San Lucas 13:19 - Zoque Copainalá New Testament

¹⁹ Yʌ'šejpʌte' jujcha' mostaza-tʌmbu pyʌjcupʌ te' pʌ'nis y ñijpu ñe' wye'quio'mo. Tzojcu y mʌjacu'yaju. Y te' sitityajpapʌ paloma's chʌquiaju ño'se 'yaŋmaŋgʌsita'm.

San Lucas 13:19 ပူးပေါင်းရင်းမြစ်များ

San Mateo 17:20

Y Jesujsis aŋdzoŋutʌj: Porque jene mochita'maj mis nwʌ'aŋja'moquiuy. Wiyuŋše'ʌsmij ndzamjaytyamba: Juca inʌc mij nwyʌ'aŋja'moytyamba yajtya' mostaza tʌmbuše'ŋ, nʌjaytyambamis inʌc yʌ' cotzʌc: Jʌcʌ'ʌ tey, y mawʌ emʌ. Y maŋba. Y ja'namij mbyacpitica'tame wa'mis ndzʌctamu ñempetiyʌ.

San Marcos 4:30

Y nʌmgue'tu Jesús: ¿Tiyʌpi'tandʌ utztʌ'pa te' Diojsis 'yaŋgui'mʌtʌjcuy? ¿Jutipʌ comparacioŋbi'tandʌ utztʌ'pa?

San Lucas 17:6

Pijche'ca tʌ Ngomi nʌmu: Juca inʌc mij nwyʌ'aŋja'moytyamba yajtya' mostaza-tʌmbuše'ŋ, nʌjaytyambamis inʌc yʌ' sicomoro-cuy: Wisputʌ nwin, y ma tenapyacʌ ma'rojmo, y myato'ŋoyjaytyambamij.

Hechos 2:41

Te'cotoya te' wyʌ'aŋjamyajupʌ's te' chame nʌ'yʌyaju. Te' jamo'oyj a'ŋʌyaju ñe'co'mo tuca'y mil pʌnše'ŋoyj.

Hechos 21:20

Quiʌmato'ŋʌyaju'ca ñe'cʌ'sta'm myʌja'ŋwʌcotzamyaju Dios. Y nʌmyaju: Nguenwa'ja atzi, jujche'ŋ mil ijtyaju wʌ'aŋja'mopyapʌ judío, y mumupʌ's quioquipyajpa te' aŋgui'mguy.

Hechos 4:4

Pero wʌwʌ pʌn quiʌmato'ŋʌyajupʌ's te' evangelio, wyʌ'aŋjamyaju, y ta'ñaju mosa'y mil pʌnše'ŋoyj.

Romanos 15:19

maya'aŋda'mbʌ señalpit, y isaŋwʌ'ajcupyit te' Diojsis 'Yespiritu's pyʌmipit. Te'šej jeque ndzamgopuŋwa'mʌs te' Cristo's 'yevangelio mumu luga'royj. Nʌcʌtzo'tzu'ʌs Jerusalén y ŋgʌwitu'u'ʌs eyata'mbʌ nas hasta nu'cu'ʌj Ilirico-najsojmo.

El Apocalipsis 11:15

Y te' cu'ya'yojmopʌ ángeles mu'u myu'cupyit, y maya'aŋda'mbʌ otowe pujtu te' tzajpojmoc nʌ ñʌmyajupʌ: Najsacopac re'yista'm 'yaŋgui'mʌtʌjcuy pyʌjcʌchoŋwa' yʌtij tʌ Ngomi Diojsis y te' 'Yune Cristo's. Y ñe'cʌ maŋba re'yaju mumu jamacotoya.