San Lucas 1:32 - Zoque Copainalá New Testament

³² Yʌ'wʌ maŋba myʌja'ŋaju, y maŋba ñʌjayaju te' tzajpojmopʌ Diojsiste' 'Yune. Y Ngomi Diojsis maŋba yajpocspajcu yʌ'wʌ tyata Davijtis 'yaŋgui'mʌtʌjcu'yojmo.

San Lucas 1:32 ပူးပေါင်းရင်းမြစ်များ

San Mateo 1:1

Yʌ' totojaye's chamneŋeca'ŋba te' Jesucristo's 'ya'ŋucuta'm. Ñe'cʌte' te' Davijtis wyinboya, y te' Abraha'ŋis wyinboya.

San Mateo 12:42

Ijtu inʌc reina tzu'cumbamʌy jama-sawa. Desde teymʌc ya'ay tzu'cumu wa'y minu myatoŋjayu Salomo'ŋis myujsoquiuy-chame. Y te' cʌme'tzoquiuy jamo'oyj maŋba tyumʌ'aŋguejyaju yʌ' reina yʌ' yʌtijta'mbʌ pʌnji'ŋ, y yʌ' reina's maŋba wya'cu wa'y yajnʌco'aŋgʌyatʌju, porque yʌtij yʌy ijtu más mujsopyawʌ que ja'nde' Salomón, y ja'n wyʌ'aŋjamyay.

San Mateo 28:18

Y ca'ŋmi'ŋa'ŋʌyu Jesús wa'ytyʌj oto'ŋʌyu y nʌjayutʌj: Ʌs Ndata Diojsis tzi'u'ʌj aŋgui'mʌtʌjcuy wa'yʌj aŋgui'moyu tzajpojmo y najsacopajcʌsi.

San Mateo 3:11

Wiyuŋšej nʌ'ʌsmij nyajnʌ'yʌytyamu nʌ'pit wa'mij ŋguipswitu'tamu. Pero ʌs ucaŋgʌ'mʌc nʌ minu más mʌja'ŋbʌ que ja'n ʌj. Y myasa'najcupyit ja'n pyʌqui ni wa'yʌs nʌmaŋjayu wyacasnaca. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Marcos 14:61

Pero ñe'cʌ numumgʌñe'cu y nijutz ja'yaŋdzowa. Y te' mʌja'ŋbʌ sacerdote's quiʌ'aŋwa'cwʌtzʌjcu: ¿Mijate' te' Cristo, te' tʌs nwʌcotzambapʌ Diojsis 'Yune?

San Marcos 5:7

Y weju'c nʌmu: ¿Tiya' sunba ʌji'ŋ, Jesús, te' tzajpojmo ijtupʌ Diojsis 'Yune? Nwa'cjapya'ʌsmij Diojsis ñʌquiʌsi: U'yʌj yajtoyapʌqui.

San Lucas 1:15

Porque maŋba myʌja'ŋaju Diojsis wyi'naŋdʌjqui. Ja'n maŋu tyo'ŋu vino ni te' no'topyapʌ tiyʌ, y maŋba jyo'ʌyu Espíritu Santo's ñana'smaj chejcojmo ijtu'c.

San Lucas 1:35

Y 'yaŋdzoŋu te' angelejsis: Te' Espíritu Santo maŋba minu mijcʌsi, y te' tzajpojmopʌ's pyʌmi maŋba wyanajcu mijcʌsi cʌmʌŋšej. Te'cotoya te' Masanbʌ maŋba pyʌ'najupʌ maŋba ñʌjayaju Diojsis 'Yune.

San Lucas 1:76

Y mij, tʌwʌy, maŋbamij ñʌjayaju que tzajpojmopʌ Diojsis mijyʌ' cha'maŋwa'oye, Porque maŋbamis nwi'najayu tʌ Ngomi wa'mis nimejcʌyjayu ñe' tyuŋ.

