San Lucas 1:51 - Zoque Copainalá New Testament

⁵¹ Y yajqueju ñe' quiʌ'ojmopʌ pyʌmi y tyi'tpejpʌ'yaju te' myʌja'ŋgomʌ'yajpapʌ's wyin, te' te'ngui'myajpapʌ.

San Lucas 1:51 ပူးပေါင်းရင်းမြစ်များ

Romanos 1:21

Ñempe ispʌquiaju Dios, jamyʌja'ŋwʌcotzamya te' Dios, ni jañʌjaya yʌscotoya, sino que myʌja'ŋwʌcotzamyaju ñe'ta'm quipsoquiuy. Y te'šej te' jowita'mbʌ quipsoquiuy más jowi'ajyaju.

2 Corintios 10:5

Y ndzamdocopyatʌs pʌ'nista'm quipsaŋgospo'ʌyajupʌ tiyʌ, y mumu ñe' tye'ngui'myajpapʌ quipsoquiuy sunbapʌ'stʌj yajwindujcu uytyʌ ispʌctamu Dios. Ndzʌcme'tzpatʌs wa'y myato'ŋoyjayaju Cristo mumu pʌ'nis quipsoquiu'yojmo.

1 Pedro 5:5

Y jujche'ŋ soca's y papiñomo's yajmato'ŋoyjaya ancianota'm. Y jujche'ŋ tu'mʌyajpapʌ, mumu yajmato'ŋoya ñe'co'mota'm yumijpʌ tzocopyit porque yʌ'šej chamba te' Totojaye's: 'Yotoŋwinduquiajpa Diojsis te' myʌja'ŋdzʌquiajpapʌ's wyin, Y yajyamba te' yumijta'mbʌ.

El Apocalipsis 18:8

Te'šejpʌ chamepit tumnacacʌsi maŋba minu yʌ' Babilonia-cumgu'yojmo maya'aŋbʌ tyoyapʌjcuy. Maŋba quia'ʌnʌmu, y maŋba jyʌyʌnʌmu y maŋba minu maya'aŋbʌ yu'. Y jucʌtʌjcojmo maŋba pyoŋbʌ'u te' cumguy, porque tʌ Ngomi Dios, te' maŋbapʌ's yajnʌco'aŋgʌyu, pʌmi'ʌyupʌte'.