San Juan 8:14 - Zoque Copainalá New Testament

¹⁴ 'Yaŋdzoŋyaju Jesujsis: Wempe ʌsne' nwin ndzamʌ, ndzambaše'ʌs wiyuŋbʌ tiyʌte', porque muspa'ʌs jutʌ'ʌjyʌ' tzu'cumu y jutʌ'ʌj maŋba. Pero mista'm ja'nmis mustame jutʌ'ʌjyʌ' tzu'cumu ni jutʌ'ʌj maŋba.

San Juan 8:14 ပူးပေါင်းရင်းမြစ်များ

San Juan 10:15

jujcha' ʌs Ndata'sʌj ispʌcpa, y ʌs ispʌcpa'ʌs ʌs Ndataj. Y ndzi'oquia'pa'ʌs ne' nwin ñchowambecotoyata'm, y te'wʌ pʌnda'mde'.

San Juan 10:36

Ʌjte' te' yajmasa'najupʌ y quiʌ'wejupʌ najsacopajcʌsi ʌs Ndata Diojsis. Porque nʌmu'ʌj que Diojsisʌjyʌ' 'Yune, te'cotoya nʌjaytyambamisʌj que otowewʌ'ajapya'ʌs Dios.

San Juan 13:3

Y myuspa inʌc Jesujsis que ñe'cʌ quiojtu Tyata's wa'y 'yaŋgui'mu, y que Diosaŋʌc minu y Diosaŋʌtij maŋgue'tpa.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 16:28

Tzu'cumu'ʌj Ndata'ŋʌc y minu'ʌj najsacopajcʌsi. Pero maŋbati'ʌs ndzajque'tu yʌ' najsacopac y maŋba'ʌj Ndataŋʌ.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 18:37

Pijche'ca ñʌjayu Pilato's: ¿Reyja jeque mijyʌ'? Aŋdzoŋu Jesús: Mijte' nʌ ñʌmu que re'yʌjyʌ'. Minu'ʌj mbʌ'naju najsacopajcʌsi wa'yʌs ŋgotestigosaju wiyuŋbʌ tiyʌ. Te'cotoya'ʌjyʌ' minu. Iwʌ'sta'mis wyʌ'aŋjamyajpa wiyuŋbʌ tiyʌ myatoŋjayajpa ʌs otowe.

San Juan 5:31

Juca ne'cʌ naytyumʌ'ʌs ŋgotestigosajpa nwin ja'nmis wiyuŋbʌ tiyʌšej ŋgomʌ'ytyame.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

2 Corintios 11:31

Te' Dios, tʌ Ngomi Jesucristo's Tyata's myuspa que ja'nʌj sutzi. Y te'wʌ's myerecetzʌcpa wa'ytyʌ nwʌcotzamdamu mumu jamacotoya.

2 Corintios 12:11

Jowipʌše'ʌj tzamu, pero ittamu mis ŋgowa porque pyʌcpa inʌc wa'misʌj nwʌcotzamdamu. Jujcha' wʌwʌta'mbʌ tiyʌcʌsi mʌja'ŋ te' mi'ojmota'm ijtyajupʌ cʌ'wej, te'šejtijque' ʌj mʌja'ŋ, ñempe yajtiyʌšej ŋgomʌ'pya'ʌs nwin.

2 Corintios 12:19

¿Nguipstambamajmis hasta yʌtij que nʌtʌste' ŋgoquijpu nwin mista'm nwi'naŋdʌjqui? Cristopit ndzambatʌs Diojsis wyi'naŋdʌjqui, y mumu tʌs ndzamba atzita'm wa'ytyʌsmij nyajpʌmipʌctamu.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

El Apocalipsis 3:14

Y quiu'ya'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Laodicea-tu'mʌquiuy. Tzamja te' coque'noye y te' tu'mʌquiuy que ʌjte' te' pʌn que tiyʌ'ʌs ndzamba ndzʌcpapʌ'ʌste'. Ʌjte' te' jicapyʌ y wiyuŋdzambapʌ testigos. Ʌjpitte' tzo'tzu mumutiyʌ Diojsisñe'.