San Lucas 10:14 - Zoque Copainalá New Testament

¹⁴ Te'cotoya, más maŋba tyo'ya'ŋʌyatʌju te' Tiro-itita'm y te' Sidon-itita'm que ja'n mijta'm te' cʌme'tzoquiuy jamo'oyj.

San Lucas 10:14 ပူးပေါင်းရင်းမြစ်များ

San Mateo 10:15

Wiyuŋše'ʌsmij ndzamjaytyamba que más maŋba tyo'ya'ŋʌyatʌju te' Sodoma y te' Gomorra-cumgu'yojmota'mbʌ te' cʌme'tzoquiuy jamo'oyj que ja'nde' tepyʌ cumgu'yojmota'mbʌ.

San Mateo 11:21

Ay mij, Corazin-itita'm. Ay mij, Betsaida-itita'm. Maŋbamis ŋguendamu toya porque soneta'mbʌ isaŋwʌ'ajcuy mis ŋguendamu mista'm ŋgumgu'yojmo, y jaŋguipswitu'tamʌmij. Juca inʌc quieñaju Tiro-iti'sta'm y Sidon-iti'sta'm mis ŋguendamupʌ isaŋwʌ'ajcuy, ñe'cʌta'm ya'ajca inʌc quipswitu'yaju. Yamyajwa' inʌc costal-pama y pocšajwa' inʌc cuyja'mojmo, wa'y yajquejayaju que nʌte' inʌc quipswitu'yaju.

San Juan 3:19

Minu'ʌj najsacopajcʌsi, y ʌjte' te' sʌ'ŋgʌ', pero más šuñaju pi'tza'ŋajcʌ' te' pʌ'nista'm que ja'nde' ʌj te' sʌ'ŋgʌ'. Te'šej šuñaju porque yacha'cuy inʌc chʌquiajpa. Te'wʌ maŋba yajco'aŋgʌyaju Diojsis.

Romanos 2:1

Te'wʌcotoya, mij mbyʌn, ja'nmis musi oyecocojtu nwin, porque tiyʌcʌsimis ŋgʌme'chajpa ndʌwʌ nyajcowapa'tpamis ne' nwin, porque te'šejtijmis ndzʌjque'tpa ne'cʌ ŋgʌme'chajpapʌ tiyʌcʌsimis.

Romanos 2:27

Y juca te' jašircuncidatzʌcʌpʌ's quiojamba mumu te' aŋgui'mguy, muspa chʌcjayu mis ŋgowa, porque nʌ'ijtumis te' Totojaye y te' circuncidatzʌjcuy pero ja'nmis ŋgojame te' aŋgui'mguy.