ winac pocsu'c quipsoye juca muspa maŋu ñʌquijpu majca'y-mil pʌnji'ŋ?

San Lucas 14:33

Te'šej jeque mi'ojmota'm, iwʌ's ja'n chaque myumutiyʌ ñʌ'ijtupʌ, ja'n quiʌpa'te wa'yʌs ŋgʌ'aŋmaye'aju.

San Lucas 19:14

Pero te' aŋgui'moye's quiumgutyʌwʌ's qui'nišajpa inʌc. Te'cotoya yajmaŋyaju cʌ'wejta'm ñe' 'yucaŋgʌ'y wa'y maŋu yʌ'šej ñʌjayaju te' ya'apyʌ najsojmota'mbʌ: Ja'ndʌs suni wa'ytyʌ minu aŋgui'mu yʌ'wʌ's.

Hechos 12:20

Y Herodejsis jene nʌ inʌc qui'nisu Tiro y Sidoŋ-gumgu'yojmota'mbʌ. Pero ñe'cʌ'sta'm tumo'pyʌ quipsoquiuyji'ŋ quiʌ'miñaju te' Herodes. Y ñu'cšaju Blasto, te' re'yis 'yʌŋguytyʌc copujpawʌ's quiowi'na, wa'y te'wʌ's minu wya'cu wa'y yaju te' qui'nisoquiuy, porque te' re'yis inʌc ñajsojmoc minba cu'tcuy te' Tiro y Sidoŋ-gumguquiotoya.