San Juan 8:44 - Zoque Copainalá New Testament

⁴⁴ Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

San Juan 8:44 ပူးပေါင်းရင်းမြစ်များ

San Mateo 12:34

Njyoco'istotzanšejta'm mij. ¿Jutza'mis muspa ndzamdamu oyeta'mbʌ tiyʌ juca yatzitzocoytya'm mij? Porque tiyʌtʌ ŋguipspa ndzoco'yojmo, te'wʌ tʌ ndzamba aŋnacapit.

San Mateo 13:15

Porque jene nuyu'ajyajwa'a yʌ' pʌ'nista'm chocoy. Y 'yʌwyo'mošej myatoŋyajpa quiowipit, Y itzaŋga'myaju wyitʌm Wa'ytyij jana quieñaju wyitʌmbit, Y uy myatoŋyaju quiowipit, Y uy ñʌctʌ'yaju choco'yojmo, Wa'yʌj cʌwitu'ʌyaju ʌj Wa'yʌs nyajcotzoquiaju.

San Mateo 13:38

Y te' yojsaŋ, najsacopacte'. Y te' oyeta'mbʌ tʌmbu, te' Diojsis te' 'yuneta'm. Y te' yatzi-pa'aj, te' yatziwʌ'ste' 'yuneta'm.

San Juan 6:70

Y aŋdzoŋutʌj Jesujsis: Mijta'm te' macwʌstʌjca'ytya'mbʌ, ʌsmijte' ŋgopiŋdamupʌ. Pero mi'ojmota'm ijtu tumʌ ñʌc'ijtʌyupʌ yatziwʌ's.

San Juan 7:17

Iwʌ's sunba chʌjcu šunbašej Diojsis, maŋba ñʌctʌ'yjayu ʌs aŋma'yoquiuy juca Diojsiste'ñe' o juca ʌste'ne' ŋgo'quips ndzamba.

San Juan 8:38

Ndzamba'ʌs tiyʌ'ʌs ŋguenu ʌs Ndata's wyi'naŋdʌjqui. Y mista'm ndzʌctambamis tiyʌmis matoŋdamu mista'm ndata's wyi'naŋdʌjqui.

San Juan 8:41

Mis ndzʌctambamis chʌcpašej inʌc mista'm ndata's. Pijche'ca ñʌjayaju Jesús: Tʌj, ja'ndʌjyʌ' ispʌqui-une. Tumʌtij ijtu tʌs Ndataj, te'wʌte' te' Dios.

San Juan 8:55

Pero ñe'cʌ ja'nmis ispʌctame, pero ʌs ispʌcpʌ'ʌs. Juca nʌmba'ʌj que ja'nʌs ispʌqui sutzpa inʌjcʌj jujcha' mij šutztamba. Pero ʌs ispʌcpa'ʌs y ŋgojamjapya'ʌs ñe' chame.

Hechos 13:10

y ñʌjayu: Mij jʌ'ʌ, njyo'ʌyupʌmijyʌ' aŋgoma'cʌ'oquiu'yis y yacha'cu'yis, diablo'smijyʌ' ñʌc'ijtʌyupʌ, ŋgui'nispamis mumu justota'mbʌ tiyʌ. ¿Ja'nsʌ'ŋmis ndzaque wa'mis nyajto'yjayu tʌ Ngomi's wiyuŋda'mbʌ Tyuŋ?

Hechos 24:9

Te'šejtij aŋdzoŋyajque'tu te' judiota'm, y nʌmyaju: Wiyuŋšej te'šejte' nʌ chʌjcu.

Hechos 5:3

Pero ñʌjayu Pedro's: Ananías, ¿tiyajca'nde' jyo'ʌyjayu Satanajsis mis ndzocoy wa'mis sutzjayu Espíritu Santo, y wa'mis nyajtzʌ'yu wene te' tumin ma'ʌyuše'ŋgʌsimis te' nas?

2 Corintios 11:3

Pero na'tzpa'ʌj uytya'mis ndzactamu mis oyepʌ wʌ'aŋja'moquiuy Cristocʌsi, y umij maŋu 'yaŋgoma'cʌyu mijta'm ya'iwʌ's jujcha' 'yaŋgoma'cʌyu Eva te' serpiente's te' myañapit.

1 Pedro 5:8

Coquendamʌ nwin y coquendamʌ cuenta mumutiyʌcʌsi porque te' yatziwʌ, te' diablo, cʌ'soytyo'yupʌ caŋšej ji'aju'c witpa yʌmʌc teymʌc wa'y pya'tu iwʌ wa'y yajtocoyaju.

2 Pedro 2:4

Porque Diojsis jayajcotocoya te' yatzi angelesta'm cowapa'tyajupʌ, sino que tyʌŋdzi'po'tyaju tzajpojmoc wa'y myaŋyaju infierno'ojmo. Y teymʌ ijtyaju presošej te' pi'tza'ŋajcu'yojmo hasta que nu'cpa te' cʌme'tzoquiuy-jyama.

