San Juan 8:55 - Zoque Copainalá New Testament

⁵⁵ Pero ñe'cʌ ja'nmis ispʌctame, pero ʌs ispʌcpʌ'ʌs. Juca nʌmba'ʌj que ja'nʌs ispʌqui sutzpa inʌjcʌj jujcha' mij šutztamba. Pero ʌs ispʌcpa'ʌs y ŋgojamjapya'ʌs ñe' chame.

San Juan 8:55 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 10:15

jujcha' ʌs Ndata'sʌj ispʌcpa, y ʌs ispʌcpa'ʌs ʌs Ndataj. Y ndzi'oquia'pa'ʌs ne' nwin ñchowambecotoyata'm, y te'wʌ pʌnda'mde'.

San Juan 15:10

Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 15:21

Pero mumu yʌ'šejta'mbʌ tiyʌ maŋbamij ñchʌcjatʌjtamu porque ŋgowʌ'aŋjamjaytyambamis ʌs nʌy, porque ñe'cʌ'sta'm ja'n ispʌquiay te' cʌ'wejupʌ'sʌj.

San Juan 16:3

Y yʌ'šejta'mbʌ tiyʌ maŋba chʌquiaju porque ja'nʌj ispʌquiay ʌj ni ʌs Ndata Dios.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 6:46

Ja'nde' suni ñʌmu juca iwʌjutiwʌ's quienu Dios. Ʌstijte' ŋguenu porque ñe'cʌ ijtumʌ'yʌj tzu'cumu.

San Juan 8:19

Ñe'cʌ'sta'm quiʌ'aŋwa'quiaju: ¿Juta' jeque ijtu mis Ndataj? Aŋdzoŋu Jesús: Ja'nmisʌj ispʌctame ʌj ni ʌs Ndataj. Juca inʌc misʌj ispʌctamba ʌj, ispʌcjaytyambamis inʌc ʌs Ndataj.

San Juan 8:29

Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

San Juan 8:52

Pijche'ca ñʌjayaju judio's: Yʌytyʌs ŋgʌnʌctʌ'pya que ñʌc'ijtʌyumij yatzi-espiritu's. Con que Abrahán ca'u, y ca'yajque'tu tza'maŋwa'oyajpapʌ, y mij ñʌmbamij: Iwʌ's quiojamjapya ʌs ndzame ja'n maŋu quia'u mumu jamacotoya.

Hechos 17:23

Porque nʌ'cʌj ŋgʌtʌjcu'c mista'm ŋgʌna'tzʌ'oquiuy-tyʌjcaŋi, ŋguenu'ʌs ijtu inʌc sanduj-mesacʌsi yʌ'šej ja'yʌyumʌy: TE' JA'NDɅS ISPɅQUIPɅ DIOS. Te' mis ŋgʌna'tzʌytyambapʌ pero ja'n ispʌctamdʌ'ʌpʌmaj, te'wʌ'ʌsmijte' nʌ ndzamgopuŋjaytyamu.

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

1 Juan 1:6

Juca nʌmdambatʌ que tumʌquipstambatʌ Diosji'ŋ, y witpatʌ tocoquiu'yojmo, nʌtʌte' ŋga'ŋdzactamu, te' wiyuŋbʌ tiyʌ y sutztambatʌ.

1 Juan 2:22

Jujche'ŋ iwʌ's ja'n pyʌjcʌchowe que Jesuste' te' Cristo te' Diojsis quiopiwi, yʌ'wʌte' te' sutzpapʌ. Y jujche'ŋ iwʌ's ja'n pyʌjcʌchowe que te' Dios, Cristo's te' Tyataj, y te' Cristo que Diojsis te' 'Yune, yʌ'wʌte' te' qui'nispapʌ's Cristo.

1 Juan 2:4

Juca iwʌ nʌmba: Ʌs ispʌcpa'ʌs Dios, y ja'n quiojamjay ñe' 'yaŋgui'mguy, sutzpapʌte' y Diojsis chame ja'ndiyʌmaj ñe' choco'yojmo.

1 Juan 5:10

Iwʌ's wyʌ'aŋjamba Jesús, te' Diojsis 'Yune, myuspa choco'yojmo que wiyuŋšej quiotestigosaju Diojsis. Iwʌ's ja'n wyʌ'aŋjame Dios, nʌ quiomʌ'yu sutzpapʌte', porque ja'n wyʌ'aŋjame te' Diojsis quiotestigosajušej te' 'Yune.

El Apocalipsis 3:9

Yʌtij jeque maŋba'ʌs nwejmiñaju te' tu'mʌyajpapʌ wa'y chʌcjayaju Satanajsis šu'noquiuy. Yʌ'ta'mbʌ nʌmyajpa que judio-pʌnda'mde', y ja'nde' pitta'm, sujchajpapʌte'. Te'ta'mbʌ jeque, maŋba'ʌs nwejmiñaju wa'y minu quiʌna'tzʌ'oyaju mis nwi'naŋdʌjqui wa'y myujšaju que jene sunu'ʌsmij mij, ʌs ndu'mʌquiuy.