San Juan 7:36 - Zoque Copainalá New Testament

³⁶ ¿Jutza'sʌ'ŋyʌ' sunba ñʌmu te' ñe'cʌ's chambašej: Maŋbamisʌj me'tztamu y ja'nmisʌj maŋu mba'ttamu? Y: ¿Maŋbamʌ'yʌj ijtu ʌj, ja'nmij musi mindamu?

San Juan 7:36 ပူးပေါင်းရင်းမြစ်များ

San Juan 12:34

'Yaŋdzoŋyaju te' pʌ'nista'm: Aŋmayutʌs te' aŋgui'mgu'yojmo que yajujche'c ja'n maŋu quia'u te' Cristo. ¿Tiyajca'nde' ñʌmbamij que pyʌcpa wa'y yajqui'myaju cruzcʌsi te' Pʌ'nis 'Yune? ¿Iwa' jequete' te' Pʌ'nis 'Yune?

San Juan 13:33

Tʌwʌy, uša'ŋ horatya'mʌjyʌ' maŋba ijtu miji'ŋda'm. Maŋbamisʌj me'tztamu, pero ndzamjayajuše'ʌs judiota'm, te'še'ʌsmij ndzamjaytyaŋgue'tpa mijta'm yʌtij: Maŋbamʌ'yʌj ʌj, mijta'm ja'nmij musi mindamu.

San Juan 3:4

Quiʌ'aŋwa'cu Nicodemo's: ¿Jutza' muspa pyʌ'najwʌtzʌjcu te' pʌn, tzamupʌ'nʌ'ca? ¿Muspasʌ'ŋ tyʌjcʌwyʌtzʌjcu ñana's chejcojmo wa'y pyʌ'najwʌtzʌjcu?

San Juan 3:9

Quiʌ'aŋwa'cu Nicodemo's: ¿Jutza'sʌ'ŋde' muspa tyujcu te'šej?

San Juan 6:41

Pijche'ca te' judio'sta'm ñu'motoŋgʌ'yjayaju Jesús porque nʌmu: Ʌjte' te' pan wanajcupʌ tzajpojmoc.

San Juan 6:52

Pijche'ca quipotoŋgʌ'yaju judiota'm, y nʌmyajpa inʌc: ¿Jutza'ndʌ muspa tzi'u yʌ' pʌ'nis ñe' cuerpo jujcha' cu'tcupyʌ tiyʌ wa'ytyʌ ŋgʌ'sjaytyamu šis.

San Juan 6:60

Y soneta'mbʌ quiʌ'aŋmaye's myatoŋyaju y nʌmyaju: Jene na'chaŋda'mbʌ tiyʌ chamba, ¿iwʌ'sasʌ'ŋ muspa ñʌtu'ŋaju?

San Juan 7:34

Maŋbamisʌj me'tztamu pero ja'namisʌj maŋu mba'ttamu. Te' maŋbamʌ'yʌj ijtu ʌj, mijta'm ja'nmij musi mindamu.

San Juan 8:21

Y ñʌmwʌtzʌcjayaju Jesujsis: Maŋba'ʌj, y maŋbamisʌj me'tztamu, pero mijta'm cowatzʌquimij maŋba ŋguia'tamu. Maŋbamʌ'yʌj ʌj mista'm ja'nmij musi mindamu.

1 Corintios 2:14

Y te' pʌn ja'ndiyʌpo'mo Espíritu Santo ja'n ñʌctʌ'i tiyʌta'm chamjapya Diojsis 'Yespiritu's, porque co'sawa'cuytye' ñe'cʌcotoya. Y ja'n musi ñʌctʌ'yu, porque pyʌcpa wa'y tyacscʌme'tzpʌ'u Espíritu Santopit.