San Lucas 10:42 - Zoque Copainalá New Testament

⁴² Pero tumʌtij ijtu te' más oyepʌ tiyʌ, y te'wʌ quiopiŋu Maria's y ja'n maŋu yajʌcʌ'jayaju.

San Lucas 10:42 ပူးပေါင်းရင်းမြစ်များ

San Marcos 8:36

¿Tiya'sʌ'ŋ ñʌwʌ'ajpa pʌ'nis juca mumutiyʌ quiʌpa'tpa najsacopajcʌsi pero yajtocopya iscuy-quenguy?

San Lucas 10:39

Y yʌ'wʌ's ijtu inʌc tumʌ pyotzo, ñʌjayajpapʌ María, y te'wʌ minu pyocsu Jesujsis ñe'ŋbajcaŋi wa'y quiʌmato'ŋʌyjayu ñe' chame.

San Lucas 11:1

Y maŋu tumʌco luga'royj Jesús wa'y 'yoto'ŋʌyu Dios. Y 'yoto'ŋʌyaŋjeju'ca Dios, ñʌjayu tumʌ te' ñe' quiʌ'aŋmaye's: Señor, aŋmayʌtʌj wa'ytyʌs oto'ŋʌyu Dios, 'yaŋmayajušej Jua'ŋis te' ñe' quiʌ'aŋmayeta'm.

San Lucas 12:20

Y ñʌjayu Diojsis: Njowi, yʌ' tzu' maŋba yajʌcʌ'jayaju mis ŋguenguy. Y te' nyajtu'mʌyajupʌ tiyʌmis, ¿iwʌ'sasʌ'ŋ maŋba ñe'aju?

San Lucas 12:33

Ma'ʌytyamʌ tiyʌta'm mis nʌ'ittamu y sajtzi'tamʌ te' pobreta'm. Tzʌctamʌ tzunu ja'n pyeca'epʌ y tzʌctamʌ tzajpojmopʌ itʌpa'tcuy ja'n yayepʌ. Tey tzajpojmo ja'n ñu'qui nu'mbawʌ ni ja'n myo'te ji'iji'is yajtiyʌ.

San Lucas 16:2

Y wyeju te' quiomi's y ñʌjayu: Šujayajwa'mʌs ŋgowi. ¿Tiya'nde' nʌ ndzʌjcu? Yʌtij tzamja'ʌj jutz mis nʌ nʌtu'ŋaju mis ŋgo'aŋgui'moquiuy, porque ja'namij maŋu mujsu ŋguio'aŋgui'moyu.

San Lucas 16:25

Pero ñʌjayu Abraha'ŋis: Tʌwʌy, jamwʌtzʌcʌ que mbʌjcʌchoŋumis itʌpa'tcuy najsacopajcʌsimajmij ijtu'c, y Lazaro's quienu toya. Pero yʌtij ñe'cʌ sʌ'mnayu'c ijtu yʌy, y mis nʌmis ŋguenu toya tey.

San Lucas 18:22

Y myatoŋu'ca Jesujsis yʌ'šej, ñʌjayu: Faltamaj tumʌpʌ tiyʌ. Ma ma'ʌpyʌ'ʌ ndiyʌta'm mis ijtu, y tzi'ya te' tumin te' yacsnuwijtyajpapʌ. Te'šej maŋbamij itʌpa'tu tzajpojmo. Y minʌ co'ŋa'ʌj.

San Lucas 8:18

Coquendamʌ cuenta jeque tiyʌ mis matoŋdamba. Porque te' ñʌ'ijtupʌ's, más maŋba chi'yaju, y te' ja'ndiyʌwʌ'sñe' quipspaše'ŋ que ñe'te', maŋba yajʌcʌ'jayaju.

San Juan 11:1

Pijche'cta'm ca'epa'tu tuma'ŋbʌn ñʌjayajpapʌ inʌc Lázaro, te' Betania-cumgu'yojmo. Y tey inʌc ijtyajque'tu María y quiose Marta.

San Juan 11:19

Y tey inʌc ijtyaju soneta'mbʌ judío minupʌ's chamdzocopyaquiaju te' María y Marta porque ca'u te' pyotzo.

San Juan 12:3

Pijche'ca Maria's pyʌjcu tumʌ libra jajsoquiuy cʌ'wingʌ'pyʌ nardo-omoma, wʌwʌ coyowapʌ. Y jyasjayu Jesujsis ñe'ŋbac y quiomocjayu wyapyit. Y entero tʌjcaju te' nardo-omoma.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

1 Corintios 13:3

Y juca nwe'nbʌ'pa'ʌs inʌc mumu ndiyʌta'mʌs ijtupʌ wa'yʌs mbʌ'nʌyaju pobre, y juca ndzi'oquia'pa'ʌs inʌc ŋgüerpo wa'y pyoŋbʌ'jayaju, pero juca ja'nʌj su'noy, yajtiyʌ'ʌs ja'n nʌwʌ'ay.

Gálatas 5:6

Porque nwʌ'aŋjamdamba'candʌ Jesucristo, juca circuncidatzʌctamutʌ o jašircuncidatzʌctamʌtʌ, ja'n tiyʌ chʌqui. Pero ijtu pyena wa'ytyʌ nwʌ'aŋja'moytyamu y wʌ'aŋja'moquiupyit wa'ytyʌ našunʌtʌjtamu.