San Juan 9:28 - Zoque Copainalá New Testament

²⁸ Y quioraje-otoŋjayaju y nʌmyaju: Mij, ñe'mijyʌ' quiʌ'aŋmaye, pero tʌj, Moisejsistʌjyʌ' quiʌ'aŋmaye.

San Juan 9:28 ပူးပေါင်းရင်းမြစ်များ

San Mateo 27:39

Y te' tey cʌtʌquiajpapʌ's inʌc qui'tzcu'yajyaju quiopacpit y wyinʌcnʌ'mnʌ'mwʌyaju.

San Mateo 5:11

Dichoso mijta'm cuando ʌjcotoya nwyinʌcnʌ'mnʌ'mwʌytyambamij pʌ'nista'm, y nyacsnutzʌcʌtʌjtamba'cmij, y nyatzicotzamʌtʌjtamba'cmij sutzipit.

San Juan 7:19

¿Jañchi'tamʌja Moisejsis te' aŋgui'mguy? y mi'ojmota'm ya'iwʌ's ja'n quiojame te' aŋgui'mguy. ¿Tiyajca'nde' ndzʌcme'tztamba wa'misʌj nyajca'tamu?

San Juan 9:34

Ñʌjayajque'tu fariseo'sta'm te' to'tipʌ inʌc: Saŋgowatzʌquimijyʌ' mbyʌ'naju, ¿y sunbajatʌj aŋmayu mis? Y myacpujtyaju te' ñe'ta'm wyindʌjcojmoc.

Romanos 2:17

Pero mij, ñʌmbamij que njyudiomijte' y aŋgui'mguy mis nite'tzʌpya, y mʌja'ŋgomʌ'pya nwin Diojsis tyiyʌjanatiyʌcʌsi.

1 Corintios 4:12

Ngʌ'pittʌj yospa ne'cʌ. Yatzicotzamyajpatʌj y tʌs oyecotzamyajpatʌs. Yacsnutzʌquiajpatʌj y mbʌ'mgopajcʌpyatʌs.

1 Corintios 6:10

ni te' nu'myajpapʌ's, ni te' quiʌñʌñbapʌ's itʌpa'tcuy, ni te' no'tyajpapʌ's, ni te' otowewʌ'ajpapʌ's, ni te' ninu'moyajpapʌ's ja'n maŋu pyʌjcʌchoŋyaju yajtiyʌ aŋgui'mbamʌy Dios.

1 Pedro 2:23

Y wyinʌcnʌ'mnʌ'mwʌyajpa'c inʌc, ja'n inʌc 'yaŋdzowewʌ'ay. Tiyʌ'iwʌ inʌc chʌcjayajpa'c, ja'n inʌc chamna'chay ya'iwʌ sino que Diojsis inʌc quiʌ'ojmo quiotpʌ'pa, porque te' Dios wiyuŋgʌme'tzopya.