San Lucas 1:76 - Zoque Copainalá New Testament

⁷⁶ Y mij, tʌwʌy, maŋbamij ñʌjayaju que tzajpojmopʌ Diojsis mijyʌ' cha'maŋwa'oye, Porque maŋbamis nwi'najayu tʌ Ngomi wa'mis nimejcʌyjayu ñe' tyuŋ.

San Lucas 1:76 ပူးပေါင်းရင်းမြစ်များ

San Mateo 14:5

Sunba inʌc yajca'u Herodejsis te' Juan, pero ña'tzpa inʌc te' wʌwʌta'mbʌ pʌn, porque mumu pʌ'nis wyʌ'aŋjamyaju que Diojsiste' cha'maŋwa'oye.

San Mateo 21:26

Y juca nʌmbatʌj: Pʌ'nista'mde' chi'u, na'tzpatʌ pʌnda'm. Porque myuma'ŋgʌ'y wyʌ'aŋjamyajpa inʌc que te' Juan tza'maŋwa'oyete' inʌc.

San Mateo 3:11

Wiyuŋšej nʌ'ʌsmij nyajnʌ'yʌytyamu nʌ'pit wa'mij ŋguipswitu'tamu. Pero ʌs ucaŋgʌ'mʌc nʌ minu más mʌja'ŋbʌ que ja'n ʌj. Y myasa'najcupyit ja'n pyʌqui ni wa'yʌs nʌmaŋjayu wyacasnaca. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Mateo 3:3

Yʌ' Juaŋde' chamupʌ te' tza'maŋwa'opyawʌ Isaiajsis, nʌmu'c: Wejqui'mu'c nʌmu tumʌ te' pʌn ja'itʌnʌmʌmʌy: Nimejcʌytyamʌ ndzocoy tʌ Ngomicotoya jujcha' pʌ'nista'm ñimejcʌyajpa tuŋ. Wʌtzʌcjaytyamʌ te' wyiyuŋ-duŋ te' maŋba minumʌy.

San Marcos 11:32

¿Y juca nʌmbatʌ: Pʌ'nista'mde' chi'u......? Ña'chajpa inʌc pʌnda'm porque myuma'ŋgʌ'y wyʌ'aŋjamyajpa inʌc que te' Juan wiyuŋšejpʌ tza'maŋwa'oyete' inʌc.

San Lucas 1:32

Yʌ'wʌ maŋba myʌja'ŋaju, y maŋba ñʌjayaju te' tzajpojmopʌ Diojsiste' 'Yune. Y Ngomi Diojsis maŋba yajpocspajcu yʌ'wʌ tyata Davijtis 'yaŋgui'mʌtʌjcu'yojmo.

San Lucas 1:35

Y 'yaŋdzoŋu te' angelejsis: Te' Espíritu Santo maŋba minu mijcʌsi, y te' tzajpojmopʌ's pyʌmi maŋba wyanajcu mijcʌsi cʌmʌŋšej. Te'cotoya te' Masanbʌ maŋba pyʌ'najupʌ maŋba ñʌjayaju Diojsis 'Yune.

San Lucas 6:35

Sundamʌ jeque te' ŋgui'nišajpapʌ'smij. Tzʌcjaytyamʌ bien y nucschi'tamʌ ndʌwʌ yempetiyʌ y uy jo'ctame wa'mij ñchi'taŋgue'tu. Y te'šej maŋbamis mbʌjcu wʌwʌ mis ŋgoyowa y maŋba quieju que tzajpojmo ijtupʌ's mijte' 'yuneta'm. Porque hasta te' ingratota'mbʌ y paquita'mbʌ's chocoy tyo'ya'ŋʌpya ñe'cʌ's.

San Juan 1:23

Nʌmu Juan: Ʌjte' te' pʌn wejqui'mu'c nʌmbapʌ ja'itʌnʌmʌmʌy: Nimejcʌytyamʌ ndzocoy Cristocotoya, jujcha' pʌ'nista'm ñimejcʌyajpa tuŋ, chamušej tza'maŋwa'opyapʌ Isaiajsis.

San Juan 1:27

Yʌ'wʌte' te' nʌ minupʌ ʌs ucaŋgʌ'mʌc, pero más mʌja'ŋbʌte' que ja'n ʌj. Y myasa'najcupyit ja'n pyʌqui ni wa'yʌs mbu'pʌ'jayu wyacasnaca tzay.

San Juan 3:28

Muspamisʌj ŋgotestigosajtamu que nʌmu'ʌj: Ja'nde' ʌj te' Cristo, sino que cʌ'weju'ʌj Diojsis wa'yʌs nwi'najayu ñe'cʌ.

Hechos 16:17

Yʌ' papiñomo's quio'ŋnʌwitpa inʌc Pablo y tʌj, y weju'c inʌc nʌmba: Yʌ' pʌnda'm tzajpojmopʌ Diojsisyʌ' quioyosata'm, nʌmijyʌ' ñchamgopuŋjatʌjtamu te' Tuŋ jutz wa'mij ŋguiotzoctamu.