San Lucas 10:21 - Zoque Copainalá New Testament

²¹ Pijche'ctij te' Espíritu Santopit ñʌ'omu Jesujsis y nʌmu: Tatay, tzajpis y najsacopajquis quiomi, nwʌcotzamba'ʌsmij porque ŋgʌwʌ'numis yʌ'šejta'mbʌ tiyʌ wa'y jana ñʌctʌ'yaju te' mujsoye's y nʌctʌ'yoye's, y nyajnʌctʌ'yajumis te' ja'n myujsoyapyʌ. Te'šej jeque oye, Tatay, porque te'šejmis nwʌcomʌ'yu wa'mis ndzʌjcu.

San Lucas 10:21 ပူးပေါင်းရင်းမြစ်များ

San Mateo 16:17

Pijche'ca aŋdzoŋu Jesús y ñʌjayu: Dichoso mij Simón, Jonajsis 'yune, porque jayajquenamij pʌ'nista'm yʌ'šej, sino que tzajpojmo ijtupʌ ʌs Ndata Diojsis.

San Mateo 21:16

y ñʌjayaju Jesús: ¿Nʌja matoŋu tiyʌ nʌ chamyaju yʌ'ta'mbʌ's? Y Jesujsis 'yaŋdzoŋyaju: Jʌ'ʌ, nʌ'ʌs matoŋu. ¿Jañdyu'ndamʌtij Totojaye'ojmo yʌ'šejpʌ tiyʌ? Mij, Tatay, ndzʌjcumis wa'mij nwyanjayaju une'sta'm y tzu'chajpapʌ'smaj.

San Mateo 3:7

Y quienu Jua'ŋis que nu'quiajpa inʌc wʌwʌ te' fariseota'm y saduceota'm wa'y ñe'cʌ's yajnʌ'yʌyaju, y ñʌjayaju: Njyoco'istotzanšejta'm mij. ¿Iwʌ'sayʌ' ñchamjaytyamu wa'mis mboyjaytyamu te' co'aŋgʌquiuy Diojsismij maŋba nyajnʌco'aŋgʌytyamupʌ?

San Marcos 10:15

Wiyuŋše'ʌsmij ndzamjaytyamba que iwʌ's ja'n unešej chʌqui te' wyin wa'y tyʌjcʌyu aŋgui'mopyamʌy Dios, ja'n maŋu tyʌjcʌyu tey.

San Lucas 15:5

Y pya'tu'ca, quiotpa pyequicʌsi y ñʌ'omba.

San Lucas 15:9

Y pya'tu'ca, wyejtu'mʌyajpa te' yoma'ŋdʌwʌ y tyʌjca'ŋoyjtya'mbʌ. Y ñʌjayajpa: Nʌnʌ'omdamʌ'ʌj, porque mba'twa'mʌs te' dracma tocoyupʌ inʌc.

San Juan 11:41

Pijche'ca yajʌcʌ'yaju te' tza' aŋga'mupʌpit te' tza'tʌc. Y quengui'mu cʌsmʌ Jesús y nʌmu: Tatay, yʌscotoya mis ndzʌcpa, porque ŋgʌmato'ŋʌyumisʌj.

2 Corintios 4:3

Juca iwʌ'sta'mis ja'nmaj ñʌctʌ'yay choco'yojmo te' evangelio ndzamgopuŋbapʌtʌs, te' nʌ tyocoyajupʌ'ste' ja'n ñʌctʌ'yay.

Efesios 1:11

Te' Dios, chʌcpapʌ's ñe'cʌ's quipspašej y šunbašej, copiŋdamutʌ antestij wa'ytyʌ ñe' 'yune'ajtamu Jesucristopit.

Efesios 1:5

Porque Diojsistʌ jene sundamu'ŋmʌjcʌ, copiŋdamutʌ antestij wa'ytyʌ ñe' 'yune'ajtamu. Ñe'cʌ's šunušej, minutʌ 'yune'ajtamu Jesucristopit.