San Lucas 11:13 - Zoque Copainalá New Testament

¹³ Mijta'm, yatzita'mbʌ mbyʌnmijyʌ'. Y juca muspamis ndzi'tamu oyeta'mbʌ tiyʌ mista'm une, ¿cuantimastya'a tzajpojmo ijtupʌ mis Ndata Diojsis maŋbamij ñchi'tamu te' Espíritu Santo juca nwa'cjaytyambamis?

San Lucas 11:13 ပူးပေါင်းရင်းမြစ်များ

San Mateo 5:16

Te'šej mista'm, sʌ'ŋgʌtzʌcjaytyamʌ pʌ'nista'm chocoy, wa'y quienjayaju mista'm oyeta'mbʌ ndzʌqui, y wa'y myʌja'ŋwʌcotzamjayaju mista'm Ndataj tzajpojmowʌ.

San Mateo 5:45

Te'šej tzʌctamʌ wa'y quieju que tzajpojmo ijtupʌ mista'm Ndata'smijte' 'yuneta'm. Porque ñe'cʌ'ste' yajtzotpa te' jama yatzita'mbʌ y oyeta'mbʌcotoya, y yajquejpa tuj justota'mbʌ y ja'n jyustota'mbʌcotoya.

San Mateo 6:14

Juca nyajcotocoyajpamis pʌnda'm ñchʌcjayajpa'cmij yacha'cuy, te'šejmij maŋba nyajcotocoytyaŋgue'tu te' tzajpojmo ijtupʌ mis Ndata's.

San Mateo 6:30

Juca te'šej suñi yajtzocpa Diojsis te' tza'mo'mota'mbʌ ta'nʌ que išo'oyj ijtu tey y jo'pit quiojtyatʌjpa jucʌtʌjcojmo, ¿ja'nsʌ'ŋmij más wyʌcomʌ'ytyame mijta'm wa'mij ñchi'tamu, ñempemij uša'ŋ nwyʌ'aŋja'moytyamba?

San Mateo 6:32

Porque yʌ'šejta'mbʌ tiyʌ mye'chajpa te' najsacopajcʌsita'mbʌ's. Pero myuspa tzajpojmopʌ tʌta'm Ndata's mumutiyʌta'm mis ja'ndiyʌ.

San Mateo 7:11

Mijta'm, yatzita'mbʌ mbyʌnmijyʌ'. Y juca muspamis ndzi'tamu oyeta'mbʌ tiyʌ mista'm une, ¿cuantimastya'a tzajpojmo ijtupʌ mis Ndata Diojsis maŋba chi'u oyeta'mbʌ tiyʌ juca nwa'cjaytyambamis?

San Lucas 11:12

Y juca mis une's wya'cpa poca ¿maŋbasʌ'ŋmis ndzi'tamu cacwe?

San Lucas 11:2

Y ñʌjayaju: Oto'ŋʌytyamba'cmis Dios, yʌ'šej nʌmdamʌ: Tatay, tzajpojmomij ijtupʌ, Yajcʌna'tzʌyjaya mis nʌy. Minʌ aŋgui'moya. Yajtucʌ mis sunbašej, Jujcha' tzajpojmo, te'šejtijque' yʌy najsacopajcʌsi.

San Lucas 18:7

¿Ja'nsʌ'ŋ chʌcjay Diojsis justicia ñe' quiopiwita'm, wyejwindzoŋyajpapʌ's ñe'cʌ tzu'ji'ŋ jamaji'ŋ? ¿Maŋbasʌ'ŋ ya'yu wa'y 'yaŋdzoŋu?

San Juan 4:10

'Yaŋdzoŋu Jesujsis: Ja'nmis ispʌcjay te' Diojsis yajya'moquiuy. Ja'nmis ispʌqui iwʌ'smijte' nʌ wya'cjayu nʌ'. Juca inʌc misʌj ispʌcpa mis inʌc nwa'cpa ʌjcʌsi, y ʌsmij inʌc ndzi'pa nʌ' šajpapʌ's quenguy.

Hechos 2:38

Y Pedro's ñʌjayaju: Quipswitu'tamʌ, y nʌ'yʌytyamʌ tumduma'ŋbʌn Jesucristo's ñʌquiʌsi, wa'y quiotocoytyamu mis ŋgowa. Y Diojsismij maŋba ñchi'tamu te' Espíritu Santo.

Romanos 5:17

Juca mumu ca'ʌnʌmu porque cowapa'tu te' tumʌpʌ pʌn, más maŋba 'yaŋgui'myaju Jesucristopit te' quengu'yojmo iwʌ's pyʌjcʌchoŋyajpa te' aŋba'tepʌ yajya'moquiuy, y te' justicia te' Diojsistʌ tzi'papʌ coyowataca.

Romanos 7:18

Y muspa'ʌs que ʌ'ojmo, sunba'ʌjte' nʌmu ʌs yatzipʌ nwi'nojmo, ja'ndiyʌ oyepʌ tiyʌ. Porque sunjo'pya'ʌs ndzʌjcu oyeta'mbʌ tiyʌ, pero ja'ʌs ŋgʌpa'te wa'yʌs ndzʌjcu.

Romanos 8:32

Te' jatyo'ya'ŋʌpʌ's ni te' ñe' 'Yune, sino que chi'oquia'u mumu tʌcotoyata'm, ¿ja'nsʌ'ŋdʌ tzi'taŋgue'te ñe'cʌji'ŋ mumutiyʌ? Tzi'wa'ndʌ.

Tito 3:3

Porque tʌta'm wina te'šejtijtʌ inʌc jowi'ittaŋgue'tpa nuyu'ajcu'yojmo, y tocoquiu'yojmo. Nʌtu'ŋajtambatʌ inʌc tʌta'm ndzoco'yis yatzi su'noquiuy, y tiyʌta'm inʌc šunba tʌta'm ŋgüerpo's. Yatzitzoco'yajcuy y ñi'aŋsu'noquiuytyʌ inʌc nʌtu'ŋajtamba. Ngui'nišajpatʌ inʌc eyata'mbʌ, y ñe'cʌ'stʌ inʌc qui'nišajque'tpa.