San Juan 8:21 - Zoque Copainalá New Testament

²¹ Y ñʌmwʌtzʌcjayaju Jesujsis: Maŋba'ʌj, y maŋbamisʌj me'tztamu, pero mijta'm cowatzʌquimij maŋba ŋguia'tamu. Maŋbamʌ'yʌj ʌj mista'm ja'nmij musi mindamu.

San Juan 8:21 ပူးပေါင်းရင်းမြစ်များ

San Mateo 23:39

Porque ʌsmij nʌmjaytyamba que desde yʌtij ja'namisʌj ŋguendaŋgue'temaj hasta que nu'cpa te' aŋsʌŋ ñʌmdamba'camij: Wʌcotzamda'mitʌy yʌ'wʌ yʌy nʌ minupʌ te' Diojsis ñʌquiʌsi.

San Mateo 25:41

Pijche'ca ñe'cʌ's maŋba ñʌjayaju te' aŋña'ojmoc ijtyajupʌ: Jʌcʌ'tamʌ ʌs nwi'naŋdʌjqui tocoyupʌ mbyʌnda'm mijyʌ'. Maŋdamʌ ja'n yayepʌ jucʌtʌjcojmo, nimejcʌyupʌ diablocotoya y ñe' 'yangelescotoyata'm.

San Mateo 25:46

Yʌ'ta'mbʌ maŋba tyʌjcʌyaju ja'n yayepʌ toya'ojmo. Pero te' justota'mbʌ maŋba tyʌjcʌyaju ja'n yayepʌ quengu'yojmo.

San Juan 12:33

Y Yʌ'šej chamu Jesujsis wa'ytye' yajnʌctʌ'yaju pʌnda'm jutzte' inʌc maŋba quia'u.

San Juan 12:35

Pijche'c Jesujsis ñʌjayaju: Yʌy najsacopajcʌsi uša'ŋ horatya'mʌsmijyʌ' maŋba sʌ'ŋgʌtzʌcjaytyamu, te'šej wittamʌ umij mbya'tewʌ'ajtamu pi'tza'ŋajcʌ's. Porque iwʌ witpa pi'tza'ŋajcu'yojmo ja'n myusi jutʌte' nʌ myaŋu.

San Juan 13:33

Tʌwʌy, uša'ŋ horatya'mʌjyʌ' maŋba ijtu miji'ŋda'm. Maŋbamisʌj me'tztamu, pero ndzamjayajuše'ʌs judiota'm, te'še'ʌsmij ndzamjaytyaŋgue'tpa mijta'm yʌtij: Maŋbamʌ'yʌj ʌj, mijta'm ja'nmij musi mindamu.

San Juan 7:34

Maŋbamisʌj me'tztamu pero ja'namisʌj maŋu mba'ttamu. Te' maŋbamʌ'yʌj ijtu ʌj, mijta'm ja'nmij musi mindamu.

San Juan 7:36

¿Jutza'sʌ'ŋyʌ' sunba ñʌmu te' ñe'cʌ's chambašej: Maŋbamisʌj me'tztamu y ja'nmisʌj maŋu mba'ttamu? Y: ¿Maŋbamʌ'yʌj ijtu ʌj, ja'nmij musi mindamu?

San Juan 8:24

Te'cotoya'ʌsmijte' nʌjaytyamu que cowatzʌquimij maŋba ŋguia'tamu. Juca ja'nmisʌj nwʌ'aŋjamdame que ʌjte' te' ndzamuše'amʌs, cowatzʌquimij maŋba ŋguia'tamu.

Efesios 2:1

Wina ca'uwʌšejmij inʌc ittamu mista'm ŋgowapit y nyacha'cupyit, pero yʌtij Cristo'smij ñchi'tamba iscuy-quenguy Diojsis wyi'naŋdʌjqui.