San Juan 8:34 - Zoque Copainalá New Testament

³⁴ Jesujsis 'yaŋdzoŋyaju: Wiyuŋše'ʌsmij nwiyuŋdzamjaytyamba que iwʌ cowapa'tjojcʌtʌcpa, cowa'ste' quioyosa.

San Juan 8:34 ပူးပေါင်းရင်းမြစ်များ

San Mateo 5:18

Porque wiyuŋše'ʌsmij ndzamjaytyamba, hasta que yajpa te' tzap y te' nas, ni tumʌc letra ni tumʌc paya'e ja'n maŋu yaju te' aŋgui'mgu'yisñe', hasta que tucpa mumutiyʌ.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

Hechos 8:23

Porque nʌ'ʌs ŋguenu que tzusniwišejmij ñdyacay, y šomumij nyacha'cu'yis.

Romanos 6:12

U'ya tzi'i lugar wa'y 'yaŋgui'mjayu te' cowa's mis ca'papʌ ŋgüerpo, ni uy mato'ŋoyjay misne' ja'n 'yoyepʌ su'noquiuy.

Romanos 6:16

¿Ja'nja mustame que iwʌcʌsimis ndzi'oquia'tamba nwin coyosašej wa'mis mato'ŋoyjaytyamu, te'wʌ'smijte' ŋguioyosata'm iwʌmis mato'ŋoyjaytyamba? Juca ŋguiowapa'tjojcʌtʌcpamij, maŋbamij ŋguia'u. Pero juca mato'ŋoyjojcʌtʌcjapyamis Dios, maŋbamij ñchi'tamu justicia ñe'cʌ's.

Romanos 6:6

Y muspatʌ que tʌta'm pecapʌ nwin tumʌma'mwa'a cruzcʌsi Cristoji'ŋ wa'y yaju tʌ nyatzitzoco'yajcuy, u'yandʌ aŋgui'mdamu cowa's.

Romanos 7:14

Muspatʌ que te' Espiritu'ste' quiojtu te' aŋgui'mguy, pero ʌj, ne' nwi'nis šu'noquiu'yʌs ŋgʌñʌñjapya. Quioyosaše'ʌj aŋgui'mba cowa's.

Romanos 7:25

Nʌjapya'ʌs Dios yʌscotoya tʌta'm Ngomi Jesucristopit, ñe'cʌ'sʌj yajquipcoschi'pa. Te'cotoya yʌtij nʌctʌ'yoquiupyit mato'ŋoyjapya'ʌs Diojsis 'yaŋgui'mguy, pero ʌs pecapʌ ŋgüerpopit mato'ŋoyjapya'ʌs tiyʌ šunba te' cowa's.

Romanos 8:21

Porque Diojsis maŋba ñʌpujtu tocoquiu'yojmoc tiyʌta'm chʌjcu, uy tyocoyaju sino que maŋba jyomecotzʌjcu wa'y oma'ojmo ijtyaju Diojsis 'yuneji'ŋda'm.

Efesios 2:2

Y wina ŋguiowapa'ttambamij inʌc cowapa'tyajpašej ja'n wyʌ'aŋja'moyapyʌ. Y ndzʌcjaytyambamis inʌc te' diablo's 'yaŋgui'mguy. Y te' diablo jeque yatzipʌ cowi'na-espiritute' y 'yaŋgui'mba mumu pʌmi'ʌyajupʌ yatzi-espiritu sawo'mo ijtyajpapʌ, y te'šejtijque' 'yaŋgui'mba te' pʌnda'm ja'n myato'ŋoyjayapyʌ's Dios.

Tito 3:3

Porque tʌta'm wina te'šejtijtʌ inʌc jowi'ittaŋgue'tpa nuyu'ajcu'yojmo, y tocoquiu'yojmo. Nʌtu'ŋajtambatʌ inʌc tʌta'm ndzoco'yis yatzi su'noquiuy, y tiyʌta'm inʌc šunba tʌta'm ŋgüerpo's. Yatzitzoco'yajcuy y ñi'aŋsu'noquiuytyʌ inʌc nʌtu'ŋajtamba. Ngui'nišajpatʌ inʌc eyata'mbʌ, y ñe'cʌ'stʌ inʌc qui'nišajque'tpa.

2 Pedro 2:19

Yʌ' sujchajpapʌ pʌ'nista'm chamdzi'oquiu'yajyajpa libre'ajcuy, nʌmyajpa uytyʌ ya'iwʌ's aŋgui'mdamu. Pero ni ñe'cʌ ja'n lyibreta'm, porque aŋgui'mbapʌ pʌnšej te'šej myato'ŋoyjayajpa ñe'ta'm quiowa. Mozošejta'mde' wa'y myato'ŋoyjayaju ñe' wyi'nis yatzi šu'noquiuy. Porque wiyuŋšej juca te' cowatʌ ŋgomišej mato'ŋoyjapya, te'wʌ'sandʌte' ñe' myozo porque te' cowatʌ ŋgo'ŋjojcʌtʌcpa.