San Lucas 10:20 - Zoque Copainalá New Testament

²⁰ Myato'ŋoyjaytyamba'ŋmʌjcʌmij espiritu'sta'm uy nʌ'omdame te'wʌ, sino que nʌ'omdamʌ que ja'yʌyu mista'm nʌy tzajpojmo.

San Lucas 10:20 ပူးပေါင်းရင်းမြစ်များ

San Mateo 10:1

Pijche'ctʌj, te' macwʌstʌjca'ytya'mbʌ quiʌ'aŋmaye, wejtu'mʌyutʌj Jesujsis. Y tzi'utʌj aŋgui'mʌtʌjcuy wa'ytyʌs macpujtyaju yatzita'mbʌ espíritu, y wa'ytyʌs nyajtzoquiaju jujche'ŋ ca'eta'mbʌ o toya'ojmota'mbʌ.

San Mateo 26:24

Wiyuŋšej, ʌj te' Pʌ'nis 'Yune, maŋba'mʌj nduŋgʌpʌjcu, ja'yʌyajuše'ʌj Totojaye'ojmo. Pero ay te' pʌn maŋbapʌ'sʌj tzi'oquia'u, ʌj te' Pʌ'nis 'Yune. Más inʌc oye te' pʌngotoya juca inʌc japyʌ'na.

San Mateo 27:5

Y tyʌŋga'mbʌ'u te' tumin tey te' templo'ojmo. Tzu'cumu tey y maŋu jyʌ'mga'u wyin.

Filipenses 4:3

Te'šejti'ʌsmij nwa'cjaquie'tpa mij atzi, porque jicapyʌ nyospa-tʌwʌ'ʌsmijte', cotzoŋya yʌ' metzata'mbʌ tʌ ŋgose, porque yʌ'ta'mbʌ's aŋba'te'ʌj cotzoŋyaju te'yʌs inʌc nʌ ndzamgopuŋu'c te' evangelio. Y te'šejtij yosque'tu Clemente y te' eyata'mbʌ ʌs nyoscuy-tyʌwʌ. Te'ta'mbʌ's ñʌy ja'yʌwya'a Diojsis libro'ojmo que ñʌ'ijtyajwa'a ja'n yayepʌ quenguy.

Hebreos 12:23

Y ñu'ctambamij ijtumʌy te' tu'mʌquiuy ijtyajumʌy winata'mbʌ wʌ'aŋja'moye. Teymʌ ja'yʌyaju ñʌy Diojsis libro'ojmo. Teymʌ ijtu te' Dios, quiʌme'tzpapʌ's mumu'iwʌ. Y teymʌ ijtyaju mumu pʌ'nis 'yespiritu Diojsis ñʌcma'yʌyajupʌ justota'mbʌ pʌnšej.

El Apocalipsis 13:8

Y te' copʌn quiujnayjayaju jujche'ŋ najsacopac-iti'sta'm ja'ndita'mbʌ's ñʌy ja'yʌyupʌ Ñchowambe's ñʌ'ijtupʌ libro'ojmo. Desde que tujcu yʌ' najsacopac, tey te' libro'ojmo ja'yʌyaju ñʌy te' iscuy-quengu'yojmo maŋba tyʌjcʌyajupʌ'sñe'. Y yʌ' Ñchowambete' yajca'yaju desde pijche'c.

El Apocalipsis 17:8

Y te' copʌn ŋguenupʌmis, ijtupʌytye' inʌc, y ja'ndiya' yʌtij, pero maŋbamaj qui'mbujtu te' jʌŋgʌ'ojmo, y jʌsa'ca tiene que wa'y myaŋu tocoquiu'yojmo. Desde que tujcu yʌ' najsacopac ja'yʌyaju ñʌy te' libro'ojmo, te' iscuy-quengu'yojmo maŋba tyʌjcʌyajupʌ'sñe'. Y te' najsacopac-iti ja'ndita'mbʌ's ñʌy ja'yʌyupʌ tey te' libro'ojmo, te'ta'mbʌ's maŋba ñʌmaya'yaju quieñajpa'cande' copʌn ijtupʌ inʌc, y ja'ndiya' yʌtij y maŋbatij itwʌtzʌjcu.

El Apocalipsis 20:12

Y ŋguenu'ʌs te' ca'yajupʌ inʌc y yʌtij tenayaju'c Diojsis wyi'naŋdʌjqui, mʌja'ŋda'mbʌ y cʌmaŋda'mbʌ. Y ŋguengue'tu'ʌs sone libro pejtzaŋwajyajupʌ y te'šejtijque' emʌ pejtzaŋwajque'tupʌ libro. Y te'wʌte' te' libro ja'yʌyajumʌy ñʌy te' iscuy-quengu'yojmo maŋba tyʌjcʌyajupʌ'sñe'. Y quiʌme'chatʌju te' winsa'yajupʌ jutzta'm ja'yʌyušej te' libro'ojmo tiyʌta'm chʌquiaju yʌy najsacopajcʌsi.

El Apocalipsis 20:15

Y te' pʌnda'm ja'ndita'mbʌ's ñʌy ja'yʌyupʌ te' libro'ojmo ja'yʌyajumʌy ñʌy te' iscuy-quengu'yojmo maŋba tyʌjcʌyajupʌ'sñe', te'ta'mbʌ maŋba tyʌŋdʌjcʌyatʌjque'tu jucʌtʌcpʌ laguna'ojmo.

El Apocalipsis 21:27

Teymʌ ja'n maŋu tyʌjcʌyu yu'cupʌ tiyʌ, ni te' chʌquiajpapʌ's mʌjša'ŋda'mbʌ tzʌqui, ni sujchajpapʌ. Tey maŋba tyʌjcʌyaju na' te' ja'yʌyajupʌ's ñʌy Ñchowambe's ñʌ'ijtupʌ libro'ojmo, ja'yʌyajumʌy ñʌy te' iscuy-quengu'yojmo maŋba tyʌjcʌyajupʌ'sñe'.

El Apocalipsis 3:5

Iwʌ's ñʌwʌ'ajpa, maŋba yajmequia'yaju popota'mbʌ mequepit, y ja'ʌs maŋu njaytyocoyjayu ñʌy te' libro'ojmo jya'yʌyjayumʌy Diojsis te' iscuy-quengu'yojmo maŋba tyʌjcʌyajupʌ'sñe'. Y maŋba'ʌs ŋgowʌ'aŋjamjayu ñʌy ʌs Ndata's wyi'naŋdʌjqui y 'yangelejsista'm wyi'naŋdʌjqui.