San Juan 9:16 - Zoque Copainalá New Testament

¹⁶ Pijche'ca metza tuca'y te' fariseo nʌmyajpa inʌc: Te' cho'yʌyupʌ's ja'nde' Diojsis quiʌ'weju porque ja'n quiojame sábado. Eyata'mbʌ nʌmyajpa inʌc: ¿Jutza' jeque muspa chʌjcu yʌ'šejta'mbʌ isaŋwʌ'ajcuy cowatzʌquipʌ pʌ'nis? Y quipotoŋgʌ'yaju ñe'co'mo.

San Juan 9:16 ပူးပေါင်းရင်းမြစ်များ

San Mateo 12:10

Y tey inʌc ijtu tumʌ pʌn tʌtzpʌ's inʌc quiʌ'. Y wa'ytyij pya'tyaju tiyʌcʌsi ñiwa'cʌyajpa, minu quiʌ'aŋwa'quiaju Jesús te' fariseo'sta'm: ¿Yajwinducpasʌ'ŋ aŋgui'mgu'yis uytyʌ ndzo'yʌ'oyu sabado-jamo'oyj?

San Mateo 12:2

Y queñajutʌj te' fariseo'sta'm, y ñʌjayaju Jesús: Quena, mis ŋgʌ'aŋmaye'sta'm nʌ chʌquiaju te' yajwinducpapʌ tiyʌ te' aŋgui'mgu'yis uytyʌ ndzʌjcupʌ sabado-jamo'oyj.

San Lucas 13:14

Pero qui'šca'u te' judio'sta'm wyindʌc-cowi'na porque tzo'yʌ'oyu Jesús sabado-jamo'oyj, y ñʌjayu te' wʌwʌ pʌn: Tujta'y jamatijte' pyʌcpa wa'ytyʌ nyojsu. Mindamʌ jeque pitpʌ jamo'oyjtya'm wa'mij ñcho'yʌtʌjtamu y ja'n sabado-jamo'oyj.

San Juan 10:19

Pijche'ca quipotoŋgʌ'yajque'tu ñe'co'mo judiota'm myatoŋyaju'ca yʌ'šejta'mbʌ tzame.

San Juan 14:11

Wʌ'aŋjamdamʌ'ʌj que ʌj Ndata's choco'yojmo'ʌj ijtu, y ʌsne' ndzoco'yojmo ijtu ʌs Ndataj. Juca ja'nmis suni nwʌ'aŋjamjaytyamu ʌs ndzame, wʌ'aŋjamdamʌ'ʌj nʌ'ʌs ndzʌquiajupʌ tiyʌpit.

San Juan 15:24

Juca inʌjcʌs jañchʌcʌ maya'aŋda'mbʌ isaŋwʌ'ajcuy ñe'co'mota'm ya'iwʌ'smaj jachʌctʌ'ʌpʌ, ja'ndiyʌta'm inʌc quiowa. Pero te'šejta'mbʌ tiyʌpit queñajwa'mʌj ʌj y quienjayajque'tu ʌs Ndataj y qui'nišajpatʌj mejtzji'ŋ.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 3:2

Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 5:10

Te'cotoya ñʌjayaju te' tzojcupʌ pʌn te' judio'sta'm: Sabado-jamayʌ' išo'oyj y yajwinducpa aŋgui'mgu'yis wa'mis nʌmaŋu ŋgape-ʌŋguy.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

San Juan 6:52

Pijche'ca quipotoŋgʌ'yaju judiota'm, y nʌmyajpa inʌc: ¿Jutza'ndʌ muspa tzi'u yʌ' pʌ'nis ñe' cuerpo jujcha' cu'tcupyʌ tiyʌ wa'ytyʌ ŋgʌ'sjaytyamu šis.

San Juan 7:12

Y cʌ'ŋʌ'pa inʌc chamyajpa ñe'cʌ wʌwʌ pʌ'nis. Wene pʌn inʌc nʌmyajpa: Oyepʌ pʌnde'. Y wene pʌn nʌmyajpa inʌc: Ja'ne, aŋgoma'cʌ'opyapʌte'.

San Juan 7:23

Uy myaŋgocʌtʌcjayaju'ŋmʌjcʌ te' Moisejsis 'yaŋgui'mguy circuncidatzʌquiajpa inʌc sabado'oyj, juca pijche'c nu'cpa te' jama. ¿Tiyajca' ʌj ŋgui'šca'jaytyamba porque nyajtzojcoctujcu'ʌs ca'ewʌ pʌn sabado-jamo'oyj?

San Juan 7:43

Quipcuy chʌquia'yaju ñe'co'mo te' Jesús.

San Juan 9:24

Pijche'ca wyejwʌtzʌquiaju te' pʌn to'tipʌ inʌc y ñʌjayaju: Wʌcotzamʌ Dios y ja'n te'wʌ, porque tʌs muspatʌs que te'wʌ cowatzʌquipʌ pʌnde'.

Hechos 14:4

Pero we'ñaju te' cumgupyʌn, wene pʌ'nis quiʌ'maŋyaju judiota'm, y wene pʌ'nis quiʌ'maŋyaju cʌ'wejta'm.