San Lucas 13:24 - Zoque Copainalá New Testament

²⁴ Tzʌcme'tztamʌ wa'mij ñdyʌjcʌytyamu te' penapittʌ tʌjcʌpyamʌy, porque ʌsmij nʌjaytyamba que wʌwʌ pʌ'nis maŋba chʌcme'chaju wa'y tyʌjcʌyaju y ja'n maŋu pya'tyaju tyʌjcʌquiuy.

San Lucas 13:24 ပူးပေါင်းရင်းမြစ်များ

San Mateo 11:12

Desde que te' Juan Bautista yajnʌ'yʌ'oquiʌ'yu hasta yʌtij, nʌ myatztʌjcʌyatʌju pʌnda'm wa'y Diojsis 'yaŋgui'myaju. Y te' pʌmi'ʌyajupʌ's sunba myatztʌjcʌyaju wyin aŋgui'mbamʌy Dios.

San Lucas 13:23

Y tuma'ŋbʌ'nis ñʌjayu: Señor, ¿uša'ŋdya'te' cotzoquiajpa? Y Jesús aŋdzoŋu:

San Lucas 21:36

Coquendamʌ cuenta jeque. Oto'ŋʌyjojcʌtʌctamʌ Dios tumdumʌ jama wa'mij ñe'cʌ's ñʌcma'yʌytyamu jujcha' myerecetzʌcpapʌ's cotzojcuy, y wa'mis mbʌ'mgopajcʌytyamu mumu yʌ'šejta'mbʌ toya maŋba miñajupʌ. Te'šej jana na'chcuy mij maŋba 'yaŋguejtamu, ʌj te' Pʌ'nis 'Yune's wyi'naŋdʌjqui.

San Juan 13:33

Tʌwʌy, uša'ŋ horatya'mʌjyʌ' maŋba ijtu miji'ŋda'm. Maŋbamisʌj me'tztamu, pero ndzamjayajuše'ʌs judiota'm, te'še'ʌsmij ndzamjaytyaŋgue'tpa mijta'm yʌtij: Maŋbamʌ'yʌj ʌj, mijta'm ja'nmij musi mindamu.

San Juan 5:4

Porque nu'cpa'c aŋsʌŋ wanacpa inʌc ángeles y yajmi'cspa inʌc te' nʌ' te' tanque'ojmo. Iwʌ wina tʌjcʌpya nʌ'c myi'csu te' nʌ', tzocpa inʌc wempe jutzpʌ ca'cuy.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 7:34

Maŋbamisʌj me'tztamu pero ja'namisʌj maŋu mba'ttamu. Te' maŋbamʌ'yʌj ijtu ʌj, mijta'm ja'nmij musi mindamu.

San Juan 8:21

Y ñʌmwʌtzʌcjayaju Jesujsis: Maŋba'ʌj, y maŋbamisʌj me'tztamu, pero mijta'm cowatzʌquimij maŋba ŋguia'tamu. Maŋbamʌ'yʌj ʌj mista'm ja'nmij musi mindamu.

Romanos 10:3

Como ja'n ispʌcjayay te' Diojsis jyusticia, te' tzi'papʌtʌ, chʌcme'chajpa wa'y quiojtyaju ñe' jyusticia. Te'cotoya jamyato'ŋoyjaya te' Diojsis jyusticia.

Colosenses 1:29

Te'cotoya nʌ'ʌj je'ecaju-co'ŋaju nyojsu porque Cristo'sʌj maya'aŋ pʌmitzi'pa wa'yʌj te'šej nyojsu.

Hebreos 4:11

Pyʌcpa jeque wa'ytyʌ ŋgoquendamu cuenta wa'ytyʌ ndʌjcʌytyamu maŋbamʌytyʌ yajsapʌctamu ñe'cʌ's, y uytyʌ maŋu njascojchi'ttamu jascojchi'tyajušej te' jamyato'ŋoyapʌ.

2 Pedro 1:10

Te'cotoya, atzita'm, coquendamʌ cuenta wa'mis nyajquejtamu mista'm nwʌ'aŋja'moquiu'yojmo que wiyuŋšej ja'nmij myochcʌtʌŋdame porque Diojsismijyʌ' nwyejtamu y ŋguiopiŋdamu. Y juca yʌ'šejmis ndzʌctamba, ja'nmij ñdyocoytyame Diojsis wyi'naŋdʌjqui.