San Lucas 12:11 - Zoque Copainalá New Testament

¹¹ Y ñʌmawʌtʌjtamba'camij windʌjcojmo, y te' cowi'na'sta'm y mʌja'ŋ aŋgui'myajpapʌ's wyi'naŋdʌjqui, uy jene quipstame jutzmij maŋba 'yaŋdzoŋdamu, ni tiyʌ mis maŋba ndzamdamu.

San Lucas 12:11 ပူးပေါင်းရင်းမြစ်များ

San Mateo 23:34

Te'cotoya maŋba'ʌsmij ŋgʌ'wejaytyamu tza'maŋwa'oyeta'm y mujsoye y aŋgui'mguy-tyayuta'm. Pero mista'm maŋbamis nyajca'tamu wene pʌn ñe'co'mocta'mbʌ, y eyata'mbʌ maŋbamis ma'mʌytyamu cruzcʌsi. Y eyata'mbʌ maŋbamis nacstochʌquiaju mista'm nwindʌjcojmo. Y maŋbamis macnʌwijtyaju cumguyñamaye.

San Mateo 6:25

Te'cotoya'ʌsmij ndzamjaytyamba: Uy jene quipstame yʌpyʌ jamacʌtʌjcuy, tiyʌ mis maŋba ŋgu'ttamu o tiyʌ mis maŋba uctamu, ni mista'm ŋgüerpo, jutzmis maŋba mbama'ʌytyamu. ¿Ja'nsʌ'ŋde' maspʌ tʌ ŋguenguy que ja'n tʌ ŋgu'tcuy? y ¿Ja'nsʌ'ŋde' maspʌ tʌ ŋgüerpo que ja'nde' tʌ mbama?

San Mateo 6:27

¿Ijtusʌ'ŋ iwʌjutiwʌ mi'ojmota'm muspapʌ's 'ya'ŋʌyu tumʌ tzumi te' ye'ŋa'cʌ' ñempe jene quipsoya?

San Mateo 6:28

¿Tiyʌcotoya jeque jene ŋguipstamba mbama? Quendamʌ te' lirio-jʌyʌ tza'mo'mo ijtyajpapʌ jutz tzoquiajpa. Ja'n yojšay ni ja'n jyu'tyay.

San Mateo 6:31

Te'cotoya jeque, uy jene quipstame ni uy nʌmenetame: ¿Tiya'ndʌ maŋba ŋgu'ttamu, o tiya'ndʌ maŋba uctamu, o tiyʌpi'tandʌ maŋba mbama'ʌyu nwin?

San Mateo 6:34

Te'cotoya jeque, uy jene quipstame jo'pitpʌ jama, porque te' jo'pitpʌ jama ŋguendaŋgue'tpamis tiyʌ mis ndzʌctamba. Tumdumʌ jamapʌ toya mba'ttambatijmis jutzmis wa'y ŋgʌtʌctamu.

San Lucas 12:22

Y ñʌjayaju Jesujsis te' quiʌ'aŋmayeta'm: Te'cotoya'ʌsmij ndzamjaytyamba: Uy jene quipstame yʌpyʌ jamacʌtʌjcuy, tiyʌmis maŋba ŋgu'ttamu, ni mista'm ŋgüerpo, jutzmis maŋba mbama'ʌytyamu.