San Juan 8:31 - Zoque Copainalá New Testament

³¹ Y te' judiota'm, wyʌ'aŋjamyajupʌ's, ñʌjayaju Jesujsis: Mijta'm, juca myato'ŋoytyambamij ndzamjaytyamuše'ʌsmij, wiyuŋšejpʌ ʌs ŋgʌ'aŋmaye mijta'mde?

San Juan 8:31 ပူးပေါင်းရင်းမြစ်များ

San Mateo 24:13

Pero iwʌ'sʌj co'ŋjojcʌtʌcpa hasta que ca'pa, yʌ'wʌte' cotzocpa.

San Juan 1:47

Quienu'ctij Jesujsis que nʌ inʌc quiʌ'minu Natanae'lis, chamjayu wyʌpʌpʌ'najcuy: Quena, yʌy nʌ minu tumʌ wiyuŋšejpʌ Israel-pʌn. Yʌ'wʌ ja'n 'yaŋgoma'cʌ'oy.

San Juan 2:2

'Yaŋbʌquiajque'tu Jesús, tʌj te' quiʌ'aŋmayeji'ŋda'm te' co'tʌjcajcu'yojmo.

San Juan 6:55

Porque te' ʌs sis wiyuŋšejpʌ cu'tcuyšejpʌte', y te' ʌs nʌ'pin wiyuŋšejpʌ to'ŋguyšejpʌte'.

San Juan 8:36

Te'šej jeque ʌjte' te' Une, y juca nyajcotzoctamba'ʌsmij, wiyuŋšej ŋguiotzoctambamij.

Hechos 13:43

Y tzu'cumyaju te' tu'mʌyajupʌ, y soneta'mbʌ judio's y a'ŋʌyajupʌ wʌ'aŋja'moye's quio'ŋyaju Pablo y Bernabé. Y yʌ' metza'ŋbʌ'nis 'yoto'ŋʌyatʌju y chamnʌctʌ'yatʌju wa'y itjojcʌtʌquiaju Diojsis yajya'moquiu'yojmo.

Hechos 14:22

Maŋu pyaquitzi'jayaju chocoy te' cʌ'aŋmaye'sta'mñe', y pyʌmitzi'yaju wa'y jana chaquiaju te' wʌ'aŋja'moquiuy, y ñʌjayaju: Wa'ytyʌ ndʌjcʌyu aŋgui'mbamʌy Dios pyʌcpa wa'ytyʌ ndzʌjquisʌtʌjtamu wi'ni eyapʌ toyapʌjcu'yojmo.

Hechos 26:22

Pero como Diojsisʌj cotzoŋu hasta išo'pyʌ jama, ja'ʌs ndzaque wa'yʌs nʌtzamyaju mʌja'ŋda'mbʌ y cʌmaŋda'mbʌ. Y ja'ʌs ndzame eyapʌ tiyʌ sino que na' chamyajuše'ŋdij tza'maŋwa'oyajpapʌ's y Moisejsis que maŋbamaj tyujcu.

Romanos 11:22

Quenja jeque Diojsis 'yoye'ajcuy y te' ño'ti'ajcuy. Wiyuŋšej te' tzatzpʌ'yajupʌcotoya te' ño'ti'ajcuy, pero mijcotoya te' 'yoye'ajcuy, juca ñe' 'yoye'ajcuy mis ŋgo'ŋjojcʌtʌcjapya. Y juca ja'n te'šej, yajtimij maŋbamij nyajʌcʌ'que'tu.

Romanos 2:7

Ñe'cʌ's maŋba chi'yaju ja'n yayepʌ quenguy iwʌ'sta'mis chʌcjojcʌtʌcpa oyeta'mbʌ tzʌqui, y te'wʌpit mye'chajpa wa'y pyʌjcʌchoŋyaju ñe' pyarte Diojsis myʌja'ŋajcu'yojmo, wyʌcotzamgu'yojmo y quienjojcʌtʌjcu'yojmo.

