San Juan 8:24 - Zoque Copainalá New Testament

²⁴ Te'cotoya'ʌsmijte' nʌjaytyamu que cowatzʌquimij maŋba ŋguia'tamu. Juca ja'nmisʌj nwʌ'aŋjamdame que ʌjte' te' ndzamuše'amʌs, cowatzʌquimij maŋba ŋguia'tamu.

San Juan 8:24 ပူးပေါင်းရင်းမြစ်များ

San Mateo 24:5

Porque maŋba miñaju wʌwʌ pʌn ʌs nʌquiʌsi sujchajpawʌ, y maŋba ñʌmyaju: Ʌjte' te' Cristo. Y wʌwʌ pʌn maŋba 'yaŋgoma'cʌyaju.

San Marcos 13:6

Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y wʌwʌ pʌn maŋba 'yaŋgoma'cʌyaju.

San Marcos 16:16

Iwʌ's wyʌ'aŋjamba, y pyʌjcʌchoŋba ñʌ'yʌ'oquiuy, te'wʌte' cotzocpa. Pero te' ja'n wyʌ'aŋjamepʌ's, te'wʌ jyajcʌyajuwa'nde' quiowa.

San Lucas 21:8

Pijche'ca nʌmu Jesús: Coquendamʌ cuenta umij ya'iwʌ's 'yaŋgoma'cʌytyamu. Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y maŋba ñʌmyajque'tu: Nʌ tyo'mʌyu te' aŋsʌŋ. Te'cotoya'ʌsmij nʌjaytyamba, uy co'ŋdame.

San Juan 13:19

Maŋbamaj tyujcupʌ tiyʌ nʌytya'mʌsmij ndzamjaytyamu yʌtij, y tucpa'ca maŋbamis nwʌ'aŋjamdamu que ndzamjaytyamutya'mʌsmij te' wiyuŋbʌ tiyʌ.

San Juan 3:18

Iwʌ'sʌj wʌ'aŋjamba ʌj ja'n yajtiyʌ quio'aŋgʌy. Pero iwʌ'sʌj ja'n wʌ'aŋjame maŋba quio'aŋgʌyu, porque jawyʌ'aŋjamʌ ʌj te' Diojsis 'Yune.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 4:26

Ñʌjayu Jesujsis: Ʌjte', yʌ'yʌj nʌ ndzamdzamnayupʌ miji'ŋ.

San Juan 8:21

Y ñʌmwʌtzʌcjayaju Jesujsis: Maŋba'ʌj, y maŋbamisʌj me'tztamu, pero mijta'm cowatzʌquimij maŋba ŋguia'tamu. Maŋbamʌ'yʌj ʌj mista'm ja'nmij musi mindamu.

San Juan 8:25

Y quiʌ'aŋwa'quiaju: ¿Mij, iwa'mijyʌ'? Pijche'ca Jesujsis ñʌjayaju: Ndzamjaytyamuše'amʌsmij desde nʌcʌtzo'tzu'cʌs aŋma'yoquiuy.

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

San Juan 8:58

Y ñʌjayaju Jesujsis: Wiyuŋše'ʌsmij nwiyuŋdzamjaytyamba: Ja'ndiyʌ'cmaj Abrahán, ʌj ijtu'ctya'mʌjte'.

Hechos 4:12

Y eyawʌ's ja'ndʌ musi yajcotzojcu, porque na' ñe' ñʌquiʌsi cotzoquiajpa najsacopajcʌsita'mbʌ pʌn.

Hebreos 12:25

Coquendamʌ cuenta wa'mis mato'ŋoyjaytyamu Dios nʌmij 'yoto'ŋʌytyamupʌ's. Te' ya'acta'mbʌ pʌ'nis jašunʌ quiʌmato'ŋʌya te' minu 'yaŋnʌctza'mʌyajupʌ's yʌy najsacopajcʌsi, te'cotoya Diojsis jatyo'ya'ŋʌya. ¿Jutzandʌ maŋba to'ya'ŋʌytyamu juca ja'ndʌ ŋgʌmato'ŋʌy te' tzajpojmo ijtupʌ'stʌ nʌ aŋnʌctza'mʌyušej?

Hebreos 2:3

Juca yajco'aŋgʌyatʌju te'šej, ¿ja'nsʌ'ŋdʌ maŋu yajnʌco'aŋgʌyu tʌ juca ja'ndʌ ŋgoquene cuenta wa'ytyʌ yajcotzojcu Diojsis, porque ñe'cʌ's sundambatʌ? Winatij chamgopuŋu tʌ Ngomi Jesujsis que Diojsis sunbatʌ yajcotzojcu. Y te' quiʌmato'ŋʌyajupʌ's ñe'cʌ's chamušej tzamjayajque'tutʌ que wiyuŋbʌ tiyʌte' tʌ Ngomi's chamušej.