25 Y quiʌ'aŋwa'quiaju: ¿Mij, iwa'mijyʌ'? Pijche'ca Jesujsis ñʌjayaju: Ndzamjaytyamuše'amʌsmij desde nʌcʌtzo'tzu'cʌs aŋma'yoquiuy.
Ñʌjayaju: ¿Mijate' te' Cristo? Tzamjatʌj. Y Jesujsis 'yaŋdzoŋyaju: Juca ndzamjaytyamba'ʌsmij, ja'nmis nwʌ'aŋjamdame.
Quiʌ'wejyaju te' judio'sta'm sacerdote y levitata'm Jerusale'ŋojmoc wa'y maŋu quiʌ'aŋwa'quiaju Juan: ¿Mij, iwa'mijyʌ'?
Y quiʌ'aŋwa'cwʌtzʌquiaju te' Juan: ¿Iwa'mij jequeyʌ'? Tzamjatʌj wa'ytyʌs te'šej ndzamjayaju cʌ'wejyajupʌ'stʌj. ¿Jutza' ndzamba ne' nwin?
Y quiʌne'ŋgʌwitu'yaju judio'sta'm, y ñʌjayaju: ¿Jujche'ŋ jamayʌ' maŋba nyajopi'tjayu tʌs ndzocoy? Juca mijte' te' Cristo quejuqueju'c tʌj tzamja.
Y tʌjcʌwyʌtzʌjcu te' cʌme'tzoquiuy-pyalacio'ojmo, y ñʌjayu te' Jesús: ¿Y mij, njyutʌpa'yʌ'? Pero Jesujsis nijutz ja'yaŋdzowa.
'Yoto'ŋʌwyʌtzʌquiaju Jesujsis te' tu'mʌyajupʌ te' templo'ojmo, y ñʌjayaju: Ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy. Iwʌ'sʌj co'ŋba ʌj ja'n wyiti pi'tza'ŋajcu'yojmo, sino que sʌ'ŋba te' chocoy, pya'tpapʌpit iscuy-quenguy.
Te'cotoya'ʌsmijte' nʌjaytyamu que cowatzʌquimij maŋba ŋguia'tamu. Juca ja'nmisʌj nwʌ'aŋjamdame que ʌjte' te' ndzamuše'amʌs, cowatzʌquimij maŋba ŋguia'tamu.
Ijtu sone tiyʌcʌsi'ʌsmij wa'y ŋgotzamdamu y ŋgʌme'tztamu. Pero te' cʌ'wejupʌ'sʌj wiyuŋbʌ Tatajte', y tiyʌ'ʌj yajmatoŋu ñe'cʌ's, te'še'ʌs ndzamjayajpa najsacopajcʌsita'mbʌ.