Colosenses 1:23

Yʌ'šejmij jeque muspa ittamu juca wiyuŋšej paqui mij ittamu te' Cristocʌsipʌ wʌ'aŋja'moquiu'yojmo, y juca nʌmis njo'cjojcʌtʌctamu te' chambapʌ tiyʌ te' evangelio's, te' matoŋušejmis wina. Y yʌ' evangelio nʌ quiopuŋu mumu naswindumʌpʌ pʌ'nojmo. Y ʌj Pablo, Diojsisʌjyʌ' cʌ'weju wa'yʌs ndzamgopuŋu yʌ' evangelio.

1 Timoteo 2:15

Pero juca te' yomota'm wʌ'aŋja'moyjojcʌtʌquiajpa, y su'noyajpa y masa'najyajpa sa'sa'pʌ itcu'yojmo, Diojsis maŋba yajcotzoquiaju ya'ijtyajpa'c 'yune.

1 Timoteo 4:16

Coquena cuenta ne' nwin y te' aŋma'yoquiuy, y uy ca'ŋdzaque te'šejta'mbʌ tiyʌ. Juca yʌ'šej mis ndzʌcpa, nyajcotzocpamis ne' nwin y iwʌ'sta'mismij ŋguiʌmato'ŋʌyajpa.

2 Timoteo 3:14

Pero mis, uy tzaque tiyʌ mis aŋmawya'a y nwʌ'aŋjamwa'a. Y muspamis iwʌcʌsimijte' 'yaŋmayu.

Hebreos 3:14

Juca nite'tzʌytyamba Dios hasta ŋguendamba ñe'cʌ, y nwʌ'aŋjambatʌ jujcha'nde' mbʌjcʌchoŋdamu'cšejtʌ, maŋbatʌ nʌpʌctamu Cristo's jujche'ŋ ñe'cʌ's quiowindzʌmba.

Hebreos 8:9

Ja'nande' te' trato ndzʌjcušejpʌ'ʌs wina tyataji'ŋda'm, Jujcha' tiju'cʌs ŋguŋbʌquiaju njitipʌquiaju wa'yʌs nʌpujtyaju Egipto'ojmoc. Pero ñe'cʌ'sta'm jañʌtu'ŋajaya ʌs ndzʌjcupʌ ndrato, Y ndzaquiaju'ʌs, nʌmu tʌ Ngomi.

Santiago 1:25

Te' Diojsis chame cota'nupʌ tiyʌte' y Diojsistʌ pu'pʌ'tamba wa'ytyʌ mato'ŋoyu ñe'cʌ's chambašej. Te'cotoya iwʌ's quioquenba cuenta y ja'n jyambʌ'i te' myatoŋupʌ tiyʌ sino que chʌcjojcʌtʌcpa myatoŋušej, te'wʌ maŋba dichoso'aju myato'ŋoquiu'yojmo.

1 Juan 2:19

Yʌ'ta'mbʌ tʌste' ndu'mʌquiu'yojmoc tzu'cumyaju pero ja'nde' wiyuŋšejta'mbʌ wʌ'aŋja'moye. Juca inʌc tumo'oyj wʌ'aŋja'moyajpa tʌji'ŋ, tzʌ'yjojcʌtʌquiaju inʌc tʌji'ŋ. Pero tzu'cumyaju wa'y quieju que ja'n mumu wyʌ'aŋja'moyay jujcha' tʌta'm.

1 Juan 2:24

Tiyʌmis matoŋdamu nwyʌ'aŋja'moytyamu'cmij, te'šej wʌ'aŋjamjojcʌtʌctamʌ. Juca nwʌ'aŋjamjojcʌtʌctambamis tiyʌmis matoŋdamu nwyʌ'aŋja'moytyamu'cmij, choco'yojmomij maŋba ñʌ'itjojcʌtʌctamu Diojsis, y te'šejtijque' 'Yune's.

2 Juan 1:9

Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.