San Lucas 12:32 - Zoque Copainalá New Testament

³² Ʌsne' uša'ŋ tu'mʌyajpapʌ ñchowambe, uy na'tztame porque mista'm Ndata's šu'noquiuy wa'mijte' ñchi'tamu aŋgui'mbamʌy Dios.

San Lucas 12:32 ပူးပေါင်းရင်းမြစ်များ

San Mateo 14:27

Pijche'ctij Jesujsis oto'ŋʌyutʌj, y nʌmu: Uy tzocomyocha'tame. Ʌjyʌ', uy na'tztame.

San Mateo 20:16

Te'šej jeque te' winata'mbʌ maŋba 'yucaŋgʌ'mʌ'ajyaju. Y te' ucaŋgʌ'mʌcta'mbʌ maŋba wyi'najyaju. Porque wʌwʌ pʌn nʌ 'yaŋbʌquiatʌju, pero uša'ŋde' te' copiŋyajupʌ.

San Mateo 25:34

Como ʌjte' te' Rey, mbiŋwe'ñaju'camʌs te'šej, maŋba'ʌs nʌjayaju te' ʌs ndzʌ'na'ŋojmoc ijtyajupʌ: Mindamʌ mijta'm, ʌs Ndata Diojsismij nyajdichoso'ajtamupʌ. Tʌjcʌytyamʌ, minʌ aŋgui'mdamʌ, porque te'šej ñimejcʌyu ʌs Ndata's chʌjcu'c yʌ' najsacopac.

San Mateo 7:15

Coquendamʌ cuenta porque ijtyaju sujchajpapʌ tza'maŋwa'oye minbapʌ'smij mye'tzatʌjtamu. Maŋba ñu'quiaju yumijta'mbʌ ñchowambešej, pero wiyuŋšej choco'yojmo yatzi cʌ'soyeta'mde'.

San Lucas 10:21

Pijche'ctij te' Espíritu Santopit ñʌ'omu Jesujsis y nʌmu: Tatay, tzajpis y najsacopajquis quiomi, nwʌcotzamba'ʌsmij porque ŋgʌwʌ'numis yʌ'šejta'mbʌ tiyʌ wa'y jana ñʌctʌ'yaju te' mujsoye's y nʌctʌ'yoye's, y nyajnʌctʌ'yajumis te' ja'n myujsoyapyʌ. Te'šej jeque oye, Tatay, porque te'šejmis nwʌcomʌ'yu wa'mis ndzʌjcu.

San Juan 18:36

Aŋdzoŋu Jesús: Ʌs aŋgui'mʌtʌjcuy ja'nde' yʌy najsacopajcʌsi. Juca inʌc najsacopajcʌsi ʌs aŋgui'mʌtʌjcuy coquipyajpa inʌjcʌj ʌs ŋgoyojšajpapʌ's wa'yʌj jana tzi'oquia'yaju judiocʌsita'm. Pero ʌs aŋgui'mʌtʌjcuy ja'nde' najsacopajcʌsi.

Hechos 20:28

Te'cotoya coquendamʌ ne' nwin y mumu wʌ'aŋja'moye-tu'mʌquiuy te' Espíritu Santo'smij ŋguiottamumʌy jujcha' coque'nopyapʌ. Aŋmayjaytyamʌ te' Diojsis tyu'mʌquiuy, te' jyuyupʌ ñe' ñʌ'pinbit.

Hechos 20:29

Porque muspa'ʌs que maŋu'ca'mʌj maŋba tyʌjcʌyaju mi'ojmota'm lobošej nu'myajpapʌ. Y ja'n maŋu tyo'ya'ŋʌyaju te' wʌ'aŋja'moye-tu'mʌquiuy.

Romanos 6:23

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

1 Corintios 1:21

Porque como myujsu Diojsis que najsacopajcʌsita'mbʌ's ja'ispʌquia Dios ñe' myujsoquiupyitta'm, tzocopyajcu Dios wa'y yajcotzojcu te' wʌ'aŋja'moyajpapʌ te' tzamgopu'ŋopyapʌ tiyʌpit. Y yʌ'wʌ co'sawa'cuytye' te' eyata'mbʌ pʌngotoya.

Filipenses 2:13

Y Diojsis pyaquitzi'japya mista'm ndzocoy wa'mis sundamu oyeta'mbʌ tiyʌ, y wa'mis ndzʌctamu šunbašej ñe'cʌ's.

2 Tesalonicenses 1:11

Te'cotoya mumu jamatʌs nwa'cjapya Dios mijcotoyata'm, wa'mij ñʌcma'yʌytyamu Diojsis jujcha' pyʌcpapʌ's wa'y wyeju ñe'cʌ's. Y nwa'que'tpatʌs wa'mij njyomecotzʌctamu ñe' pyʌmipit wa'mis ndzʌctamu mumu oyeta'mbʌ tiyʌ nwʌ'aŋjamgupyit mis ŋguipstambapʌ.

2 Tesalonicenses 1:5

Yʌ'šejta'mbʌ tiyʌcʌsi yajquejpa Diojsis que cʌme'tzopya justopʌ tiyʌpit, y maŋbamij ñʌcma'yʌytyamu justota'mbʌšej wa'mij ñdyʌjcʌytyamu aŋgui'mbamʌy ñe'cʌ. Porque te'wʌcotoyamijte' nʌ ñdyoyapʌctamu.

Hebreos 12:28

Tʌta'm mbʌjcʌchoŋdamwa'ndʌ te' lugar ja'na yayepʌ aŋgui'mbamʌy Dios. Te'cotoya pyʌcpa wa'ytyʌ nʌjaytyamu yʌscotoya, y wa'ytyʌ tumʌtzocoy nyosjaytyamu, wa'ytyʌ na'tzu y ŋgʌna'tzʌyu, te'šejtʌ wa'y nyajtzocopyactamu Dios.

Santiago 2:5

Sundambapʌ atzita'mʌsmij, cʌmato'ŋʌytyamʌ'ʌj: Diojsis quiopiŋwa'a te' pobreta'm najsacopajcʌsi wa'y tumʌtzocoy wyʌ'aŋja'moyaju y te'ta'mbʌ's wa'y ijtyaju pyarte aŋgui'mbamʌy Dios. Yʌ'šej jeque chamdzi'yaju Diojsis mumu jujche'ŋ šuñajpapʌ's ñe'cʌ.

2 Pedro 1:11

Y te'šej jʌsa'ca Diojsismij maŋba ñchi'tamu pe'tzipʌ y woŋgonayupʌ tuŋ wa'mij nwyiyuŋnu'ctamu te' aŋgui'mbamʌy te' nyajcotzojcopyapʌ Ngomi Jesucristo mumu jamacotoya.

El Apocalipsis 1:6

Y ñe'cʌ'stʌ cottamu reyšej y sacerdotešej wa'ytyʌ nyosjaytyamu Dios ñe' Tyataj. Mʌja'ŋgotzamda'mitʌy jeque Cristo. Mumu jama'c ñe'cʌ's yajnʌ'itʌ te' aŋgui'mʌtʌjcuy. Amén.

El Apocalipsis 22:5

Y tey ja'na maŋu tyʌjcʌyu tzu' y ya'iwʌ'sa ja'na maŋu ño'u sʌ'ŋgʌ', ni ja'na maŋu jyo'quiaju wa'y chojtu jama, porque tʌ Ngomi Diojsis maŋba šʌ'ŋjayaju, y reyšej maŋba 'yaŋgui'myaju mumu jamacotoya.