San Lucas 14:11 - Zoque Copainalá New Testament

¹¹ Porque iwʌ's myʌja'ŋgomʌ'pya wyin, maŋba yajcʌma'ŋajyaju. Y iwʌ's quiʌmaŋdzʌcpa wyin, maŋba yajmʌja'ŋajyaju.

San Lucas 14:11 ပူးပေါင်းရင်းမြစ်များ

San Mateo 23:12

Porque iwʌ's myʌja'ŋgomʌ'pya wyin, te'wʌ maŋba yajcʌma'ŋajyaju. Y iwʌ's quiʌmaŋdzʌcpa wyin, te'wʌ maŋba yajmʌja'ŋajyaju.

San Lucas 1:51

Y yajqueju ñe' quiʌ'ojmopʌ pyʌmi y tyi'tpejpʌ'yaju te' myʌja'ŋgomʌ'yajpapʌ's wyin, te' te'ngui'myajpapʌ.

San Lucas 1:52

Yajʌcʌ'jayaju te' 'yaŋgui'mʌtʌjcuy te' aŋgui'myajpapʌ'sñe', y yajmʌja'ŋajyaju te' yumijta'mbʌ.

San Lucas 14:12

Ñʌjaquie'tu Jesujsis te' 'yaŋbʌjcupʌ's ñe'cʌ: Ndzʌcpa'camis cu'tcuy o ujcaŋbajcuy, uy aŋbʌqui na' te' mis amigota'm, ni te' mis atzita'm ni mis ndzʌñdyʌwʌ, ni mis ricopʌ vecino. Juca te'šejmis ndzʌcpa, te'ta'mbʌ's maŋbamij 'yaŋbʌquiajyajque'tu, y te'wʌ coyowašej maŋba pyujtu.

San Lucas 18:14

Ʌsmij nʌjaytyamba que yʌ'wʌ justopa' wanajcu ñe' tyʌjcaŋʌ, y te' eyapʌ, ja'ne. Porque iwʌ's myʌja'ŋgomʌ'pya wyin, maŋba yajcʌma'ŋajyaju. Y iwʌ's quiʌmaŋdzʌcpa wyin, maŋba yajmʌja'ŋajyaju.

Santiago 1:9

Te' iwʌjana'iwʌpʌ atzi's pyʌcpa wa'y dichoso'aju porque Diojsiste' yajmʌja'ŋajpa ñe' wyi'naŋdʌjqui.

Santiago 4:10

Yajyumi'ajtamʌ nwin tʌ Ngomi's wyi'naŋdʌjqui, y ñe'cʌ'smij maŋba nyajmʌja'ŋajtamu.

Santiago 4:6

Y Diojsis maya'aŋdʌ yajyamba wa'ytyʌ pʌmitzi'tamu. Yʌ'šej chamba Totojaye's: 'Yotoŋwinduquiajpa Diojsis te' myʌja'ŋdzʌquiajpapʌ's wyin y yajyamba te' yumijta'mbʌ wa'y pyʌmipʌquiaju.

1 Pedro 5:5

Y jujche'ŋ soca's y papiñomo's yajmato'ŋoyjaya ancianota'm. Y jujche'ŋ tu'mʌyajpapʌ, mumu yajmato'ŋoya ñe'co'mota'm yumijpʌ tzocopyit porque yʌ'šej chamba te' Totojaye's: 'Yotoŋwinduquiajpa Diojsis te' myʌja'ŋdzʌquiajpapʌ's wyin, Y yajyamba te' yumijta'mbʌ.

1 Pedro 5:6

Yajyumi'ajtamʌ nwin porque pʌmi'ʌyupʌ Diojsistʌyʌ' 'yaŋgui'mʌtʌjcuquiʌ'mʌta'mbʌ y ñe'cʌ'smij maŋba nyajmʌja'ŋajtamu nu'cpa'ca aŋsʌŋ.