San Juan 9:39 - Zoque Copainalá New Testament

³⁹ Y nʌmu Jesús: Minu'ʌj yʌ' najsacopajcʌsi wa'y Diojsis quiʌme'chaju pʌnda'm, wa'y iwʌ'sta'mis ja'ndiyʌ quipsoquiu'yis šʌ'ŋgʌ' wa'yʌs nyajsʌ'ŋjayaju quipsoquiuy, y te' nʌmyajpapʌ's que sʌ'ŋyajpa wyitʌm wa'y jana ispʌquiaju te' wiyuŋbʌ tiyʌ.

San Juan 9:39 ပူးပေါင်းရင်းမြစ်များ

San Mateo 11:5

Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpawʌ. Nʌ quiowajyaju te' yatziputzi'ʌyajupʌ. Nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Mateo 15:14

Uy co'ŋyay yʌ'ta'mbʌ. To'tita'mbʌte', y sunba ñʌtu'ŋajayaju to'tita'mbʌ. Juca to'tiwʌ's ñʌtu'ŋajpa to'tiwʌ tyʌwʌ myejtzji'ŋ maŋba quiuñaju tza'tʌjcojmo.

San Mateo 6:23

Pero juca ja'n šʌ'ŋi oye mis nwitʌm, pi'tza'ŋajcu'yojmošejmij itpa. Pero juca te' mi'ojmo ijtupʌ sʌ'ŋgʌ' aŋbondu'pya, tu'yo'ctujcu'ca maya'aŋbʌ pi'tza'ŋajcʌte'.

San Lucas 1:79

Te'šej maŋba chʌjcu wa'y šʌ'ŋgʌtzʌcjayaju pi'tza'ŋajcu'yojmo ijtyajupʌ's chocoy, te' maŋba inʌc quia'yajupʌ. Y maŋbatʌ tuŋdzi'tamu wa'ytyʌ maŋu sʌ'mnaquiu'yojmo.

San Lucas 13:30

Wʌwʌ te' yʌtijta'mbʌ cowi'na maŋba quiʌma'ŋajyaju. Y te' yʌtij cʌmaŋda'mbʌ maŋba quiowi'na'yaju.

San Lucas 2:34

Y ñicomasa'nʌyaju Simeo'ŋis y ñʌjayu te' une's ñanaj María: Yʌtij jeque, yʌ' une quiʌ'weju Diojsis wa'y tyocoyaju y wa'y quiotzoquiaju wʌwʌ te' Israel-pʌnda'm. Tʌjcʌyu jujcha' señal wa'y ya'aŋwaju aŋnaca.

San Lucas 4:18

Tʌ Ngomi's 'Yespiritu ijtu ʌjcʌsi, Porque copiŋu'ʌj wa'yʌs minu ndzamgopuŋu oyeta'mbʌ tiyʌ pobreta'mbʌcotoya. Y cʌ'weju'ʌj wa'yʌs nyajtzoquiaju te' toya'ojmo ijtyajupʌ, Y wa'yʌs ŋgoquipyaju preso'mo ijtyajupʌ wa'y pyujtyaju, Y wa'y šʌ'ŋyaju to'tita'mbʌ's wyitʌm, Y wa'y chʌcʌpʌ'yatʌju te' nʌ yacsnutzʌquiatʌjuwʌ.

San Lucas 7:21

Y tey ijtyaju'c yajtzojcu Jesujsis sone ca'eta'mbʌ y yatziputzi'ʌyajupʌ y yatzi-espiritu'ʌyajupʌ y yajsʌ'ŋjayaju wyitʌm to'tita'mbʌ'sñe'.

San Juan 12:31

Yʌtij nʌ cho'tzu wa'y quio'aŋgʌyaju najsacopajcʌsita'mbʌ's porque yʌ'še'ʌj nʌ tzʌquiaju. Yʌtij te' najsacopajcʌsipʌ yatzi-cowi'na ndʌŋgʌtejwa'mʌs.

