San Juan 8:58 - Zoque Copainalá New Testament

⁵⁸ Y ñʌjayaju Jesujsis: Wiyuŋše'ʌsmij nwiyuŋdzamjaytyamba: Ja'ndiyʌ'cmaj Abrahán, ʌj ijtu'ctya'mʌjte'.

San Juan 8:58 ပူးပေါင်းရင်းမြစ်များ

San Juan 10:25

'Yaŋdzoŋyaju Jesujsis: Ndzamjaytyamwa'mʌsmij y ja'nmis nwʌ'aŋjamdame. Te' ʌs ndzʌcpapʌ tiyʌ ʌs Ndata's ñʌquiʌsi, te'wʌ's yajquejpa iwʌ'ʌjyʌ'.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 17:5

Yʌtij jeque, Tatay, yajqueña pʌnda'm tʌ mejtzji'ŋgʌ'pyʌ mʌja'ŋajcuy. Te' mʌja'ŋajcuy nʌ'ijtupʌ'ʌs inʌc miji'ŋ tzajpojmo, maŋba'cmaj tyujcu yʌ' najsacopac.

San Juan 8:24

Te'cotoya'ʌsmijte' nʌjaytyamu que cowatzʌquimij maŋba ŋguia'tamu. Juca ja'nmisʌj nwʌ'aŋjamdame que ʌjte' te' ndzamuše'amʌs, cowatzʌquimij maŋba ŋguia'tamu.

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

San Juan 8:34

Jesujsis 'yaŋdzoŋyaju: Wiyuŋše'ʌsmij nwiyuŋdzamjaytyamba que iwʌ cowapa'tjojcʌtʌcpa, cowa'ste' quioyosa.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

Colosenses 1:17

Y ñe'cʌ ijtu antesquemaj tucpa mumutiyʌ y ñe'cʌpit mumutiyʌ itjojcʌtʌcpa.

Hebreos 13:8

Cʌtʌquiajupʌ aŋsʌ'ŋojmo y te' yʌtijpʌ y te' minbapʌ y maŋbapʌ aŋsʌ'ŋojmota'm Jesucristo ja'n quiacpʌ'i.

El Apocalipsis 1:11

Nʌ inʌc ñʌmu: Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Ja'yʌ librocʌsi nʌmis ŋguenupʌ tiyʌ y cʌ'weya Asia-najsojmo ijtyajumʌy cu'ya'ytya'mbʌ Diojsis tyu'mʌquiuy, te' Efeso'ojmo, te' Esmirna'ojmo, te' Pergamo'ojmo, te' Tiatira'ojmo, te' Sardisojmo, te' Filadelfia'ojmo y te' Laodicea'ojmo.

El Apocalipsis 1:8

Nʌmba tʌ Ngomi Dios: Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y ʌjte' te' ijtupʌytya' inʌc y yʌtij tzajpojmo'ʌj ijtu, y jʌsa'ca maŋba'ʌj minwʌtzʌjque'tu najsacopajcʌsi. Y ʌste' ndzʌcpa mumutiyʌ.

El Apocalipsis 2:8

Ʌj Juan, nʌjaquie'tu'ʌj Cristo's: Jayjaquie'ta te' nʌ quioquenupʌ's Esmirna-tu'mʌquiuy. Tzamja te' coque'noye y te' tu'mʌquiuy que ʌjte' te' winapʌ y te' ultimopʌ, te' ca'upʌ y te' winsa'upʌ,