San Juan 9:22 - Zoque Copainalá New Testament

²² Yʌ'šej nʌmyaju te' tyatajta'm porque ña'chajpa inʌc te' judiota'm porque nʌmyaju'ctya'nde' que iwʌ nʌmba que Jesuste' te' Mesías, maŋba myacpujtyaju te' ñe'ta'm wyindʌjcojmoc.

San Juan 9:22 ပူးပေါင်းရင်းမြစ်များ

San Lucas 6:22

Dichoso mijta'm cuando ŋgui'nistambamij pʌ'nista'm, y cuando ja'n wyijtyay miji'ŋda'm y nwyinʌcnʌ'mnʌ'mwʌtʌjtambamij. Dichoso mijta'm yatzicomʌ'yjayajpa'c mista'm nʌy porque nwʌ'aŋjamdambamisʌj, ʌj te' Pʌ'nis 'Yune.

San Juan 1:19

Quiʌ'wejyaju te' judio'sta'm sacerdote y levitata'm Jerusale'ŋojmoc wa'y maŋu quiʌ'aŋwa'quiaju Juan: ¿Mij, iwa'mijyʌ'?

San Juan 16:2

Maŋbamij myacputʌtʌjtamu judio'sta'm wyindʌjcojmoc. Y maŋba minu aŋsʌŋ maŋba quiomʌ'yaju'c que nʌ quiʌna'tzʌyaju Dios iwʌ'smij yajca'ʌtʌjtamba.

San Juan 19:38

Arimatea'ojmopʌ José, quiʌ'aŋmayete' inʌc Jesujsisñe', pero nu'mdijpʌ porque ña'tzpa inʌc te' judiota'm. Y cʌtʌjcu'ca mumu te'šejta'mbʌ tiyʌ, yʌ'wʌ's maŋu ñʌjayu Pilato: Yajwa'cʌ'ʌj te' Jesujsis cuerpo wa'yʌs maŋu nyajwanajcu. Y Pilato's ñʌjayu: Ma yajwanacʌ. Pijche'ca minu te' José y yajwanajcu te' Jesujsis cuerpo.

San Juan 20:19

Nʌ inʌc chu'yanʌmu'c pitpʌ jamo'oyj te' winbʌ jama semana'sñe', tumʌ ijtutʌ inʌc ŋgʌ'aŋmaye-tʌwʌji'ŋda'm. Aŋgʌyutʌs te' tʌc porque nʌtʌs inʌc na'chaju judiota'm. Aŋgʌyupʌ tʌjcojmotʌj ijtu'c, tʌs ŋgucmʌ yajqueju wyin Jesujsis, y nʌjayutʌj: Yajsʌ'mnaytyamʌ ndzocoy.

San Juan 7:13

Pero ya'iwʌ's inʌc ja'n quiotzame ñe'cʌ quejuqueju'c, porque ña'tzjayajpa inʌc judio'sta'm quiowi'na.

San Juan 9:18

Pero jawyʌ'aŋjamya te' judio'sta'm juca ñe'cʌte' te' to'tipʌ inʌc, y tzocwa'a wyitʌm. Pijche'ca wyejayaju tyatajta'm te' to'tipʌ'sñe'.

San Juan 9:21

Pero ja'ndʌs musi jutzyʌ' yʌtij sʌ'ŋba'a wyitʌm. Y ja'ndʌs musi iwʌ's yajsʌ'ŋjayu. Tzamupa'ʌ', cʌ'aŋwa'ctamʌ ñe'cʌ. Ñe'cʌ's yajtzamʌ.

San Juan 9:34

Ñʌjayajque'tu fariseo'sta'm te' to'tipʌ inʌc: Saŋgowatzʌquimijyʌ' mbyʌ'naju, ¿y sunbajatʌj aŋmayu mis? Y myacpujtyaju te' ñe'ta'm wyindʌjcojmoc.

San Juan 9:35

Myujsu Jesujsis que myacpujtyajwa'a, y pya'tque'tu'ca ñʌjayu: ¿Nwʌ'aŋjambaja te' Diojsis 'Yune?

Hechos 4:18

Y wyejyatʌju y ñʌjayatʌju que nijutz u'ya 'yoto'ŋʌyaju ni 'yaŋmayaju ya'iwʌ Jesujsis ñʌquiʌsi.

Hechos 5:13

Y ya'iwʌ te' eyata'mbʌ pʌ'nojmoc ja'ijtya pyaquitzoco'yajcuy wa'y tyumʌtzʌquiaju ñe'cʌji'ŋda'm. Pero jene wyʌcotzamyatʌjpa inʌc te' cumgupyʌ'nis.

Hechos 5:40

Myato'ŋoyjayaju Gamaliel, y wyejyatʌju te' cʌ'wejta'm. Y ñacstochʌquiatʌju'ca ñʌjayatʌju: U'ya tzamjaytyame ya'iwʌ Jesujsis ñʌy. Y chʌcʌpʌ'yatʌju.

El Apocalipsis 21:8

Pero te' mochcʌtʌŋyajpapʌ y te' ja'n wyʌ'aŋja'moyapyʌ, y te' mʌjša'ŋda'mbʌ pʌn, y te' yajca'oyajpapʌ, y te' ispʌquitzʌquiajpapʌ, y te' brujota'mbʌ, y te' quiʌna'tzʌyajpapʌ's comichʌqui y jujche'ŋ sujchajpapʌ, mumu maŋba quiojtyatʌju jucʌtʌcpʌ laguna'ojmo azufre's nʌ ñʌnemupʌ. Te'wʌte' te' myetzo'mopʌ ca'aŋ.