San Lucas 12:5 - Zoque Copainalá New Testament

⁵ Pero maŋba'ʌsmij ndzamjaytyamu iwʌ mis wa'y na'tztamu: Na'tztamʌ te' muspapʌ'smij ñdyʌŋdʌjcʌyu infierno'ojmo yajʌcʌ'jayu'ca mista'm ŋguenguy. Te'še'ʌsmij ndzamjaytyamba: Te'wʌ jʌ'ʌ, na'tztamʌ.

San Lucas 12:5 ပူးပေါင်းရင်းမြစ်များ

San Mateo 10:28

Uy na'tztame yajca'jayajpapʌ's mista'm ŋgüerpo, pero mista'm ŋguenguy ja'n musi yajʌcʌ'jayaju. Pero na'tztamʌ muspapʌ'smij ñdyʌŋdʌjcʌytyamu infierno'ojmo maŋbamʌy tyocoyu mis ŋgüerpo y mis ŋguenguy.

San Mateo 25:41

Pijche'ca ñe'cʌ's maŋba ñʌjayaju te' aŋña'ojmoc ijtyajupʌ: Jʌcʌ'tamʌ ʌs nwi'naŋdʌjqui tocoyupʌ mbyʌnda'm mijyʌ'. Maŋdamʌ ja'n yayepʌ jucʌtʌjcojmo, nimejcʌyupʌ diablocotoya y ñe' 'yangelescotoyata'm.

San Mateo 25:46

Yʌ'ta'mbʌ maŋba tyʌjcʌyaju ja'n yayepʌ toya'ojmo. Pero te' justota'mbʌ maŋba tyʌjcʌyaju ja'n yayepʌ quengu'yojmo.

San Mateo 5:22

Pero ʌsmij nʌjaytyamba que iwʌ's ja'n jyambʌ'i qui'šca'cuy 'yatziji'ŋ pyʌcpa wa'y quio'aŋgʌyu. Y iwʌ's quioraje-nʌjapya te' 'yatzi: Njyowimij, pyʌcpa wa'y yajnʌco'aŋgʌyaju aŋgui'myajpapʌ pʌ'nis. Y juca iwʌ's wyinʌcnʌ'mnʌ'mwʌpya, te'wʌ tomya' nʌ quienu wa'y quiojtyaju infiernopʌ jucʌtʌjcojmo.

San Marcos 13:23

Pero mista'm, coquendamʌ cuenta. Yʌtij nʌytya'mʌsmij ndzamjaytyamu maŋbamaj tyuquiajupʌ tiyʌ.

1 Tesalonicenses 4:6

Ya'iwʌ's uy myaŋgocʌtʌjcu ni uy 'yaŋgoma'cʌyu yajtiyʌcʌsi te' 'yatzi, porque tʌ Ngomi's maŋba yajnʌco'aŋgʌyu mumu yʌ'šejta'mbʌ tiyʌ, ndzamjaytyamuše'andʌsmij y nyajmustamuše'andʌsmij.

Hebreos 10:31

Na'chaŋbʌ tiyʌte' juca te'šejpʌ cowatʌ nʌ'aŋguejpa quenjojcʌtʌcpapʌ Diojsis wyi'naŋdʌjqui.

2 Pedro 2:4

Porque Diojsis jayajcotocoya te' yatzi angelesta'm cowapa'tyajupʌ, sino que tyʌŋdzi'po'tyaju tzajpojmoc wa'y myaŋyaju infierno'ojmo. Y teymʌ ijtyaju presošej te' pi'tza'ŋajcu'yojmo hasta que nu'cpa te' cʌme'tzoquiuy-jyama.

El Apocalipsis 14:7

Y weju'c nʌmu te' ángeles: Te'cotoya na'tztamʌ Dios y mʌja'ŋwʌcotzamdamʌ porque nu'cwa'nde' te' aŋsʌŋ wa'y quiʌme'tzoyu ñe'cʌ. Y cʌna'tzʌytyamʌ Dios te' chʌjcupʌ's tzap y te' najsacopac y te' mar y womyajpamʌy nʌ'.

El Apocalipsis 15:4

Señor, maya'aŋbʌte' mis masa'najcuy. Te'cotoya maŋba ña'chaju mumu pʌn mis nwi'naŋdʌjqui y maŋba myʌja'ŋwʌcotzamjayaju mis masanbʌ nʌy. Te'cotoya mumu nacio'ŋismij maŋba ŋguiʌ'minu y maŋba quiujnayaju mis nwi'naŋdʌjqui, porque quieñajwa'a jutzmij justo'ajcu'yojmo ŋguiʌme'tzopya.

El Apocalipsis 20:14

Y te' ñʌjayajpapʌ Ca'aŋ y te' lugar ijtyajumʌy ca'yajupʌ, myejtzji'ŋ tyʌŋdʌjcʌyaju jucʌtʌcpʌ laguna'ojmo. Yʌ'wʌte' te' myetzo'mopʌ ca'aŋ.