San Lucas 1:78 - Zoque Copainalá New Testament

⁷⁸ Y como tʌ Ndata Dios to'ya'ŋʌ'opya, Maŋbatʌ yajsʌ'ŋjayu te' sʌ'ŋgʌ' tzajpojmocpʌ jujcha' nʌ tyaŋbʌ'nʌmu'c.

San Lucas 1:78 ပူးပေါင်းရင်းမြစ်များ

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

Efesios 5:14

Te'cotoya nʌmyajpa te' tza'maŋwa'oyeta'm: Itzaŋwa nwitʌm, porque 'yʌŋupʌšejpʌ mijyʌ', Tzu'cumʌ porque ŋguia'upʌšejpʌ mijyʌ', Y Cristo's maŋba šʌ'ŋjayu mis ndzocoy.

Filipenses 1:8

Diojsis myuspa jutzʌsmij jene sundamba ndzoco'yojmo, jujcha' Jesucristo'smij maya'aŋ šundamba ñe' choco'yojmo.

Filipenses 2:1

Cristo jeque, ijtu mista'm ndzoco'yojmo. ¿Ja'nja nʌctʌ'ytyame que ñe'cʌ's pyʌmitzi'japya tʌta'm ndzocoy, y que ñe'cʌ'stʌ yajtzocopyactamba ñe' yajya'moquiupyit? ¿Y ja'nja nʌctʌ'ytyame que te' Espíritu Santo ijtu tʌta'm ndzoco'yojmo wa'ytyʌ cotzoŋdamu? ¿Ja'nja sundame ndumʌtzocoy mista'm atzi, y ja'nja ndo'ya'ŋʌyay? Jʌ'ʌ, mustambamis y ndzʌctambamis yʌ'šejta'mbʌ tiyʌ.

Colosenses 3:12

Como Diojsismij ŋguiopiŋdamu y nyajmasa'najtamu y šundamu, pyʌcpa wa'mis te'šej ndo'ya'ŋʌytyamu ndʌwʌ, wa'mis ndzʌcjaytyamu bien mumutiyʌcʌsi, wa'mis nyajyumi'ajtamu ne' nwin y ne' ndzocoy ñe' wyi'naŋdʌjquita'm y wa'mis nʌmaŋjayaju paciencia.

2 Pedro 1:19

Y ŋguenwa'ndʌs jeque que tucwa'a tʌs nwi'naŋdʌjqui te' chamyajušej tza'maŋwa'oye'sta'm y muspatʌs que te' cha'maŋwajyajušej wiyuŋbʌ tiyʌte', y šʌ'ŋjayajpa pi'tza'ŋajcu'yojmo ijtyajupʌ. Pyʌcpa jeque wa'mis ŋgoquendamu cuenta te' tza'maŋwa'oye'sta'm chame hasta que taŋbʌ'nʌmba ʌ' jamo'oyj y hasta que yajsʌ'ŋjayajpa mista'm ndzocoy te' namdzuctya'a tzotpapʌ matza's.

1 Juan 3:17

Pero iwʌ's pya'tpatij jyamacʌtʌjcuy, y quienba 'yatzi nʌ quienupʌ's toya y ja'n quiotzowe tiyʌ'iwʌpit, ¿jutza yajquejpa juca ijtu ñe' choco'yojmo te' Diojsis šu'noquiuy?

El Apocalipsis 22:16

Ʌs, Jesús, ŋgʌ'weju'ʌs ʌsne' ángeles wa'mij nyajmustamu Diojsis tyu'mʌquiu'yojmota'm yʌ'šejta'mbʌ tiyʌ. Ʌjte' te' winboya Rey Davijtis fyamilia'ojmoc pujtupʌ. Ʌjte' te' namdzuctya'a tzi'muŋu'c tzotpapʌ matza.