San Juan 12:46

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 3:19

Minu'ʌj najsacopajcʌsi, y ʌjte' te' sʌ'ŋgʌ', pero más šuñaju pi'tza'ŋajcʌ' te' pʌ'nista'm que ja'nde' ʌj te' sʌ'ŋgʌ'. Te'šej šuñaju porque yacha'cuy inʌc chʌquiajpa. Te'wʌ maŋba yajco'aŋgʌyaju Diojsis.

San Juan 8:12

'Yoto'ŋʌwyʌtzʌquiaju Jesujsis te' tu'mʌyajupʌ te' templo'ojmo, y ñʌjayaju: Ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy. Iwʌ'sʌj co'ŋba ʌj ja'n wyiti pi'tza'ŋajcu'yojmo, sino que sʌ'ŋba te' chocoy, pya'tpapʌpit iscuy-quenguy.

San Juan 8:15

Šuñajpašej pʌ'nis te'šejmij ŋguiʌme'tzoytyamba, pero ʌs ja'ʌs ŋgʌme'tze ya'iwʌ.

San Juan 9:25

Pijche'ca ñe'cʌ's 'yaŋdzoŋyaju: Tey ja'na'mʌs musque'te juca cowatzʌquite'. Tiyʌ'ʌs yʌtij muspa que to'ti inʌjcʌj, y yʌtij quenba'mʌj.

Hechos 26:18

Myaŋbamij teymʌ wa'mis nyajsʌ'ŋjayaju wyitʌm, wa'y chaquiaju pi'tza'ŋajcʌ' y wa'y quieñaju sʌ'ŋgʌ', wa'y chacjayaju Satanajsis 'yaŋgui'mʌtʌjcuy y wa'y mye'chaju Dios. Te'šej wa'yʌs nyajcotocoyjayaju quiowa y wa'y pyʌjcʌchoŋyaju pyarte te' masa'najyajupʌji'ŋ jujche'ŋʌj wʌ'aŋjamyajpapʌ's.

2 Corintios 2:16

Wiyuŋšej te' nʌ tyocoyajupʌcotoya, yajca'opyapʌ omomašejtʌj wa'y quia'yaju. Te' nʌ quiotzoquiajupʌcotoya, yajcotzojcopyapʌ omomašejtʌj wa'y pya'tyaju quenguy. ¿Iwa' cosuju wa'y chamgopuŋu yʌ'šejta'mbʌ tiyʌ?

Efesios 5:14

Te'cotoya nʌmyajpa te' tza'maŋwa'oyeta'm: Itzaŋwa nwitʌm, porque 'yʌŋupʌšejpʌ mijyʌ', Tzu'cumʌ porque ŋguia'upʌšejpʌ mijyʌ', Y Cristo's maŋba šʌ'ŋjayu mis ndzocoy.

2 Tesalonicenses 2:10

Y yʌ'wʌ's maŋba 'yaŋgoma'cʌyaju yacha'cupyit te' maŋba tyocoyajupʌ, porque japyʌjcʌchoŋya ni jašuña wiyuŋbʌ tiyʌ wa'y quiotzoquiaju.

1 Pedro 2:9

Pero mijta'm ja'nmij tye'šejta'm porque Diojsismij ŋguiopiŋdamu. Yʌtij mumu wʌ'aŋja'moye, sacerdotete', masanbʌnda'mde' jujche'ŋ Diojsisa ñe'ajyajupʌ pyʌnda'm. Y Diojsismij ñe'ajtamu wa'mis ndzamgopuŋjaytyamu ñe' yajya'moquiuy, porque ñe'cʌte' te' 'yaŋbʌctamupʌ'smij wa'mis ndzactamu te' pi'tza'ŋajcu'yojmopʌ itcuy y wa'mij mindamu ñe' maya'aŋbʌ sʌ'ŋgʌ'ojmo.

1 Juan 2:11

Pero iwʌ's qui'nispamaj 'yatzi, japyʌjcʌchoŋjamaj Diojsis šʌ'ŋgʌ' ñe' choco'yojmo, y witpa tocoquiu'yojmo. Ja'n myusi jutʌte' nʌ myaŋu porque jašʌ'ŋgʌtzʌcja chocoy sʌ'ŋgʌ's y ja'n musi quienu te' wiyuŋbʌ tiyʌ.