San Lucas 10:16 - Zoque Copainalá New Testament

¹⁶ Iwʌ'smij ŋguiʌmato'ŋʌytyamba mij, ʌs ŋgʌ'aŋmayeta'm, ʌjte' nʌ cʌmato'ŋʌyu. Y iwʌ'smij ja'n mbyʌjcʌchoŋdame, ʌjte' ja'n pʌjcʌchowe, y iwʌ'sʌj ja'n pʌjcʌchowe, ja'n pyʌjcʌchowe te' cʌ'wejupʌ'sʌj.

San Lucas 10:16 ပူးပေါင်းရင်းမြစ်များ

San Mateo 10:40

Iwʌ'smij mbyʌjcʌchowatʌjtamba, ʌjte' pʌjcʌchoŋba, y iwʌ'sʌj pʌjcʌchoŋba ʌj, pyʌjcʌchoŋba te' cʌ'wejupʌ'sʌj.

San Mateo 18:5

Y iwʌ's pyʌjcʌchoŋba tumʌc yʌ'šejpʌ chics une ʌs nʌquiʌsi, ʌjte' pʌjcʌchoŋba.

San Marcos 9:37

Iwʌ's pyʌjcʌchoŋba tumʌc yʌ'šejpʌ chics une ʌs nʌquiʌsi, ʌjte' pʌjcʌchoŋba. Y iwʌ'sʌj pʌjcʌchoŋba ʌj, ja'n na' ʌj pʌjcʌchowe, sino que pyʌjcʌchoŋba te' cʌ'wejupʌ'sʌj.

San Lucas 9:48

y ñʌjayaju: Iwʌ's pyʌjcʌchoŋba yʌ' une ʌs nʌquiʌsi, ʌjte' pʌjcʌchoŋba. Y iwʌ'sʌj pʌjcʌchoŋba ʌj, pyʌjcʌchoŋba te' cʌ'wejupʌ'sʌj. Porque iwʌ's más chicstzʌcpa wyin mumu mi'ojmota'm, yʌ'wʌte' más maŋba myʌja'ŋaju.

San Juan 12:44

Pero Jesús weju'c nʌmu: Iwʌ'sʌj wʌ'aŋjamba ʌj ja'nde' na' ʌjtij wʌ'aŋjame, sino que wyʌ'aŋjamgue'tpa te' cʌ'wejupʌ'sʌj.

San Juan 12:48

Ijtu iwʌ's quiʌme'chajpa te' je'ŋjayajpapʌ'sʌj y ja'n pyʌjcʌchoŋjay ʌs ndzambapʌ tiyʌ. Te' ʌs nʌ ndzamupʌ tiyʌ, te'wʌ's maŋba quiʌme'chaju ultimopʌ jamo'oyj.

San Juan 13:20

Wiyuŋše'ʌsmij nwiyuŋdzamjaytyamba: Iwʌ's pyʌjcʌchoŋba te' ʌs ŋgʌ'wejpapʌ, ʌjte' pʌjcʌchoŋba. Y iwʌ'sʌj pʌjcʌchoŋba ʌj, pyʌjcʌchoŋba te' cʌ'wejupʌ'sʌj.

Hechos 5:4

Juca inʌc mis jamya'ʌ, ¿ja'nja mis inʌc nʌtzʌ'i? Y ma'ʌyu'cmis, ¿ja'nja jequete' mij 'yaŋgui'mipʌ ndumingʌsi? ¿Tiyajca' yʌ'šej ŋguipsu ndzoco'yojmo? Ja'ndejcate' pʌn mis nʌ sutzjayu, sino que Dioste'.

Gálatas 4:14

Y te' ʌs ŋga'cuy mbʌ'mgopajcʌyjaytyamumis, jamyenoschʌctamʌmisʌj, ni jañʌmdamʌmij: Yʌ'wʌ ca'epʌyʌ', sino que Diojsis 'yangelesšej misʌj mbʌjcʌchoŋdamu, y jujcha' Jesucristo.

1 Tesalonicenses 4:8

Te'šej jeque, iwʌ's myenoschʌcpa yʌ' aŋma'yoquiuy, ja'nde' pyʌndʌwʌ nʌ myenoschʌjcu sino que te' Dios, te' tzi'tambapʌ'stʌ ñe' 'Yespiritu Santo.