San Juan 8:29 - Zoque Copainalá New Testament

²⁹ Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

San Juan 8:29 ပူးပေါင်းရင်းမြစ်များ

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Mateo 3:15

Pijche'ca Jesujsis 'yaŋdzoŋu: Yajnʌ'yʌ'ʌj. Yʌ'šej pyʌcpa wa'ytyʌ ndzʌcta'nu chamušej Diojsis. Pijche'ca yajnʌ'yʌyu Jua'ŋis.

San Mateo 3:17

Pijche'ca minu tzajpojmocpʌ otowe, nʌmupʌ: Yʌ'wʌ te' ʌs Une sunbapʌ'ʌs, y yajtzocopyacpapʌ'sʌj.

San Juan 14:31

Pero ʌs ndzʌcpa'ʌs aŋgui'muše'ʌj Ndata's wa'y myujšaju te' ja'n wyʌ'aŋja'moyapyʌ's que ʌs sunba'ʌs Ndata Dios. Tzu'cumdamʌ, y ma'nta'm.

San Juan 15:10

Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 16:32

Yʌtij jeque nʌ ñu'cu te' hora, y ta'nwa'nde' aŋsʌŋ wa'mij ñdyitpejpʌ'tamu. Y maŋba pyʌjcu tumduma'ŋbʌ'nis ñe' tyuŋ, y maŋbamisʌj ndzactamu naytyumʌ. Pero ja'nʌjyʌ' naytyumʌpʌ, porque ʌji'ŋ ijtu ʌs Ndataj.

San Juan 17:4

Ʌs nyajqueñajwa'mʌs najsacopajcʌsita'mbʌ pʌn mis mʌja'ŋajcuy. Nyajta'nwa'mʌs te' yoscuy aŋgui'mušejmisʌj wa'yʌs ndzʌjcu.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

San Juan 5:30

Ʌs ja'ʌs musi ndzʌjcu yajtiyʌ ne'cʌtij. Tzamjapyaše'ʌj Ndata's ŋgʌme'chajpa'ʌs pʌnda'm. Y ʌs, wiyuŋbʌ tiyʌpi'tʌs ŋgʌme'chajpa, porque ja'ʌs me'tze ne' su'noquiuy, sino que wa'yʌs ndzʌjcu šunbašej ʌs Ndata Diojsis, porque ñe'cʌ'sʌjyʌ' cʌ'weju.

San Juan 6:38

Porque wanajcu'ʌj tzajpojmoc, ja'n wa'yʌs ndzʌjcu ne' su'noquiuy, sino que wa'yʌs ndzʌjcu šunbašej te' cʌ'wejupʌ'sʌj.

San Juan 8:16

Y juca ʌs ŋgʌme'tzpa iwʌjutiwʌ, wiyuŋbʌ tiyʌpi'tʌs ŋgʌme'tzpa porque ja'nʌjyʌ' naytyumʌpʌ, sino que ʌji'ŋ ijtu ʌs Ndata Dios cʌ'wejupʌ'sʌj.

2 Timoteo 4:17

Pero tʌ Ngomi ʌs inʌc ndze'ŋa'oyj ijtu. Ñe'cʌ'sʌj pʌmitzi'u wa'yʌs ndzamgota'nbʌ'u te' evangelio wa'y mumu genti'lis myatoŋyaju. Y comajcu-cotu'su'ʌj u'yʌj cʌ'su tzapas ca'ŋis.

2 Timoteo 4:22

Tʌ Ngomi's yajpaquitzi'ja mis ndzocoy. Diojsismij yajtzi'ʌ yajya'moquiuy y mumu miji'ŋ ijtyajupʌ. Amén.

Hebreos 4:15

To'ya'ŋʌpyatʌ tʌyʌ' mʌja'ŋbʌ sacerdote-cowi'na's, porque mochita'mbʌtʌyʌ' y oc'išajpatʌ. Ñe'cʌ te'šejtij 'yoc'išajyajque'tu mumutiyʌcʌsi, pero jaquiowapa'tʌ.

Hebreos 7:26

Porque te'šejpʌ mʌja'ŋ sacerdotetʌte' inʌc sundamba: Masanbʌ, jaquiowapa'tʌpʌ, cowajupʌ, jamyotapʌ cowatzʌquiji'ŋda'm, y ñʌmaŋu Diojsis más cʌsmʌ que ja'nde' te' tzap.

1 Juan 2:1

Tʌwʌy, yʌ'šejta'mbʌ tiyʌ'ʌsmij nʌ njayjaytyamu wa'mij jana ŋguiowapa'ttamu. Y juca iwʌjutiwʌ cowapa'tpa, te' justopʌ Jesucristo'stʌ maŋba co'otoŋu Diojsis wyi'naŋdʌjqui.

1 Juan 3:22

Y tiyʌta'mdʌ nwa'ctamba ñe'cʌcʌsi, ñe'cʌ's maŋbatʌ tzi'tamu, porque ŋgojamjaytyambatʌ ñe' 'yaŋgui'mguy y ndzʌctambatʌ tiyʌcʌsitʌ ñe'cʌ nyajtzocopyacpa.