San Lucas 11:34 - Zoque Copainalá New Testament

³⁴ Tʌta'm nwitʌm tʌte' ŋgüerpo's šʌ'ŋgʌ'. Juca mis nwitʌm sʌ'ŋba oye, ŋguenda'nbamis ñempetiyʌ. Pero juca ja'n šʌ'ŋi oye mis nwitʌm, pi'tza'ŋajcʌ'ojmošejmij itpa.

San Lucas 11:34 ပူးပေါင်းရင်းမြစ်များ

San Marcos 4:12

Te'cotoya ñempe quieña, ja'n quie'nʌyay y ñempe myatoŋya, ja'n ñʌctʌ'yay wa'y quiacpʌ'yaju chocoy wa'y quiotocoyaju quiowa.

San Marcos 7:22

Putque'tpa te' nu'mguy, te' itʌpa'tcuy-sunguy, te' yacha'cuy, te' aŋgoma'cʌ'oquiuy, te' jana tza'ajcuy, te' ni'aŋsu'noquiuy, te' nisujtzʌ'oquiuy, te' te'ngui'mguy y te' jana nʌctʌ'yoquiuy.

San Marcos 8:18

Ittamu mis nwitʌm, pero ja'n šʌ'ŋi. Ittamu mis ŋgowi, pero ja'n myato'ŋoy. ¿Y ja'nja njamdame?

San Lucas 11:35

Te'cotoya coquena cuenta uy 'yaŋbondu'yu te' mi'ojmo ijtupʌ sʌ'ŋgʌ'.

Hechos 13:11

Yʌtij jeque tʌ Ngomi's quiʌ'is maŋbamij nyajto'ti'aju u'yamis ŋguenu jama uša'ŋ aŋsʌ'ŋoyj. Pijche'ctij to'ti'aju, tzʌ'yu jujcha' pi'tza'ŋajcu'yojmo. Y jasa'oquiʌ'yu mye'tzpa inʌc iwʌ's wa'y jyitinʌmaŋu quiʌ'cʌsi.

Hechos 2:46

Tumdumʌ jama inʌc itjojcʌtʌquiajpa myuma'ŋgʌ'y te' templo'ojmo. Y tumʌ'ajcu'yoyj inʌc wye'nbʌ'yajpa te' pan tumdumʌpʌ tʌjcojmo. Y myuma'ŋgʌ'y inʌc cu'tyajpa pumñayu'c y sʌ'mnayupʌ chocopyit.

Hechos 26:18

Myaŋbamij teymʌ wa'mis nyajsʌ'ŋjayaju wyitʌm, wa'y chaquiaju pi'tza'ŋajcʌ' y wa'y quieñaju sʌ'ŋgʌ', wa'y chacjayaju Satanajsis 'yaŋgui'mʌtʌjcuy y wa'y mye'chaju Dios. Te'šej wa'yʌs nyajcotocoyjayaju quiowa y wa'y pyʌjcʌchoŋyaju pyarte te' masa'najyajupʌji'ŋ jujche'ŋʌj wʌ'aŋjamyajpapʌ's.

2 Corintios 1:12

Pero ne'cʌtijtʌs nwʌcotzamba nwin, porque cotestigosajpatʌj ne' ndzoco'yis que tu'ŋajutʌj eyata'mbʌ pʌ'nojmo masa'najcu'yojmo y wiyu'ŋajcu'yojmo Diojsistʌj tzi'upʌ, y nimeque mi'ojmota'm. Tu'ŋajutʌj ja'nde' pʌ'nis myujsoquiupyit sino que Diojsis yajya'moquiupyit.

2 Corintios 11:3

Pero na'tzpa'ʌj uytya'mis ndzactamu mis oyepʌ wʌ'aŋja'moquiuy Cristocʌsi, y umij maŋu 'yaŋgoma'cʌyu mijta'm ya'iwʌ's jujcha' 'yaŋgoma'cʌyu Eva te' serpiente's te' myañapit.

2 Corintios 4:4

Como ja'n wyʌ'aŋjamyay, yajopi'tjayaju te' yʌpyʌ diojsis ñe'ta'm ñʌctʌ'yoquiuy. Yʌ'šej chʌjcu wa'y jana ñʌctʌ'yaju te' evangelio, te' tzi'papʌ'stʌ sʌ'ŋgʌ' y chambapʌ's te' Cristo's myʌja'ŋajcuy. Yʌ' Cristo's ñʌ'itjayu Diojsis chocoy y itcuy.

Efesios 1:17

Nwa'cjapya'ʌs Dios wa'y ñe' 'Yespiritu'smij wa'y nyajnʌctʌ'ytyamu tiyʌta'm mij nyajquendambapʌ wa'mis te'šej ispʌctamu oye'c tʌ Ngomi Jesucristo's Dios, tʌta'm mʌja'ŋbʌ Ndataj.

Efesios 6:5

Coyosata'm, mato'ŋoyjaytyamʌ mis najsacopajcʌsipʌ ŋgomita'm. Coquendamʌ cuenta wa'mis pajcupajcu'c nyosjayaju. Yostamʌ ndumʌtzocoy y tzʌctamʌ cuenta que Cristo miste' nʌ nʌyostamu.

Colosenses 3:22

Coyosata'm, mato'ŋoyjaytyamʌ mumutiyʌcʌsi mis najsacopajcʌsipʌ ŋgomita'm. Pumñayu'c yostamʌ ja'n na' nʌmij ŋguieñaju'c wyitʌmbit, chʌquiajpašej te' yajtzocopyaquiajpapʌ's pyʌndʌwʌ, sino que wa'mij nyostamu ndumʌtzocoy porque nʌmis ŋgʌna'tzʌytyamu tʌ Ngomi.