San Juan 7:14 - Zoque Copainalá New Testament

¹⁴ Pero sʌ'ŋʌcujcoyj tʌjcʌyu Jesús te' judio-templo'ojmo y aŋma'yoquiʌ'yu.

San Juan 7:14 ပူးပေါင်းရင်းမြစ်များ

San Mateo 21:12

Y tʌjcʌyu Jesús Diojsis tyemplo'ojmo y myacputpʌ'u jujche'ŋ ma'ajpawʌ y ju'yopyapʌ te' templo'ojmo. Y myucswitu'pʌ'jayaju te' myesata'm nʌmʌy inʌc quiacpʌ'yaju tumin, y te' pocscuytya'm nʌmʌy inʌc mya'ʌyaju palomata'm.

San Mateo 26:55

Pijche'ctij ñʌjayaju Jesujsis te' pʌnda'm: ¿Tiyajca'yʌ' nʌmindamba espada y cuy wa'misʌj nuctamu jujcha' nu'mbawʌ? Tumdumʌ jama inʌjcʌj pocspa miji'ŋda'm te' templo'ojmo, y aŋma'yopya inʌjcʌj, y jañuctamʌmisʌj.

San Lucas 19:47

Tumdumʌ jama inʌc aŋma'yopya Jesús te' templo'ojmo. Pero te' sacerdote-cowi'na'sta'm, y aŋgui'mguy-tyayuta'm y te' cumguy-quiowi'na'sta'm chʌcme'chajpa inʌc wa'y yajca'yaju.

San Juan 18:20

'Yaŋdzoŋu Jesujsis: Quejuqueju'cʌs oto'ŋʌyaju najsacopajcʌsita'mbʌ pʌn. Ʌj mumu jama'ʌj aŋma'yoyu judio'sta'm wyindʌjcojmo y templo'ojmo tu'mʌpyʌ'yajpamʌy judiota'm. Y yajtiyʌ'ʌs jañchamʌ nu'mdij.

San Juan 5:14

Jʌsa'ca pya'tu Jesujsis te' templo'ojmo, y ñʌjayu: Yʌtij ñchocwa'mij, u'ya cowapa'tque'temaj umis maŋu maŋgopa'tʌyu más jene jenepʌ ca'cuy.

San Juan 7:2

Y nʌte' inʌc tyo'mʌyu judio'sta'm quiu'tcuy-šʌŋ tijpa'c inʌc ijtyaju pechtʌjcojmo te' judiota'm.

San Juan 7:28

Nʌ inʌc 'yaŋma'yoyu Jesús te' judio-templo'ojmo. Pijche'c weju'c nʌmu: Ispʌctambamisʌj y mustambamis jutʌpʌ'ʌjyʌ', pero te' wiyuŋšejpʌ Diojsisʌjte' cʌ'weju, y ñe'cʌ ja'nmis ispʌctame mista'm.

San Juan 7:37

Te' ultimopʌ jama judio's chʌcsʌŋdyʌŋyajpa'c te' sʌŋ, tenaqui'mu Jesús y weju'c nʌmu: Juca iwʌ yoctʌtzpa, yajminʌ ʌ'aŋi wa'y chocopyajcu.

San Juan 8:2

Y namdzuc witu'u Jesús te' templo'ojmo, y cumgu'yis quiʌtu'mʌyu. Y pocsquejcu'c inʌc nʌ 'yaŋma'yoyu tey.

San Juan 8:20

Yʌ'šejta'mbʌ tiyʌ chamu Jesujsis te' quiojtyajumʌy tzi'oquiuy, nʌ'c 'yaŋma'yoyu te' judio-templo'ojmo. Y ya'iwʌ's jañucʌ, porque jañu'cʌ'cmajte' hora wa'y quia'u.