1 Juan 1:8

Juca nʌmdambatʌ que ja'ndiyʌ tʌ ŋgowa, aŋgoma'cʌpyatʌ ne' nwin y ja'ndiyʌ wiyuŋbʌ tiyʌ tʌ ndzoco'yojmo.

1 Juan 2:21

Nʌ'ʌsmij njayjaytyamu ja'nde' porque ja'nmis mustame wiyuŋbʌ tiyʌ, sino porque mustamba'mis. Porque sutzi ñʌtu'ŋajyajpapʌ's ja'n wyiyuŋdzamyay.

1 Juan 2:4

Juca iwʌ nʌmba: Ʌs ispʌcpa'ʌs Dios, y ja'n quiojamjay ñe' 'yaŋgui'mguy, sutzpapʌte' y Diojsis chame ja'ndiyʌmaj ñe' choco'yojmo.

1 Juan 3:12

Uytyʌ ndzʌctamu Cai'ŋis chʌjcušej. Satanajsiste' inʌc ñe', y yajca'u te' pyotzo. ¿Y tiyʌcotoyasʌ'ŋde' yajca'u? Porque te' ñe' chʌqui yatzita'mbʌte' inʌc, y te' pyotzo's chʌqui wʌta'mbʌte' inʌc.

1 Juan 3:15

Jujche'ŋ qui'nišajpapʌ's 'yatzi, yajca'opyapʌte'. Y mustambamis que te' yajca'opyawʌ's jañʌ'itʌ ñe' choco'yojmo te' ja'n yayepʌ quenguy.

Judas 1:6

Y ijtu angelesta'm jaquioqueñapʌ's ñe'ta'm wyi'nis myʌja'ŋajcuy Diojsis chi'yajupʌ y te'cotoya chaquiaju te' tzajpojmopʌ itcuy. Yʌ' jamyato'ŋoyapʌ angelesta'm Diojsis chaquiatʌju presošej te' pi'tza'ŋajcu'yojmo hasta que nu'cpa te' mʌja'ŋbʌ cʌme'tzoquiuy-jyama.

El Apocalipsis 12:9

Y tyʌŋdzi'po'tyaju tzajpojmoc te' maya'aŋbʌ dragón, te' ya'acpʌ tzan, ñʌjayajpapʌ diablo y Satanás, te' 'yaŋgoma'cʌ'pyapʌ's mumu najsacopac-pʌn. Tyʌŋdzi'po'tyaju jeque ñe'cʌ y te' 'yangelesta'm najsacopajcʌsi.

El Apocalipsis 13:14

Y 'yaŋgoma'cʌ'pya najsacopac-iti te' chi'yajupʌ señalpit wa'y chʌjcu te' winbʌ copʌ'nis wyi'naŋdʌjqui. Y 'yaŋgui'mba najsacopac-iti wa'y chʌcjayaju quiendʌwʌ te' winbʌ copʌ'nisñe', te' ijtupʌ's espada-jete, y jaquia'ʌ.

El Apocalipsis 2:10

Pero uy na'tztame te' maŋbamis ŋguendamupʌ toya. Yʌtij jeque te' diablo's maŋba yajsomatʌju iwʌjutiwʌ mi'ojmota'mbʌ wa'mij ñchʌjquisatʌjtamu toyapʌjcu'yojmo. Y majca'y jamamij maŋba nyacsnutzʌcʌtʌjtamu. Paquic ittamʌ nwʌ'aŋjamgu'yojmo hasta que ŋguia'tambamij, y ʌsmij maŋba ndzi'tamu jujcha' corona te' iscuy-quenguy wa'yʌsmij nyajmʌja'ŋajtamu.

El Apocalipsis 21:8

Pero te' mochcʌtʌŋyajpapʌ y te' ja'n wyʌ'aŋja'moyapyʌ, y te' mʌjša'ŋda'mbʌ pʌn, y te' yajca'oyajpapʌ, y te' ispʌquitzʌquiajpapʌ, y te' brujota'mbʌ, y te' quiʌna'tzʌyajpapʌ's comichʌqui y jujche'ŋ sujchajpapʌ, mumu maŋba quiojtyatʌju jucʌtʌcpʌ laguna'ojmo azufre's nʌ ñʌnemupʌ. Te'wʌte' te' myetzo'mopʌ ca'aŋ.

El Apocalipsis 22:15

Pero ja'n maŋu tyʌjcʌyaju tey te' ja'n wyʌ'aŋja'moyapyʌ, ni te' brujota'mbʌ, ni te' ispʌquitzʌquiajpapʌ, ni te' yajca'oyajpapʌ, ni te' quiʌna'tzʌyajpapʌ's comichʌqui, ni te' quiʌñʌñajpapʌ's wa'y yajyojšaju sutzi.

El Apocalipsis 9:11

Te' jʌŋgʌ's yatzipʌ 'yangeles reyšej inʌc ñʌ'ijtyaju te' awu'sta'm. Y te'wʌ's ñʌy judio-otowe'ojmoc, Abadoŋde', y griego-otowe'ojmoc, Apolioŋde', sunbate' ñʌmu jyascotzopapʌ's pʌn wa'y yajyaju.