San Juan 8:32 - Zoque Copainalá New Testament

³² Y maŋbamis mustamu wiyuŋbʌ tiyʌ, y te' wiyuŋbʌ tiyʌ'smij maŋba ŋguiotzoctamu.

San Juan 8:32 ပူးပေါင်းရင်းမြစ်များ

San Mateo 11:29

Cotjaytyamʌ ʌs nyugo mista'm ʌjsʌcʌsi, y aŋmaytyamʌ ʌjcʌsi que ʌj, yo'catzoco'yʌj. Y te'šejmij maŋba šapʌctamu ndzoco'yojmo.

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:17

Tʌjcʌyu te' aŋgui'mguy Moisespit. Pero Jesucristopitte' tʌjcʌyu te' yajya'moquiuy y te' wiyuŋbʌ tiyʌ.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 16:13

Pero minba'ca te' wiyuŋdzambapʌ Espíritu, ñe'cʌ'smij maŋba yajnʌctʌ'ytyamu mumu te' wiyuŋbʌ tiyʌ. Ja'n maŋu chamu te' ñe' quio'quips, sino que maŋba chamu jujche'ŋ tiyʌta'm yajmuspa Diojsis, y maŋbamij cha'maŋwajaytyamu maŋbamaj tyuquiajupʌ tiyʌ.

San Juan 17:17

Yajmasa'najojcʌtʌquia mis nwiyuŋbʌ tiyʌpit. Te' wiyuŋbʌ tiyʌ, miste'ne' ndzame.

San Juan 6:45

Yʌ'šej jya'yʌyaju tza'maŋwa'oyajpapʌ's: Diojsis maŋba 'yaŋmayaju mumu pʌn. Te'cotoya mumu iwʌ's quiʌmato'ŋʌpya tʌ Ndata Dios y aŋmapya, cʌ'minba'ʌj.

San Juan 7:17

Iwʌ's sunba chʌjcu šunbašej Diojsis, maŋba ñʌctʌ'yjayu ʌs aŋma'yoquiuy juca Diojsiste'ñe' o juca ʌste'ne' ŋgo'quips ndzamba.

San Juan 8:36

Te'šej jeque ʌjte' te' Une, y juca nyajcotzoctamba'ʌsmij, wiyuŋšej ŋguiotzoctambamij.

Romanos 6:22

Pero yʌtij ŋguiotzoctamumij te' cowa'ojmoc, y quioyosašejmij ñʌ'ittamba Diojsis. Nʌwʌ'ajtamumis porque te'wʌ'smij nyajmasa'najtamba, y ñe'cʌpit mba'ttambamis ja'n yayepʌ quenguy.

Romanos 8:15

Porque ja'nmij coyosašej ñʌ'ittamu wa'mij ña'tztamumaj, sino que mbyʌjcʌchowatʌjtamumij 'yunešej. Te'cotoya wejwindzoŋbatʌ, y nʌmbatʌ: Abba, Tatay.

Romanos 8:2

Porque te' Espíritu, te' aŋgui'mbapʌ'stʌ, te'wʌ'stʌ tzi'pa iscuy-quenguy Cristo Jesuspit. Te'wʌ's pyʌmi'sʌj yajcotzi'tu u'ya'mʌj aŋgui'mu cowa's wa'yʌj yajca'u.

1 Corintios 7:22

Porque iwʌ coyosa ijtu'c cuando tʌ Ngomi's wyeju, te'wʌ's quiʌpa'tpa libre'ajcuy tʌ Ngomipit. Te'šejtijque' iwʌ libre'ajcu'yojmo ijtu'c cuando tʌ Ngomi's wyeju, te'wʌ Cristo's te' quioyosa.

Gálatas 5:1

Cristo'stʌ tzʌcʌpʌ'tamu u'yandʌ ndzʌ'ytyamu coyospawʌšej. Paquic ittamʌ tzʌcʌpʌ'uwʌšej, y u'yamis presošej ŋgotwʌtzʌctamu nwin aŋgui'mguquiʌ'mʌ.

Gálatas 5:13

Porque mijta'm, atzita'm, ñchʌcʌpʌ'tamumij y nwyejtamumij Diojsis, pero jañchʌcʌpʌ'tamʌmij wa'mis ndzʌctamu mis yatzipʌ nwi'nis šunbašej. Pero našunʌtʌjtamʌ y naquiotzowatʌjtamʌ ne'co'mo.

2 Timoteo 3:7

Y te'ta'mbʌ's mumu jutzpʌ aŋma'yoquiuy quiʌmato'ŋʌyajpa, pero nijujche'c ja'n ñʌctʌ'yay te' wiyuŋbʌ tiyʌ.

Santiago 1:25

Te' Diojsis chame cota'nupʌ tiyʌte' y Diojsistʌ pu'pʌ'tamba wa'ytyʌ mato'ŋoyu ñe'cʌ's chambašej. Te'cotoya iwʌ's quioquenba cuenta y ja'n jyambʌ'i te' myatoŋupʌ tiyʌ sino que chʌcjojcʌtʌcpa myatoŋušej, te'wʌ maŋba dichoso'aju myato'ŋoquiu'yojmo.

Santiago 2:12

Diojsistʌ pu'pʌ'tamu wa'ytyʌ mato'ŋoyjayu ñe' chame. Te'cotoya como mustambamis que Diojsistʌ maŋba cʌme'tztamu tʌ mato'ŋoquiupyit, coquendamʌ cuenta jutzmij ñchamdzamnaytyamba y jutzmij ñdyu'ŋajtamba.

1 Pedro 2:16

Diojsismij nyajlibre'ajtamu pero ja'n wa'mis ndza'maŋjamdamu mista'm libre'ajcuy wa'mis ndzʌctamu yacha'cuy. Pero Diojsismij nyajlibre'ajtamu wa'mis nyosjaytyamu tʌ Ngomi.

2 Juan 1:1

Ʌjte' te' anciano-cowi'na. Yomoy, Diojsismij ŋguiopiŋu. Nʌ'ʌsmij njayjayu mij y mis uneta'm. Jene sunba'ʌsmij porque mbʌjcʌchoŋumis te' wiyuŋšejpʌ wʌ'aŋja'moquiuy. Y ja'nʌsmijte' ʌstij suni, te'šejtijmij šuñajque'tpa mumu jujche'ŋ nʌ wyʌ'aŋjamyajupʌ's wiyuŋbʌ tiyʌ.