32 Yajujche'cmajtʌ jamyatoŋdʌ'ʌ juca iwʌ's yajtzoctʌ'wa'a to'titya' pʌ'najupʌ pʌn.
Te' cʌtʌquiajupʌ aŋsʌ'ŋojmo yʌ'šej chamdzi'u Diojsis ñe' masanda'mbʌ tza'maŋwa'oyepit nʌmu'c:
Eyata'mbʌ nʌmyajpa inʌc: Yatzi-espiritu's ñʌc'ijtʌyupʌ pʌn ja'n chamdzamnay yʌ'šej. ¿Muspasʌ'ŋ cho'yʌyu to'tipʌ pʌn yatzi-espiritu's?
Mustambatʌ que Diojsis ja'n quiʌmato'ŋʌy cowatzʌquita'mbʌ. Pero juca iwʌjutiwʌ's quiʌna'tzpa Dios, y chʌcpa ñe'cʌ's šunbašej, yʌ'wʌ quiʌmato'ŋʌpya Diojsis.
Juca inʌc ja'n Diojsis quiʌ'weju, ja'n inʌc musi chʌjcu yʌ'šejta'mbʌ tiyʌ.
Pijche'ca qui'toŋgʌpajcu, nacsu rayu y jititʌnʌmu. Pijche'c maya'aŋ pupmʌjtzʌyu nas y cʌtʌjcu maya'aŋbʌ mi'cscʌ' nyajujche'cmajtʌ jaŋguiendʌ'ʌpʌ y nijutipʌ pʌ'nismaj jaquiendʌ'ʌpʌ desde que itʌnʌmu najsacopajcʌsi.