San Lucas 12:1 - Zoque Copainalá New Testament

¹ Y otzcomʌjcu'ca aŋba'te pʌn, cosaque'cše'ŋoyj namyaŋdochʌquiatʌjpa inʌc, Jesujsis wyinanʌmgʌ'yjayaju te' quiʌ'aŋmayeta'm: Coquendamʌ cuenta te' fariseo'sta'm lyevadura, porque te'wʌte' te' chʌquichʌquipʌ wʌ'aŋja'moquiuy.

San Lucas 12:1 ပူးပေါင်းရင်းမြစ်များ

San Lucas 11:44

Ay mijta'm, aŋgui'mguy-tyayu y fariseo, nwʌ'aŋjamba chʌcpata'm. Ja'n quieyepʌ ca'uwʌ tza'tʌcšejta'm mij, y te'ta'mbʌcʌsi wijtyajpa te' pʌnda'm y ja'n myujšay tiyʌcʌsi nʌ wyijtyaju.

San Lucas 12:56

Nwʌ'aŋjamba chʌcpata'm, muspamis ŋgue'nʌytyamu tiyʌ nʌ quiotzamu te' tzajpis y te' najsis, ¿y tiyajca' ja'n ŋgue'nʌytyame tiyʌ nʌ tyujcu yʌ'ta'mbʌ tiempo'ojmo?

San Lucas 5:1

Y yʌ'šej tujcu: Tey tenayu'c Jesús te' Genesaret-nʌ'aŋi, tye'tzpʌ'nʌwijtyajpa inʌc wʌwʌ pʌ'nis wa'ytyij myatoŋyaju te' Diojsis chame.

San Lucas 5:15

Pero más inʌc nʌ pyuŋbʌ'u te' Jesujsis chamʌtʌjcuy. Y tu'mʌyajpa inʌc wʌwʌ pʌn wa'y quiʌmato'ŋʌyaju y wa'y yajtzocjayatʌju ñe'ta'm quia'cuy.

San Lucas 6:17

Y wanajcu Jesús pu'mnacʌsi ñe'cʌji'ŋda'm y tenachʌ'yu ijtumʌy jʌ'ŋ. Y tey inʌc ijtyaju wʌwʌ quiʌ'aŋmaye, y wʌwʌta'mbʌ pʌn mumu Judea-najsojmocta'mbʌ y Jerusale'ŋojmocta'mbʌ y te' mar-acapoyo'mocta'mbʌ quiowindzʌmbaše'ŋ te' Tiro's y Sidoŋ-gumgu'yis. Miñaju yʌ'ta'mbʌ wa'y quiʌmato'ŋʌyaju y wa'y yajtzocjayatʌju ñe'ta'm quia'cuy.

Hechos 21:20

Quiʌmato'ŋʌyaju'ca ñe'cʌ'sta'm myʌja'ŋwʌcotzamyaju Dios. Y nʌmyaju: Nguenwa'ja atzi, jujche'ŋ mil ijtyaju wʌ'aŋja'mopyapʌ judío, y mumupʌ's quioquipyajpa te' aŋgui'mguy.

1 Corintios 15:3

Porque wina ndzamgopuŋjaytyamu'ʌsmij tiyʌ ʌste' mbʌjcʌchoŋupʌ, y yʌ'šejte': Quioca'jayu te' Cristo's tʌta'm ŋgowa, chambašej Totojaye's,

Hebreos 12:22

Yʌtij jeque Sioŋ-gumgu'yojmomijte' nʌ myaŋdamu. Te'wʌte' te' Diojsis quiumguy, te' tzajpojmopʌ Jerusalén, tu'mʌyajumʌy omapit jana ma'yaŋda'mbʌ angelesta'm.

Santiago 3:17

Pero te' Diojsistʌ tzi'papʌ mujsoquiuy masanbʌ tiyʌte'. Juca yʌ'šejpʌ mujsoquiuytyʌ mbʌjcʌchoŋba ja'ndʌ ŋguiptame ndʌwʌji'ŋda'm, yo'ca y oyepʌ tzocoytyʌ nʌ'itpa, nyajyambatʌ ndʌwʌ, y nʌwe'ñajpatʌ yempetiyʌ. Y te'šejtijque' ja'ndʌ metzatzoco'yajtame y wiyuŋdzambatʌ.

1 Pedro 2:1

Tzactamʌ jeque mumu yatzita'mbʌ tiyʌ, pitte' te' qui'nisoquiuy, aŋgoma'cʌ'oquiuy, sutzcuy, ni'aŋsu'noquiuy y nisujtzʌ'oquiuy.