San Juan 9:29 - Zoque Copainalá New Testament

²⁹ Muspatʌs que Moisés 'yoto'ŋʌyu Diojsis, pero ʌ'wʌ ja'ndʌs musi jutʌpʌ'ʌ'.

San Juan 9:29 ပူးပေါင်းရင်းမြစ်များ

San Mateo 12:24

Pero myujšaju'ca te' fariseo'sta'm, nʌmgʌ'yaju: Yʌ'wʌ's ja'n myacputi yatzita'mbʌ espíritu juca ja'n yatzita'mbʌ espiritu's quiowi'napit, te' ñʌjayajpapʌ Beelzebú.

San Mateo 26:61

y nʌmyaju: Yʌ'wʌ yʌ'šej nʌmu: Muspa'ʌs nju'mbʌ'u yʌ' Diojsis tyemplo, y tuca'y jamapit nyajtzu'cumwʌtzʌcpa'ʌs.

San Lucas 23:2

Ñicotza'mʌquiʌ'yaju Jesús y nʌmyaju: Yʌ'wʌ ŋgunjawya'ndʌs que nʌ chʌcjopi'tjayu tʌs nación y aŋgui'mopya uy quiocoyo'oyaju Cesarcʌsi. Y nʌmba que ñe'cʌte' te' Cristo, te' Rey.

San Juan 1:17

Tʌjcʌyu te' aŋgui'mguy Moisespit. Pero Jesucristopitte' tʌjcʌyu te' yajya'moquiuy y te' wiyuŋbʌ tiyʌ.

San Juan 7:27

Tʌs, muspatʌs jutʌpʌ cumgu'yojmopʌyʌ' yʌ'wʌ. Y minba'cande' te' Cristo ya'iwʌ's ja'n maŋu myujsu jutʌpʌte'.

San Juan 7:28

Nʌ inʌc 'yaŋma'yoyu Jesús te' judio-templo'ojmo. Pijche'c weju'c nʌmu: Ispʌctambamisʌj y mustambamis jutʌpʌ'ʌjyʌ', pero te' wiyuŋšejpʌ Diojsisʌjte' cʌ'weju, y ñe'cʌ ja'nmis ispʌctame mista'm.

San Juan 8:14

'Yaŋdzoŋyaju Jesujsis: Wempe ʌsne' nwin ndzamʌ, ndzambaše'ʌs wiyuŋbʌ tiyʌte', porque muspa'ʌs jutʌ'ʌjyʌ' tzu'cumu y jutʌ'ʌj maŋba. Pero mista'm ja'nmis mustame jutʌ'ʌjyʌ' tzu'cumu ni jutʌ'ʌj maŋba.

San Juan 9:16

Pijche'ca metza tuca'y te' fariseo nʌmyajpa inʌc: Te' cho'yʌyupʌ's ja'nde' Diojsis quiʌ'weju porque ja'n quiojame sábado. Eyata'mbʌ nʌmyajpa inʌc: ¿Jutza' jeque muspa chʌjcu yʌ'šejta'mbʌ isaŋwʌ'ajcuy cowatzʌquipʌ pʌ'nis? Y quipotoŋgʌ'yaju ñe'co'mo.

San Juan 9:24

Pijche'ca wyejwʌtzʌquiaju te' pʌn to'tipʌ inʌc y ñʌjayaju: Wʌcotzamʌ Dios y ja'n te'wʌ, porque tʌs muspatʌs que te'wʌ cowatzʌquipʌ pʌnde'.

San Juan 9:30

Aŋdzoŋu te' pʌn, y ñʌjayaju: Wiyuŋšej maya'cupyʌ tiyʌyʌ' yʌ'wʌ. Mista'm ja'nmis mustame jutʌpʌ'ʌ', y yajsʌ'ŋjayu ʌs nwitʌm.

Hechos 22:22

Yʌ'še'ŋojmotij myatoŋjayaju te' chame. Pijche'ca wejqui'mu'c nʌmyaju: Yajca'ʌ yʌ'šejpʌ pʌn, porque ja'n 'yoye wa'y ijtu najsacopajcʌsi.

Hechos 26:22

Pero como Diojsisʌj cotzoŋu hasta išo'pyʌ jama, ja'ʌs ndzaque wa'yʌs nʌtzamyaju mʌja'ŋda'mbʌ y cʌmaŋda'mbʌ. Y ja'ʌs ndzame eyapʌ tiyʌ sino que na' chamyajuše'ŋdij tza'maŋwa'oyajpapʌ's y Moisejsis que maŋbamaj tyujcu.

Hechos 7:35

Yʌ'wʌte' te' Moisés japyʌjcʌchoŋyapʌ wina, ñʌjayaju'c: ¿Iwʌ'sayʌ' ŋguiojtu wa'mij 'yaŋgui'moyu y ŋguiʌme'tzoyu? Yʌ'wʌ quiʌ'weju Diojsis wa'y 'yaŋgui'moyu y wa'y yajcotzojcoyu angelejsis quiʌ'pit te' quienupʌ apit-su'tʌ'ojmo.

Hebreos 1:1

Cʌtʌquiajupʌ aŋsʌ'ŋojmo 'yoto'ŋʌyjayaju Diojsis tʌta'm ya'acta'mbʌ ndataj te' tza'maŋwa'oyajpapʌpit. 'Yoto'ŋʌyjayaju sone naca y wi'ni eyata'mbʌ tiyʌpit.

Hebreos 1:2

Pero yʌ' ultimota'mbʌ aŋsʌ'ŋoyj oto'ŋʌytyamuwa'ndʌ Diojsis te' 'Yunepit. Y ñe'cʌpittijte'que' chʌjcu Diojsis mumutiyʌ y quiopiŋu wa'y ñe'cʌ's pyʌjcʌchoŋbʌ'u.