San Juan 9:35 - Zoque Copainalá New Testament

³⁵ Myujsu Jesujsis que myacpujtyajwa'a, y pya'tque'tu'ca ñʌjayu: ¿Nwʌ'aŋjambaja te' Diojsis 'Yune?

San Juan 9:35 ပူးပေါင်းရင်းမြစ်များ

San Mateo 14:33

Pijche'c jujche'ŋdʌj barco'ojmo inʌc ijtuwʌ ŋgujnayjayutʌs. Y nʌjayutʌs: Wiyuŋšej mijte' te' Diojsis 'Yune.

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Mateo 4:3

Y quiʌnu'cʌyu ñe'cʌ te' oc'isoye's y ñʌjayu: Juca Diojsismijte' 'Yune, aŋgui'mʌ yʌ' tza'ta'm wa'y pya'ŋajyaju.

San Marcos 1:1

Yʌ'šej tzo'tzu te' evangelio chambapʌ's te' Jesucristo. Ñe'cʌte' te' Diojsis 'Yune.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 1:34

Y te'še'ʌs ŋguenu. Y ndzamjaytyamba'ʌsmij que te'wʌte' te' Diojsis 'Yune.

San Juan 10:36

Ʌjte' te' yajmasa'najupʌ y quiʌ'wejupʌ najsacopajcʌsi ʌs Ndata Diojsis. Porque nʌmu'ʌj que Diojsisʌjyʌ' 'Yune, te'cotoya nʌjaytyambamisʌj que otowewʌ'ajapya'ʌs Dios.

San Juan 11:27

Ñʌjayu Marta's: Ʌs nwʌ'aŋjamwa'mʌs que mijte' te' Cristo, Diojsis 'Yune, te' maŋbapʌ inʌc minu najsacopajcʌsi.

San Juan 20:28

Pijche'ca aŋdzoŋu Tomás, y ñʌjayu: Ʌsmijyʌ'ne' Ngomi, y ʌsmijyʌ'ne' Dios.

San Juan 20:31

Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 5:14

Jʌsa'ca pya'tu Jesujsis te' templo'ojmo, y ñʌjayu: Yʌtij ñchocwa'mij, u'ya cowapa'tque'temaj umis maŋu maŋgopa'tʌyu más jene jenepʌ ca'cuy.

San Juan 6:69

Y tʌs nwʌ'aŋjambatʌs y ispʌcbatʌsmij que mijte' te' Cristo. Mijte' te' Diojsis 'Yune, te' Diojsis ñe' pyʌmipit quengu'yʌyupʌ.

San Juan 9:22

Yʌ'šej nʌmyaju te' tyatajta'm porque ña'chajpa inʌc te' judiota'm porque nʌmyaju'ctya'nde' que iwʌ nʌmba que Jesuste' te' Mesías, maŋba myacpujtyaju te' ñe'ta'm wyindʌjcojmoc.

San Juan 9:34

Ñʌjayajque'tu fariseo'sta'm te' to'tipʌ inʌc: Saŋgowatzʌquimijyʌ' mbyʌ'naju, ¿y sunbajatʌj aŋmayu mis? Y myacpujtyaju te' ñe'ta'm wyindʌjcojmoc.

Hechos 8:36

Y te'šejtij nʌ tyu'ŋajyaju'c nu'quiaju ijtumʌy nʌ', y nʌmu te' eunuco: Yʌy ijtu nʌ'. ¿Tiyʌ'samʌj yajwinducpa u'yʌj nʌ'yʌyu?

Hechos 8:37

Y 'yaŋdzoŋu Felipe's: Juca tumʌtzocoy mis nwʌ'aŋjamba, muspamij ñʌ'yʌyu. Y aŋdzoŋu: Nwʌ'aŋjamba'ʌs que te' Jesucristo Diojsis te' 'Yune.

Hechos 9:20

Pijche'ctij chamgopuŋgʌ'yu te' Cristo judio'sta'm wyindʌjcojmo, y nʌmgʌ'yu: Yʌ'wʌte' te' Diojsis 'Yune.

Romanos 1:4

Yajqueju Diojsis que ñe' te' 'Yune yajwinsa'u'c ca'yajupʌ'ojmoc. Yʌ' Jesucristo masanbʌte' te' Espíritu Santopit, y mʌja'ŋbʌte'.

Romanos 10:20

Y Isaiajsis jana na'chcuy chamu jutz nʌmu Dios: Te' ja'namʌj me'chapyʌ's inʌc pa'tyaju'ʌj. Y nyajqueñaju'ʌs ne' nwin te' jaquiʌ'aŋwa'quiapʌ'sʌj.

1 Juan 4:15

Iwʌ tumʌtzocoy nʌmbapʌ que Jesús Diojsis te' 'Yune, ñe' choco'yojmo itjojcʌtʌcpa Dios y Diojsis ñʌ'itjojcʌtʌcpa te'šejpʌ pʌn choco'yojmo.

1 Juan 5:10

Iwʌ's wyʌ'aŋjamba Jesús, te' Diojsis 'Yune, myuspa choco'yojmo que wiyuŋšej quiotestigosaju Diojsis. Iwʌ's ja'n wyʌ'aŋjame Dios, nʌ quiomʌ'yu sutzpapʌte', porque ja'n wyʌ'aŋjame te' Diojsis quiotestigosajušej te' 'Yune.

1 Juan 5:13

Yʌ'šejta'mbʌ tiya'mʌsmij njayjaytyamu porque nwʌ'aŋjamdambamis te' Diojsis 'Yune, y wa'mis mustamu que nʌ'ittamumis ja'n yayepʌ quenguy, y wa'mis tumʌtzocoy nwʌ'aŋjamdamu te' Diojsis 'Yune.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

1 Juan 5:5

¿Iwʌ'sasʌ'ŋde' tyʌŋgʌspa'tpa wa'y wyʌyu najsacopajcʌsipʌ yacha'cuy? Wyʌyajpa jujche'ŋ wyʌ'aŋjamyajpapʌ's que Jesuste' te' Diojsis 'Yune.

3 Juan 1:10

Te'cotoya juca minba'ʌj tey, maŋba'ʌsmij nyajamwʌtzʌctamu tu'mʌquiu'yis wyi'naŋdʌjqui jutztʌj ñe'cʌ's ni'undza'mʌpya y nisujtzʌpya. Y ja'n chocopyaque yʌ'šejta'mbʌ tiyʌpit, sino ja'n pyʌjcʌchowe te' cʌtʌquiajpapʌ atzita'm, y 'yotoŋwinducpa te' sunbapʌ's pyʌjcʌchoŋyaju, y myacpujtyaju tu'mʌquiu'yojmoc.