San Juan 7:18 - Zoque Copainalá New Testament

¹⁸ Iwʌ's ñe' quio'quips chamba, mye'tzpa wa'y yajmʌja'ŋaju ñe' wyin. Pero iwʌ's mye'tzpa wa'y yajmʌja'ŋaju te' quiʌ'wejupʌ's, te'wʌte' wiyuŋdzambapʌ pʌn. Te'šejpʌ pʌn ja'n 'yaŋgoma'cʌ'oy.

San Juan 7:18 ပူးပေါင်းရင်းမြစ်များ

San Mateo 6:9

Oto'ŋʌytyamba'cmis Dios yʌ'šej nʌmdamʌ: Tatay, tzajpojmomij ijtupʌ, Yajcʌna'tzʌyjaya mis nʌy.

San Juan 11:4

Myatoŋu'ctij Jesujsis, nʌmu: Ca'epa'tu ja'nde' wa'y quia'octucwa'a, sino wa'y quieju Diojsis isaŋwʌ'ajcuy. Te'šejtijque' te'wʌpit wa'y quieñaju pʌ'nista'm que ʌjte' te' Diojsis 'Yune, y wa'yʌj mʌja'ŋwʌcotzamyaju.

San Juan 12:28

Pero maŋba'ʌs nʌjayu: Tatay, ʌs ŋga'aŋbit wa'y quienjayaju que mʌja'ŋbʌte' mis nʌy. Pijche'c 'yaŋdzoŋu Diojsis tzajpojmoc, y ñʌjayu: Nyajmʌja'ŋajwa'mʌs, y maŋbama'ʌs nyajmʌja'ŋajque'tu.

San Juan 12:43

Porque más inʌc šuñajpa wa'y pʌ'nista'm myʌja'ŋdzʌquiaju que ja'n wa'y Diojsis myʌja'ŋdzʌquiaju.

San Juan 5:41

Ja'ʌs njo'que wa'yʌj pʌ'nis wʌcotzamyaju.

San Juan 8:54

Aŋdzoŋu Jesús: Juca ne'cʌ'ʌs mʌja'ŋdzʌcpa nwin, ʌs mʌja'ŋajcuy yajtiyʌte'. Ʌste' Ndata'sʌj yajmʌja'ŋajpa, y mij ñʌmdambamij que ñe'cʌte' mista'm Dios.

1 Tesalonicenses 2:6

Ja'ndʌs me'tze wa'ytyʌj pʌ'nis mʌja'ŋgomʌ'yaju, ni mista'm, ni eyata'mbʌ's, ñempe tʌsmij inʌc muspa ndzʌmitzi'tamu porque Cristo'stʌjyʌ' quiʌ'wej.

1 Pedro 4:11

Iwʌ aŋma'yopya, ya'aŋma'yoya Diojsis chambašej. Iwʌ yospa Dioscotoya, yajyosa Diojsis šajpapʌ pʌmipit. Te'šejmis maŋba mʌja'ŋwʌcotzamdamu Dios mumutiyʌcʌsi Jesucristopit. Cristo's pyʌjcʌchoŋwa'a 'yaŋgui'mʌtʌjcuy mumu jamacotoya y pyʌcpa wa'ytyʌ nwʌcotzamdamu ñe'cʌ. Amén.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.