San Lucas 11:39 - Zoque Copainalá New Testament

³⁹ Y tʌ Ngomi's ñʌjayu: Mijta'm, fariseo, nitze'tambamis cʌsmʌc te' tzima y te' plato, pero jojmo, mista'm ndzocoy jaquiotze'a, tajsu nu'mguquipsoquiu'yis y yacha'cu'yis.

San Lucas 11:39 ပူးပေါင်းရင်းမြစ်များ

San Mateo 15:19

Porque te' pʌ'nis choco'yojmoc putpa yatzita'mbʌ quipsoquiuy, yajca'oquiuy, cʌtzʌjcʌ'oquiuy, ispʌquitzʌjcuy, nu'mguy, nisujtzʌ'oquiuy y otowewʌ'ajcuy.

San Mateo 7:15

Coquendamʌ cuenta porque ijtyaju sujchajpapʌ tza'maŋwa'oye minbapʌ'smij mye'tzatʌjtamu. Maŋba ñu'quiaju yumijta'mbʌ ñchowambešej, pero wiyuŋšej choco'yojmo yatzi cʌ'soyeta'mde'.

San Lucas 16:15

Pero ñe'cʌ's ñʌjayaju: Mista'm, oyecocottambamis ne' nwin pʌ'nista'm wyi'naŋdʌjqui, pero ispʌcpa Diojsis tiyʌ mis sundamba ndzoco'yojmo. Tiyʌ myʌja'ŋgomʌ'yajpa pʌ'nis, qui'nispa Diojsis.

San Lucas 7:13

Y quienu'ctij tʌ Ngomi's, tyo'ya'ŋʌyu te' yomo y ñʌjayu: Uy jʌyi.

San Lucas 7:19

y quiʌ'wejyaju Jesusaŋi wa'y maŋu quiʌ'aŋwa'quiaju: ¿Mijate' te' Mesías, te' maŋba minupʌ inʌc, o njo'cpamajtʌs eyapʌ?

San Juan 12:6

Pero nʌmu yʌ'šej ja'n porque tyo'ya'ŋʌyajpa inʌc pobre, sino que nu'mbapʌte' inʌc. Y ñe'cʌ'ste' inʌc quioquenba te' tumin-tzunu, y ya'aŋjecpa inʌc te' tumin.

San Juan 13:2

Nʌtʌj inʌc ujcaŋbajcu Jesusji'ŋ. Diablo's quiojtu'ctya'nde' te' Judajsis choco'yojmo wa'y chi'oquia'u te' Jesús. Yʌ' Judas, Simón Iscariote's te' inʌc 'yune.

Hechos 5:3

Pero ñʌjayu Pedro's: Ananías, ¿tiyajca'nde' jyo'ʌyjayu Satanajsis mis ndzocoy wa'mis sutzjayu Espíritu Santo, y wa'mis nyajtzʌ'yu wene te' tumin ma'ʌyuše'ŋgʌsimis te' nas?

Gálatas 1:14

Y nwacasnaco'mo inʌjcʌs ŋgojtyajpa sone pʌn ʌji'ŋ inʌc ñʌtu'ŋajyajpapʌ's judio-wʌ'aŋja'moquiuy te'ta'mbʌ aŋsʌ'ŋoyj, porque ʌste' inʌc más ŋgoquijpa ʌs njudio-tata'sta'm quiostumbre.

2 Timoteo 3:5

Yʌ'šejta'mbʌ pʌ'nis chʌquiajpa wyin como que jene quiʌna'tzʌyajpa Dios, pero choco'yojmota'm jañʌ'itjaya Diojsis pyʌmi. Tzaquia yʌ'šej chʌquiajpapʌ's.

Tito 1:15

Jujche'ŋ Diojsis yajcowajupʌ tzocoy, mumutiyʌ ñe'cʌcotoyata'm cowajwa'a. Pero jujche'ŋ Diojsis jayajcowayʌpʌ tzocoy, y ja'n wyʌ'aŋja'mopyʌ, ñe'cʌcotoyata'm ja'ndiyʌ cowajupʌ tiyʌ. Te'šejta'mbʌ's hasta yacha'cuy quipšajpa quipsoquiupyit y ñʌctʌ'yoquiupyit.

Santiago 4:8

Yajto'mʌytyamʌ nwin Diojsis wyi'naŋdʌjqui, te'šej Dios maŋba tyo'mʌyu mista'm ndzoco'yojmo. Cowatzʌqui pʌnda'm, tu'ŋajtamʌ masa'najcu'yojmo. Mejtza'ŋguipsoyajpapʌ's yajtzʌcme'cha jutz wa'y quiotze'yaju chocoy.