San Juan 9:4 - Zoque Copainalá New Testament

⁴ Nʌ'cše'ŋo'yʌj tzi'yaju lugar wa'yʌj nyojsu pyʌcpa wa'yʌs ndzʌcjayu Diojsis yoscuy, porque ñe'cʌ'sʌj cʌ'weju. Porque maŋba minu te' aŋsʌŋ ja'nandʌ maŋu tzi'yaju lugar wa'ytyʌ nyostamu.

San Juan 9:4 ပူးပေါင်းရင်းမြစ်များ

San Mateo 20:7

'Yaŋdzoŋyaju: Porque ya'iwʌ'stʌj jachi'ʌ yoscuy. Te' nas-comi's ñʌjayaju: ¿Ja'nja suni maŋu nyostamu ʌs uva-nipi'ojmo? Maŋba'ʌsmij ŋgoyojtamu pyʌcpaše'ŋ.

San Marcos 3:3

Pijche'ca Jesujsis ñʌjayu te' pʌn, te' tʌtzpʌ's quiʌ': Tzu'cumʌ y tenaqui'mʌ ñe'ta'm wyi'naŋdʌjqui.

San Juan 10:32

Ñʌjayaju Jesujsis: Ndzʌcwa'mʌs sone oyeta'mbʌ tzʌqui mista'm nwi'naŋdʌjqui. ¿Jutipʌ tzʌquicotoya'mʌjte' sunba ndʌŋga'tamu tza'pit?

San Juan 10:37

Juca te' ʌs ndzʌcpapʌ tiyʌ ja'nde' ʌs Ndata's šunbašej, u'yʌj wʌ'aŋjamdame.

San Juan 12:35

Pijche'c Jesujsis ñʌjayaju: Yʌy najsacopajcʌsi uša'ŋ horatya'mʌsmijyʌ' maŋba sʌ'ŋgʌtzʌcjaytyamu, te'šej wittamʌ umij mbya'tewʌ'ajtamu pi'tza'ŋajcʌ's. Porque iwʌ witpa pi'tza'ŋajcu'yojmo ja'n myusi jutʌte' nʌ myaŋu.

San Juan 17:4

Ʌs nyajqueñajwa'mʌs najsacopajcʌsita'mbʌ pʌn mis mʌja'ŋajcuy. Nyajta'nwa'mʌs te' yoscuy aŋgui'mušejmisʌj wa'yʌs ndzʌjcu.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

San Juan 5:19

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

San Juan 7:33

Pijche'ca ñʌjayaju Jesujsis: Ja'nʌjyʌ' maŋu nya'yu miji'ŋda'm. Jʌ'nʌ'amʌjyʌ' maŋgue'tpa ijtumʌy te' cʌ'wejupʌ'sʌj.

Hechos 4:20

Porque tʌs, ja'ndʌs musi ndza'maŋjeju tiyʌ tʌs matoŋu y ŋguenu.

Gálatas 6:10

Te'šej jeque, mientrastʌ quendambamaj ndzʌcta'mitʌy oyeta'mbʌ tiyʌ mumu'iwʌcotoya, nimeque'ctij te' wʌ'aŋja'moyajpapʌcotoya.

Efesios 5:16

Nʌwʌ'ajtamʌ yʌ' aŋsʌŋ wa'mis ndzʌctamu oyeta'mbʌ tiyʌ porque te' yʌtijta'mbʌ pʌ'nis chʌquiajpa ja'n 'yoyeta'mbʌ tiyʌ.

Colosenses 4:5

Tu'ŋajtamʌ mujsoyajpapʌšej te' ja'n wyʌ'aŋja'moyapyʌ's wyi'naŋdʌjqui umis nyajmawʌcʌtʌctamu aŋsʌŋ.