San Lucas 14:12 - Zoque Copainalá New Testament

¹² Ñʌjaquie'tu Jesujsis te' 'yaŋbʌjcupʌ's ñe'cʌ: Ndzʌcpa'camis cu'tcuy o ujcaŋbajcuy, uy aŋbʌqui na' te' mis amigota'm, ni te' mis atzita'm ni mis ndzʌñdyʌwʌ, ni mis ricopʌ vecino. Juca te'šejmis ndzʌcpa, te'ta'mbʌ's maŋbamij 'yaŋbʌquiajyajque'tu, y te'wʌ coyowašej maŋba pyujtu.

San Lucas 14:12 ပူးပေါင်းရင်းမြစ်များ

San Mateo 5:46

Juca suñajpamis na' te' šuñajpapʌ'smij ¿tiyʌ coyowa njo'ctamba? Te'šejtij chʌquiajque'tpa te' tze'coyajpawʌ's.

San Lucas 1:53

Pyʌ'nʌyaju oyeta'mbʌ tiyʌpit te' yu'yajpapʌ, y cʌ'jojtaca yajtzu'cumyaju te' itʌpa'tyajupʌ.

San Lucas 1:58

Y myujšaju te' tyʌjca'ŋoyjtya'mbʌ's y te' tyʌwʌ'sta'm jutz myʌja'ŋdoya'ŋʌyu Diojsis te' Elisabet, y tyumʌnʌ'omyaju ñe'cʌji'ŋ.

San Lucas 14:11

Porque iwʌ's myʌja'ŋgomʌ'pya wyin, maŋba yajcʌma'ŋajyaju. Y iwʌ's quiʌmaŋdzʌcpa wyin, maŋba yajmʌja'ŋajyaju.

San Lucas 14:13

Pero ndzʌcpa'camis sʌŋ-gu'tcuy, aŋbʌcʌ pobreta'mbʌ, cʌ'tyucuta'mbʌ, mʌ'ŋga'ŋyajpapʌ y to'tita'mbʌ.

2 Corintios 6:13

Tʌs sunbatʌsmij, y wa'mistʌj te'šej sunwʌtzʌctaŋgue'tu mista'm, sundamʌtʌj ndumʌtzocoy (uneše'ʌsmij oto'ŋʌytyamba).