San Juan 7:37 - Zoque Copainalá New Testament

³⁷ Te' ultimopʌ jama judio's chʌcsʌŋdyʌŋyajpa'c te' sʌŋ, tenaqui'mu Jesús y weju'c nʌmu: Juca iwʌ yoctʌtzpa, yajminʌ ʌ'aŋi wa'y chocopyajcu.

San Juan 7:37 ပူးပေါင်းရင်းမြစ်များ

San Mateo 11:28

Cʌ'mindamʌ'ʌj jujche'ŋmij nʌ mbyuyupyʌ'tamupʌ yoscu'yis, y tzʌmicʌ'mʌmij ittamupʌ, y ʌsmij maŋba nyajsapʌctamu.

San Mateo 3:3

Yʌ' Juaŋde' chamupʌ te' tza'maŋwa'opyawʌ Isaiajsis, nʌmu'c: Wejqui'mu'c nʌmu tumʌ te' pʌn ja'itʌnʌmʌmʌy: Nimejcʌytyamʌ ndzocoy tʌ Ngomicotoya jujcha' pʌ'nista'm ñimejcʌyajpa tuŋ. Wʌtzʌcjaytyamʌ te' wyiyuŋ-duŋ te' maŋba minumʌy.

San Mateo 5:6

Dichoso te' quiʌñʌñajpapʌ's justo'ajcuy, porque Diojsis maŋba jyustocotzʌquiaju.

San Juan 1:23

Nʌmu Juan: Ʌjte' te' pʌn wejqui'mu'c nʌmbapʌ ja'itʌnʌmʌmʌy: Nimejcʌytyamʌ ndzocoy Cristocotoya, jujcha' pʌ'nista'm ñimejcʌyajpa tuŋ, chamušej tza'maŋwa'opyapʌ Isaiajsis.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 4:10

'Yaŋdzoŋu Jesujsis: Ja'nmis ispʌcjay te' Diojsis yajya'moquiuy. Ja'nmis ispʌqui iwʌ'smijte' nʌ wya'cjayu nʌ'. Juca inʌc misʌj ispʌcpa mis inʌc nwa'cpa ʌjcʌsi, y ʌsmij inʌc ndzi'pa nʌ' šajpapʌ's quenguy.

San Juan 4:11

Ñʌjayu te' yomo's: Señor, ja'nmis tiyʌpit nʌputi, y yʌ' pozo jʌŋupʌyʌ'. ¿Juta' jeque nʌ'ijtu nʌ' šajpapʌ's quenguy?

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

San Juan 5:40

pero ja'nmisʌj suni nwʌ'aŋjamdamu ʌj wa'yʌsmij ndzi'tamu ja'n yayepʌ quenguy.

San Juan 6:35

Y ñʌjayaju Jesujsis: Ʌjte' te' pan šajpapʌ's iscuy-quenguy mumu pʌngotoya. Iwʌ'sʌj cʌ'minba ʌj ja'na yu'que'temaj. Y iwʌ'sʌj wʌ'aŋjamba ʌj, ja'na yoctʌtzque'temaj.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 6:55

Porque te' ʌs sis wiyuŋšejpʌ cu'tcuyšejpʌte', y te' ʌs nʌ'pin wiyuŋšejpʌ to'ŋguyšejpʌte'.

San Juan 7:28

Nʌ inʌc 'yaŋma'yoyu Jesús te' judio-templo'ojmo. Pijche'c weju'c nʌmu: Ispʌctambamisʌj y mustambamis jutʌpʌ'ʌjyʌ', pero te' wiyuŋšejpʌ Diojsisʌjte' cʌ'weju, y ñe'cʌ ja'nmis ispʌctame mista'm.

1 Corintios 10:21

Ja'nmij musi 'yuctamu tʌ Ngomi's vyaso'ojmo y demonio's vyaso'ojmo. Ja'nmij musi ŋguiu'ttamu tʌ Ngomi's myesa'ojmo y demonio's myesa'ojmo.

1 Corintios 10:4

Y myuma'ŋgʌ'y 'yuquiaju tumo'pyʌ ujcuy chi'yajupʌ Diojsis, porque 'yuquiajpa inʌc te' ujcuy te' Diojsis chi'yajupʌ tza'ojmoc, te' quio'ŋyajpapʌ's inʌc. Y te' tza', Cristote'.

1 Corintios 11:25

Y ujcaŋbaquiaju'ca, pyʌjque'tu te' vaso, y nʌmu: Yʌ' vasote' te' jomepʌ trato ʌs nʌ'pinbit. Tzʌctamʌ yʌ'šej jujche'ŋ nacamij 'yuctamba yʌ' vaso'ojmo wa'misʌj njamwʌtzʌctamu.

1 Corintios 12:13

Porque te' tumʌpʌ Espiritupit tumʌpʌ cuerpo'ajtamutʌ mumu, jujcha' nʌ'yʌ'oquiu'yojmošej, juca judío o juca griego, juca coyospapʌ o librepʌ. Y mumu tʌ jo'ʌytyamu te' tumʌpʌ Espíritu Santo's.

Efesios 5:18

Y uy no'tcuy tzʌctame porque te'wʌ'smij ñʌtocoytyamba. Más oye wa'mis ndzi'tamu lugar te' Espíritu Santo wa'y itjojcʌtʌjcu mista'm ndzoco'yojmo.

El Apocalipsis 21:6

Y nʌjaquie'tu'ʌj: Yʌtij njomecotzʌcpʌ'wa'mʌs. Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y nʌ yoctʌjtzupʌ coyowataca'ʌs maŋba nyajnʌ'to'ŋu te' wombamʌy nʌ', te' yospapʌ ja'n yayepʌ quenguquiotoya.

El Apocalipsis 22:1

Jʌsa'ca yajquengue'tu'ʌj te' angelejsis tzusnʌpʌ mʌja nʌ', qui'toŋbapʌ jujcha' cristal, šajpapʌ's iscuy-quenguy. Yʌ' mʌja nʌ' nʌ inʌc wyomu Diojsis y Ñchowambe's 'yaŋgui'mʌtʌjcuy-pyocscuquiʌ'mʌ.

El Apocalipsis 22:17

Y te' Espíritu Santo's y te' Ñchowambe's yomo's nʌ ñʌjayaju tumduma'ŋbʌn: Minʌ. Y iwʌ's myatoŋba yʌ' we'oquiuy, yajwejque'ta eyapʌ tyʌwʌ. Y iwʌ yoctʌtzpa, yajcʌ'minʌ Jesús. Y iwʌ's šunba, minʌ yajto'ŋa coyowataca te' nʌ' yospapʌ ja'n yayepʌ quenguquiotoya.