San Lucas 13:16 - Zoque Copainalá New Testament

¹⁶ Yʌ' yomo Abraha'ŋisyʌ' 'yune y chʌcpa'a yʌt-co-tuca'y ame yajca'epa'tu Satanajsis. ¿Ja'nja inʌc pyʌqui wa'yʌs nyajtzojcu sabado-jamo'oyj?

San Lucas 13:16 ပူးပေါင်းရင်းမြစ်များ

San Mateo 4:10

Pijche'ca Jesujsis ñʌjayu: Mawʌ, Satanás. Porque yʌ'šej ja'yʌyu: Mis Ngomi Dios cujnayja, y na' ñe'cʌ cʌna'tzʌ.

San Marcos 2:27

Y ñʌjayajque'tu Jesujsis te' fariseota'm: Te' sabado-jama pʌngotoyate' quiojtu Diojsis pero jachʌcʌ te' pʌn sabado-jamacotoya.

San Lucas 16:24

Pijche'ca weju'c nʌmu: Tata Abrahán, to'ya'ŋʌ'ʌj. Cʌ'weya Lázaro wa'y yajmuju quiʌ'mosi nʌ'pit y wa'y minu yajsujcʌyjayu ʌs ndotz porque nʌ'ʌj ndoyapʌjcu yʌ' jucʌtʌc-nema'ojmo.

San Lucas 19:9

Jesujsis ñʌjayu: Išo'oyj cotzoquiaju yʌ' tʌjcoyjtya'mbʌ. Yʌ' pʌn Abraha'ŋisyʌ' wyinboya.

San Lucas 3:8

Yajquejtamʌ jeque te' mista'm ndzʌquipit que nʌmij ŋguipswitu'tamu. Uy nʌcʌpo'tame wa'mij ñʌmdamu ndzoco'yojmo: Abrahaŋde' tʌs ndataj, porque ʌsmij ndzamjaytyamba que Diojsis muspa yajqueju uneta'm Abrahaŋgotoya ñempe yʌ' tza'pitta'm.

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

Hechos 13:26

Tʌwʌta'm, Abraha'ŋis fyamilia's wyinboyata'm y jujche'ŋ mi'ojmota'm ña'chajpapʌ's Dios, Diojsistʌ cʌ'wejaytyamu yʌ' tzame chambapʌ's jutztʌ wa'y ŋgotzoctamu.

2 Timoteo 2:26

Jowi'cšej Diojsis pyi'quisjayajpa chocoy wa'y ñʌctʌ'yaju, y te'šej wa'y yajcotzi'tyaju wyin diablo's quiʌ'ojmo, porque te'wʌ'ste' ñuctzʌ'yaju wa'y chʌcjayaju ñe' šu'noquiuy.