San Juan 9:34 - Zoque Copainalá New Testament

³⁴ Ñʌjayajque'tu fariseo'sta'm te' to'tipʌ inʌc: Saŋgowatzʌquimijyʌ' mbyʌ'naju, ¿y sunbajatʌj aŋmayu mis? Y myacpujtyaju te' ñe'ta'm wyindʌjcojmoc.

San Juan 9:34 ပူးပေါင်းရင်းမြစ်များ

San Lucas 11:45

Y 'yaŋdzoŋu tumʌ te' aŋgui'mguy-myujsoye's y ñʌjayu: Maestro, ndzamba'cmis yʌ'šejta'mbʌ tiyʌ, yajtitʌj nʌctza'mʌpyamistʌj.

San Lucas 14:11

Porque iwʌ's myʌja'ŋgomʌ'pya wyin, maŋba yajcʌma'ŋajyaju. Y iwʌ's quiʌmaŋdzʌcpa wyin, maŋba yajmʌja'ŋajyaju.

San Lucas 18:17

Wiyuŋše'ʌsmij ndzamjaytyamba que iwʌ's ja'n unešej chʌqui wyin wa'y tyʌjcʌyu aŋgui'mopyamʌy Dios, ja'n maŋu tyʌjcʌyu tey.

San Lucas 6:22

Dichoso mijta'm cuando ŋgui'nistambamij pʌ'nista'm, y cuando ja'n wyijtyay miji'ŋda'm y nwyinʌcnʌ'mnʌ'mwʌtʌjtambamij. Dichoso mijta'm yatzicomʌ'yjayajpa'c mista'm nʌy porque nwʌ'aŋjamdambamisʌj, ʌj te' Pʌ'nis 'Yune.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 8:41

Mis ndzʌctambamis chʌcpašej inʌc mista'm ndata's. Pijche'ca ñʌjayaju Jesús: Tʌj, ja'ndʌjyʌ' ispʌqui-une. Tumʌtij ijtu tʌs Ndataj, te'wʌte' te' Dios.

San Juan 9:2

Y tʌs, te' quiʌ'aŋmaye's ŋgʌ'aŋwa'cutʌs: ¿Maestro, iwa'sʌ'ŋ cowapa'tu yʌ'wʌ o tyatajta'm wa'y to'tipʌytya' pyʌ'naju?

San Juan 9:22

Yʌ'šej nʌmyaju te' tyatajta'm porque ña'chajpa inʌc te' judiota'm porque nʌmyaju'ctya'nde' que iwʌ nʌmba que Jesuste' te' Mesías, maŋba myacpujtyaju te' ñe'ta'm wyindʌjcojmoc.

San Juan 9:35

Myujsu Jesujsis que myacpujtyajwa'a, y pya'tque'tu'ca ñʌjayu: ¿Nwʌ'aŋjambaja te' Diojsis 'Yune?

San Juan 9:40

Tey inʌc ijtyaju fariseo ñe'cʌji'ŋ y myatoŋyaju yʌ'šej, y ñʌjayaju: ¿Te'šejtijsʌ'ŋ ja'n šʌ'ŋgue'te tʌs nwitʌm?

1 Corintios 5:13

Porque maŋba quiʌme'chaju Diojsis te' jatyʌjcʌyapʌmaj. Yajʌcʌ'tamʌ jeque te' yatzipʌ mi'ojmota'm.

Gálatas 2:15

Tʌta'm, judiota'mdʌyʌ', porque te'wʌpʌ nʌ'pindʌ nʌ'ittamu. Ja'ndʌyʌ' gentil-nʌ'pin cowatzʌquita'm.

Efesios 2:3

Te'šejtijque' tʌta'm wina wittambatʌ inʌc ñe'cʌji'ŋda'm. Y janwyʌ'aŋja'moytyamʌ'cmajtʌ, ndzʌctambatʌ inʌc ne'ta'm yatzipʌ nwi'nis šu'noquiuy y ŋgo'ŋdambatʌ inʌc ne' ŋguipsoquiuy šunbašej inʌc tʌ ne' ndzoco'yis. Y como ndzʌctambatʌ inʌc te'šejta'mbʌ tiyʌ, Diojsistʌ maŋba inʌc yajnʌco'aŋgʌyu jujcha' wiyuŋšej maŋbamaj yajnʌco'aŋgʌyaju te' te'šej chʌcjojcʌtʌquiajpapʌ's.

1 Pedro 5:5

Y jujche'ŋ soca's y papiñomo's yajmato'ŋoyjaya ancianota'm. Y jujche'ŋ tu'mʌyajpapʌ, mumu yajmato'ŋoya ñe'co'mota'm yumijpʌ tzocopyit porque yʌ'šej chamba te' Totojaye's: 'Yotoŋwinduquiajpa Diojsis te' myʌja'ŋdzʌquiajpapʌ's wyin, Y yajyamba te' yumijta'mbʌ.

3 Juan 1:10

Te'cotoya juca minba'ʌj tey, maŋba'ʌsmij nyajamwʌtzʌctamu tu'mʌquiu'yis wyi'naŋdʌjqui jutztʌj ñe'cʌ's ni'undza'mʌpya y nisujtzʌpya. Y ja'n chocopyaque yʌ'šejta'mbʌ tiyʌpit, sino ja'n pyʌjcʌchowe te' cʌtʌquiajpapʌ atzita'm, y 'yotoŋwinducpa te' sunbapʌ's pyʌjcʌchoŋyaju, y myacpujtyaju tu'mʌquiu'yojmoc.

3 Juan 1:9

Njayjawya'mʌsmij mij y jujche'ŋmij tey ñdyu'mʌytyambapʌ Diojsis ñʌquiʌsi. Pero Diotrefejsis ja'ndʌj pʌjcʌchowe, porque ñe'cʌtij sunba quiowi'nacotzʌjcu wyin mi'ojmota'm.

El Apocalipsis 13:17

Y ja'n inʌc chi'yay lugar ya'iwʌ wa'y jyu'yoyu o wa'y mya'aju juca ja'nde' te' marcatzʌquiajupʌ te' copʌ'nis ñʌpyit o ñumeropit.