San Lucas 13:29 - Zoque Copainalá New Testament

²⁹ Maŋba miñaju pʌnda'm chojtaŋgʌsmʌc y tyʌ'paŋgʌsmʌc y popyamʌc pacac-sawa y popyamʌc jama-sawa. Y maŋba pyocšaju mesa'ojmo tey aŋgui'mbamʌy Dios.

San Lucas 13:29 ပူးပေါင်းရင်းမြစ်များ

San Mateo 8:11

Y ʌsmij nʌjaytyamba que jene maŋba miñaju pʌnda'm chojtaŋgʌsmʌc y tyʌ'paŋgʌsmʌc, y maŋba tyʌjcʌyaju aŋgui'mbamʌy te' tzajpojmopʌ, y oma'ojmo maŋba pyocšaju Abrahaŋji'ŋ, Isaacji'ŋ y te' Jacobji'ŋ.

San Marcos 13:27

Pijche'cʌs maŋba ŋgʌ'weju ʌs angelesta'm wa'y yajtu'mʌyjayaju te' ʌs ŋgopiwi-pʌnda'm mumu naswindumʌ desde chojtaŋgʌsmʌc hasta tyʌ'paŋgʌsmʌc.

San Lucas 13:30

Wʌwʌ te' yʌtijta'mbʌ cowi'na maŋba quiʌma'ŋajyaju. Y te' yʌtij cʌmaŋda'mbʌ maŋba quiowi'na'yaju.

Hechos 28:28

Yʌtij jeque, mustamʌ que Diojsis nʌ quiʌ'weju ñe' quiotzojcoquiuy gentilcotoya y ñe'cʌ'sta'm maŋba myatoŋyaju.

Colosenses 1:23

Yʌ'šejmij jeque muspa ittamu juca wiyuŋšej paqui mij ittamu te' Cristocʌsipʌ wʌ'aŋja'moquiu'yojmo, y juca nʌmis njo'cjojcʌtʌctamu te' chambapʌ tiyʌ te' evangelio's, te' matoŋušejmis wina. Y yʌ' evangelio nʌ quiopuŋu mumu naswindumʌpʌ pʌ'nojmo. Y ʌj Pablo, Diojsisʌjyʌ' cʌ'weju wa'yʌs ndzamgopuŋu yʌ' evangelio.

Colosenses 1:6

Yʌ' evangelio nʌ tyʌjcʌyu entero najsacopac y wʌwʌ pʌ'nis nʌ wyʌ'aŋjamyaju jujcha' wina nu'cu mi'aŋʌta'm. Y wʌwʌ mi'ojmota'mbʌ's wyʌ'aŋjamyaju y quiacpʌ'yaju itcuy myatoŋyaju'c y ñʌctʌ'yaju'c oye jutzmij wiyuŋšej nyajyamdamu Diojsis.