San Lucas 13:31 - Zoque Copainalá New Testament

³¹ Pitpʌ hora'oyjtyij nu'quiaju metza tuca'y fariseo y ñʌjayaju Jesús: Tzu'cumʌ yʌy. Mawʌ, porque sunbamij nyajca'u te' Herodejsis.

San Lucas 13:31 ပူးပေါင်းရင်းမြစ်များ

San Mateo 14:1

Ʌ'ta'mbʌ tiempo'ojmo tepyʌ najsoyj inʌc aŋgui'mba Herodes. Y myujsu jutz inʌc wyʌcotzamyajpa te' Jesús.

San Mateo 14:3

Porque Herodejsis yajnucʌtʌju wina te' Juan y ši'ñaju cadenapit y quiojtyaju preso'mo. Herodejsiste' inʌc pyotzo te' Felipe, y yʌ' Felipe'ste' inʌc yomo te' Herodías. Yʌ' yomo'ste' te'šej wya'cu,

San Mateo 14:6

Quiosʌ'ŋajayaju Herodejsis pyʌ'najcuy-jyama. Pijche'c Herodiajsis yomojpʌ 'yune maŋu 'yejtzu pʌ'nʌcucmʌ, y ñʌ'o'maŋgʌtʌjcu Herodejsis.

San Lucas 23:7

Y ñʌctʌ'yu Pilato's que Herodejsiste' 'yaŋgui'mʌtʌjcu'yis quiowindzʌmbapʌ inʌc. Te'cotoya quiʌ'weju Jesús ijtumʌy Herodes, porque te'ta'mbʌ jamo'oyj tey inʌc ijtu Jerusale'ŋojmo.

San Lucas 3:1

Yʌjta'y ame'a nʌ myʌja'ŋaŋgui'moyu'c Tiberio César, te' Poncio Pilato gobernadorte' inʌc Judea-najsojmo, y te' Herodes gobernadorte' inʌc Galilea-najsojmo. Y Herodejsis pyotzo Felipe nʌ inʌc 'yaŋgui'moyu Iturea y Traconite-najsojmo, y Lisanias nʌ inʌc 'yaŋgui'moyu Abilinia-najsojmo.

San Lucas 9:7

Pijche'c Herodes inʌc nʌ 'yaŋgui'mu, y myujsu mumutiyʌta'm inʌc nʌ chʌjcupʌ Jesujsis. Y jopi'tu porque nʌmyajpa inʌc wene pʌn: Juan Bautistayʌ' winsa'upʌ ca'yajupʌ'ojmoc.