San Lucas 3:16

Jua'ŋis 'yaŋdzoŋyaju mumu te' ijtyajuše'ŋ tey: Wiyuŋšej nʌ'ʌsmij nyajnʌ'yʌytyamu nʌ'pit. Pero nʌ minu más mʌja'ŋbʌ que ja'n ʌj, y myasa'najcupyit ja'n pyʌqui ni wa'yʌs mbu'pʌ'jayu wyacasnaca tzay. Ñe'cʌ'smij maŋba nyajnʌ'yʌytyamu Espíritu Santopit wa'y pya'jayu mista'm ndzocoy.

San Lucas 6:35

Sundamʌ jeque te' ŋgui'nišajpapʌ'smij. Tzʌcjaytyamʌ bien y nucschi'tamʌ ndʌwʌ yempetiyʌ y uy jo'ctame wa'mij ñchi'taŋgue'tu. Y te'šej maŋbamis mbʌjcu wʌwʌ mis ŋgoyowa y maŋba quieju que tzajpojmo ijtupʌ's mijte' 'yuneta'm. Porque hasta te' ingratota'mbʌ y paquita'mbʌ's chocoy tyo'ya'ŋʌpya ñe'cʌ's.

San Juan 12:34

'Yaŋdzoŋyaju te' pʌ'nista'm: Aŋmayutʌs te' aŋgui'mgu'yojmo que yajujche'c ja'n maŋu quia'u te' Cristo. ¿Tiyajca'nde' ñʌmbamij que pyʌcpa wa'y yajqui'myaju cruzcʌsi te' Pʌ'nis 'Yune? ¿Iwa' jequete' te' Pʌ'nis 'Yune?

San Juan 6:69

Y tʌs nwʌ'aŋjambatʌs y ispʌcbatʌsmij que mijte' te' Cristo. Mijte' te' Diojsis 'Yune, te' Diojsis ñe' pyʌmipit quengu'yʌyupʌ.

Hechos 16:17

Yʌ' papiñomo's quio'ŋnʌwitpa inʌc Pablo y tʌj, y weju'c inʌc nʌmba: Yʌ' pʌnda'm tzajpojmopʌ Diojsisyʌ' quioyosata'm, nʌmijyʌ' ñchamgopuŋjatʌjtamu te' Tuŋ jutz wa'mij ŋguiotzoctamu.

Hechos 2:30

Pero tza'maŋwa'oyete' inʌc ñe'cʌ. Y myujsu que Diojsis chambʌjcu ñʌy chamdzi'u'c wiyuŋšej que te' ñe' fyamilia'ojmoc maŋba inʌc pyʌ'naju te' Cristo wa'y ñʌcpocsʌyjayu te' Davijtis 'yaŋgui'mʌtʌjcuy.

Hechos 2:36

Sunba'ʌs wa'y wiyuŋšej myujšaju mumu te' Israel-pʌ'nista'm que quiojtu Diojsis jujcha' Comi y Cristo yʌ' Jesús, ma'mʌytyamupʌmis cruzcʌsi.

Hechos 7:48

Ñempe te' tzajpojmowʌ ja'n iti cʌ'pit tuquiajupʌ templo'ojmo, chamušej te' tza'maŋwa'opyapʌ's:

Romanos 1:4

Yajqueju Diojsis que ñe' te' 'Yune yajwinsa'u'c ca'yajupʌ'ojmoc. Yʌ' Jesucristo masanbʌte' te' Espíritu Santopit, y mʌja'ŋbʌte'.

El Apocalipsis 3:7

Y tyujta'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Filadelfia-tu'mʌquiuy. Tzamja te' coque'noye y te' tu'mʌquiuy que ʌjte' te' wiyuŋšejpʌ Diojsis Myasanbʌn y que ʌs nʌ'itjayu Davijtis llave, sunba'ʌjte' nʌmu wa'yʌs nyajtʌjcʌyaju aŋgui'mbamʌy Dios. Ʌs jutimʌ'yʌs ya'aŋwajpa, ya'iwʌ's ja'n ya'aŋga'me, y jutimʌ'yʌs ya'aŋga'mba, ya'iwʌ's ja'n musi ya'aŋwaju.