San Juan 7:31 - Zoque Copainalá New Testament

³¹ Y wyʌ'aŋjamyaju ñe'cʌ wʌwʌ pʌ'nista'm y nʌmyajpa inʌc: Minba'ca te' Cristo, ¿maŋbasʌ'ŋ chʌjcu más isaŋwʌ'ajcuy que ja'n yʌ'wʌ's?

San Juan 7:31 ပူးပေါင်းရင်းမြစ်များ

San Mateo 12:23

Y maya'yaju mumu te' pʌnda'm, y nʌmyaju: ¿Yʌ'wʌsʌ'ŋde' te' Davijtis 'Yune, te' Mesías?

San Lucas 8:13

Y te' tʌmbu cuñajupʌ tza'cotʌjcojmo, yʌ'wʌte' te' pʌnda'm myatoŋyajupʌ's y oma'oma pyʌjcʌchoŋyajupʌ's te' tzame. Pero te' choco'yojmota'm ja'n wyatzipʌqui te' tzame, uša'ŋ horacotoyatij wyʌ'aŋjamyajpa, y minba 'yoc'išatʌju, chaquiajpa te' tzame.

San Juan 11:45

Pijche'ca soneta'mbʌ judio miñajupʌ y tey inʌc ijtyajupʌ Mariaji'ŋ, quieñaju tiyʌ chʌjcu Jesujsis, y te'cotoya wyʌ'aŋjamyaju tʌ Ngomi.

San Juan 12:11

Porque Lazaropit soneta'mbʌ judio's inʌc nʌ chaquiaju ñe' wyʌ'aŋja'moquiuy wa'y quio'ŋyaju Jesús.

San Juan 12:42

Ñempe te'šej chamu, soneta'mbʌ cowi'na's wyʌ'aŋjamyaju Jesús. Pero ja'n inʌc quiowʌ'aŋjamyay porque ña'chajpa inʌc te' fariseota'm uy maŋu myacpujtyatʌju judio-windʌjcojmoc.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 3:2

Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 4:29

Ñʌjayaju: Mindamʌ. Minʌ quendamʌ yʌ' pʌn cʌ'ñʌchambʌ'jawya'mʌj tiyʌta'mamʌs ndzʌjcu. ¿Ja'nsʌ'ŋde' yʌ'wʌ te' Cristo?

San Juan 4:39

Wʌwʌ pʌ'nis te' Samaria-cumgu'yoyj wyʌ'aŋjamyaju Jesús te' yomo's chamjayajupʌ tiyʌpit. Te' yomo's chamu'c Jesús nʌmupʌte': Cʌ'ñchambʌ'jawya'mʌj tiyʌta'mamʌs ndzʌjcu.

San Juan 6:2

Nʌ inʌc quio'ŋu Jesús wʌwʌ pʌ'nis porque quieñaju jutz inʌc chʌcpa isaŋwʌ'ajcuy wa'y yajtzojcu ca'eta'mbʌ.

San Juan 7:26

Yʌtij quejuqueju'c yʌy tzamdzamnapya, y yajtiyʌ ja'n chamjayay cowi'na'sta'm. ¿Wiyuŋšej ñʌctʌ'yajwa'sʌ'ŋ que yʌ'wʌte' te' Cristo?

San Juan 9:16

Pijche'ca metza tuca'y te' fariseo nʌmyajpa inʌc: Te' cho'yʌyupʌ's ja'nde' Diojsis quiʌ'weju porque ja'n quiojame sábado. Eyata'mbʌ nʌmyajpa inʌc: ¿Jutza' jeque muspa chʌjcu yʌ'šejta'mbʌ isaŋwʌ'ajcuy cowatzʌquipʌ pʌ'nis? Y quipotoŋgʌ'yaju ñe'co'mo.

Hechos 8:13

Y yajti ñe'cʌ Simón wʌ'aŋja'moyu, y nʌ'yʌyu'c quio'ŋjojcʌtʌjcu Felipe. Y jowya'pʌ'u quienu'ca maya'aŋda'mbʌ isaŋwʌ'ajcuy y señalta'm chʌcpapʌ inʌc Felipe's.

Santiago 2:26

Jujcha'ndʌ ŋgüerpo ca'u'candʌ ja'ndiyʌ 'yespiritu, te'šejtijque' juca solo wʌ'aŋja'mopyatʌ y ja'ndʌ ndzʌctame oyeta'mbʌ tiyʌ, tʌ nwʌ'aŋja'moquiuy ca'upʌ tiyʌšejte'.